Morgunblaðið - 10.07.2004, Side 20
MINNSTAÐUR
20 LAUGARDAGUR 10. JÚLÍ 2004 MORGUNBLAÐIÐ
ÁRBORGARSVÆÐIÐ
Selfoss | „Það eru engir miðar, en þú
getur keypt þetta á sextíu og svo
þessa hérna á þrjátíu,“ sagði Guðrún
Eik Sveinsdóttir, 6 ára, sem stýrði
hlutaveltu á gangstéttinni á Birkivöll-
unum á Selfossi fyrr í vikunni. Með
henni voru Arnór Jónsson, 7 ára, og
Sandra Jónsdóttir, 4 ára. Slíkir við-
burðir eru algengir yfir sumartímann
og framtakssemi barnanna mjög
skemmtileg.
Þau ganga í hús og kanna hvort fólk
vill leggja þeim lið með hluti og alltaf
tekst að ná saman góðu safni hluta til
að setja á hlutaveltuborðin sem sett
eru fram á gangstétt ef þannig viðrar
en í rigningu eru bílskúrar gjarnan
notaðir. Það sýnir svo auðvitað hug
barnanna að þau vilja verja innkom-
unni til góðra málefna. Krakkarnir á
Birkivöllunum ætluðu að láta krabba-
meinssjúk börn njóta afrakstursins og
sjálf nutu þau þess að sjá eigið fram-
tak verða að veruleika.
Það þurfti ekki að fylgjast lengi
með framtaki barnanna til þess að sjá
viðskiptavini koma við og kaupa sér
hluti. Ýmist valdi fólk sér undirskál,
litla styttu, leikfang eða liggjandi grís.
„Sko, hann er búinn til úr hveiti,“
sagði Guðrún Eik og lagði áherslu á
orðin. Sandra tók að sér að gæta borð-
anna þegar þau eldri brugðu sér frá
til leikja eða annarra erinda.
Blómleg viðskipti á sumarhlutaveltu barna á Birkivöllunum á Selfossi
„Þetta er á sextíu og þessi á þrjátíu“
Morgunblaðið/Sigurður Jónsson
Hlutavelta: Guðrún Eik Sveinsdóttir, Arnór Jónsson og Sandra Jónsdóttir voru með verslun á Birkivöllunum.
AKUREYRI
BÆJARRÁÐ Akureyrar samþykkti
á fundi á fimmtudagsmorgun að
greiða nokkrum íþróttafélögum sam-
tals 176,5 milljónir króna, á tímabilinu
2005 til 2008, í uppbyggingarstyrki.
„Stórkostlegt“
„Þetta hefur lengi verið í farvatn-
inu og það er stórkostlegt að búið sé
að taka ákvörðun. Þetta verður algjör
bylting fyrir fimleikafólk á Akureyri,“
sagði Fríða Pétursdóttir, formaður
Fimleikaráðs Akureyrar, í samtali við
Morgunblaðið í framhaldi af ákvörð-
un bæjarráðs, en 67 milljónum króna
verður varið „vegna endurbættrar
æfingaaðstöðu í íþróttahúsi Glerár-
skóla, breytinga í Íþróttahöllinni fyrir
keppnis- og sýningaraðstöðu og
tækjakaupa“, eins og segir í fundar-
gerð.
„Íþrótta- og tómstundaráð hefur
unnið mjög vel með okkur og ég er
mjög sátt við starf þess. Þeir sem
sitja í ráðinu kynntu sér vel hvað er í
gangi í fimleikaheiminum.“
Fríða segir Fimleikaráðið ekki
hafa annað eftirspurn síðustu ár. „Við
erum með 300 iðkendur, sem er mjög
mikið á akureyrskan mælikvarða, en
samt eru alltaf biðlistar.“ Hún sagði
að með tilkomu íþróttahúss við Síðu-
skóla fengi fimleikafólk meiri æfinga-
tíma en áður í íþróttahúsi Glerárskóla
„og ég vona að næsta vetur getum við
tekið á móti öllum sem vilja stunda
fimleika“.
Fimleikafólk hefur æft í íþrótta-
húsi Glerárskóla og hugmyndin er sú
að stækka það til suðurs og í nýju
plássi verði fimleikagryfja og keppn-
isgólf þar sem áhöld verði uppistand-
andi. „Þar með verðum við komin
með sambærilega æfingaaðstöðu og
fimleikafélögin fyrir sunnan,“ segir
Fríða.
Hingað til hefur talsverður tími
farið í að setja upp æfingatækin og
setja þau aftur á sinn stað, við upphaf
og lok æfinga. „Við höfum blessunar-
lega sloppið við slys í fimleikunum,
það er helst að krakkarnir meiði sig
við að flytja tækin við að missa þau of-
an á tærnar á sér. Öryggisins vegna
er ekkert vit í því að litlir krakkar séu
að bera svona tæki,“ sagði Fríða Pét-
ursdóttir.
Bæjarráð samþykkti einnig sam-
komulag við Hestamannafélagið
Létti að upphæð 60 milljónir króna
vegna byggingar reiðhallar sem rísa
mun í Hlíðarholti í Lögmannshlíðinni,
þar sem er annað tveggja hestahverfa
bæjarins.
„Ástæða til að flagga“
„Tuttugu ára bið er nú loksins á
enda og ég óska hestamönnum, bæj-
arstjórn og reyndar Akureyringum
öllum til hamingju með þessa ákvörð-
un bæjarráðs. Þetta er mikill gleði-
dagur og sannarlega ástæða til að
flagga,“ sagði Sigfús Helgason í sam-
tali við Morgunblaðið í gær, en hann
er stjórnarmaður í Landssambandi
hestamannafélaga og fyrrverandi for-
maður hestamannafélagsins Léttis.
„Reiðhöll er nokkuð sem hesta-
menn hér hefur sárvantað og mun
gjörbreyta öllu starfi.“
Að auki samþykkti bæjarráð samn-
ing við Bílaklúbb Akureyrar að upp-
hæð 3 milljónir króna vegna upp-
byggingar akstursíþróttasvæðis. Þá
samþykkti ráðið samning við KKA
akstursíþróttafélag að upphæð 1,5
milljónir króna vegna uppbyggingar
akstursíþróttasvæðis. Ráðið sam-
þykkti og samning við Siglingaklúbb-
inn Nökkva að upphæð 5 milljónir
króna vegna gerðar varnargarða fyr-
ir smábátahöfn og samning við Golf-
klúbb Akureyrar að upphæð 30 millj-
ónir króna vegna endurbóta á
klúbbhúsi og golfvelli.
Bæjarráð samþykkti einnig samn-
ing við Knattspyrnufélag Akureyrar
(KA) að upphæð 10 milljónir króna
vegna endurbóta á útisvæðum félags-
ins.
180 milljónir í
uppbyggingu
Aðstaða fimleikafólks og hestamanna
gjörbreytist á næstu fjórum árum
ÓHÆTT er að segja að í auglýsingunni, sem konan á myndinni stóð and-
spænis í vikunni í göngugötunni á Akureyri, sé komið beint að efninu. Eng-
ar vífilengjur; varan ekki beint dásömuð eða reynt að lauma því inn hjá
fólki að það lifi daginn hreinlega ekki af öðru vísi en að fara eftir auglýs-
ingunni, heldur er fólki einfaldlega sagt að fá sér ís! Og slík fyrirmæli er
ómögulegt að misskilja. Enda fékk hún sér ís …
Auglýst í boðhætti
Morgunblaðið/Skapti Hallgrímsson
Safnadagur | Á morgun, sunnu-
dag, er íslenski safnadagurinn. Af
því tilefni efna söfnin í Aðalstræti á
Akureyri, Minjasafnið og Nonnahús,
til fjölskylduskemmtunar. Frá kl. 14
til 17 verður líflegt á safnasvæðinu
og margt áhugavert í boði jafnt utan
sem innan dyra.
Í Sigurhæðum – húsi skáldsins verð-
ur boðið upp á kaffi og vöfflur við
ljóðalestur milli 14 og 16.
Í gamla bænum í Laufási verður
einnig haldið upp á íslenska safna-
daginn. Þar verður ýmislegt um að
vera og bærinn er opinn kl. 9–18.
Tónleikar | Guðrún Jóhanna Ólafs-
dóttir mezzósópran verður með tón-
leika í Akureyrarkirkju á morgun,
sunnudag, kl. 17 ásamt Birgi Stein-
ari Sólbergssyni orgelleikara. Á efn-
isskránni: verk eftir Bach, Mozart,
Rossini og Sigvalda Kaldalóns.
JÓN Birgir Gunnlaugsson verkefn-
isstjóri umhverfismála hjá Akureyr-
arbæ segir hugsanlegt að álftin á
andapollinum og ungar hennar verði
fjarlægð af staðnum, þótt hann gæli
við að a.m.k. einhverjar álftir geti
verið þar áfram.
Álftapar hefur verið á andapollin-
um síðustu ár en eftir að þau höfðu
drepið alla andarungana þar nema
einn var karlinn aflífaður í fyrradag.
„Það er óvenjumikið af ungum á
andapollinum í ár og ljóst að svæðið
ber ekki svo marga.“ Starfsmenn
sundlaugarinnar hafa undanfarin ár
ungað út eggjum anda af pollinum í
sérstökum kössum og sleppt þeim
svo út á svæðið en Jón Birgir segir
að það gangi ekki lengur. „Þeir verða
að hætta því, hið snarasta. Mein-
dýraeyðirinn okkar hefur einmitt
verið að fetta fingur út í það að þeir
séu að unga út andarungum og
hleypa á svæðið,“ sagði Jón Birgir
við Morgunblaðið í gær.
Hann segir að seinna í sumar verði
álftarungarnir fjórir, sem nú eru á
svæðinu, kyngreindir og þá komi í
ljós hvort einhverjir þeirra verði
þarna áfram. „Við eigum eftir að ráð-
færa okkur við sérfræðinga um
þetta.“ Hann sagði það ekkert laun-
ungarmál að sér þættu álftirnar fal-
legar og þær hefðu aðdráttarafl.
Lagfæringar nauðsynlegar
Jón Birgir segir andapollinn og
svæðið þar í kring þarfnast veru-
legra endurbóta. Svo hafi verið í
nokkur ár og raunar séu fram-
kvæmdir þar komnar inn á þriggja
ára framkvæmdaáætlun. „Það þarf
að endurhanna svæðið því margt er
að. Girðingin í kringum svæðið er til
dæmis ónýt og það verður að segjast
að það er engin prýði af andapoll-
inum eins og hann er í dag. Ég er
sannfærður um að bæjarbúum þykir
vænt um þennan stað og vilja hafa
hann fallegan.“
Jón Birgir segir það sína skoðun
að taka hefði átt andapollinn í gegn
um leið og gagngerar endurbætar
voru gerðar á sundlaugarsvæðinu,
sem nýlega er lokið, því í raun og
veru væri um sama svæðið að ræða.
Svæðið ber
ekki svona
marga unga