Morgunblaðið - 10.07.2004, Qupperneq 6

FRÉTTIR
6 LAUGARDAGUR 10. JÚLÍ 2004 MORGUNBLAÐIÐ
SENDIBÍLL og fólksbíll rákust
harkalega saman í aftanákeyrslu við
rætur Esjunnar um sexleytið í gær-
kvöld. Slysið átti sér stað við bíla-
stæði á Vesturlandsvegi í Kollafirði.
Engin slys urðu á fólki. Átti lögregla,
slökkvilið og tækjabílar erfitt með að
komast úr borginni vegna umferðar.
Bílarnir eru báðir stórskemmdir og
þurfti að draga þá á brott.
Aftanákeyrsla
í Kollafirði
ÚTLIT er fyrir að tollur muni lækka
að minnsta kosti úr 10–13% í 3% á
þær vörur sem Ísland hefur lagt
mesta áherslu á í tvíhliða viðræðum
við Rússland um tollamál, þ.e. sjáv-
arafurðir og hátæknibúnað til mat-
vælavinnslu. Þetta kemur fram í
Stiklum, vefriti viðskiptastofu utan-
ríkisráðuneytisins, þar sem fram
kemur að viðræðurnar eigi sér stað í
tengslum við umsókn Rússlands um
aðild að Alþjóðaviðskiptastofnun-
inni, WTO.
Örn Viðar Skúlason, aðstoðarfor-
stjóri SÍF, segir að hugsanleg tolla-
lækkun sé mjög jákvæð fyrir SÍF
sem flytji mikið af síld og loðnu til
Rússlands. „Útflutningur okkar til
Austur-Evrópu hefur verið mjög
vaxandi og tollalækkun mun án efa
stuðla að frekari framþróun á því
sviði,“ segir Örn Viðar.
Hann segir útflutning SÍF til
Austur Evrópu vera um 10% af
heildarútflutningi félagsins.
Teitur Gylfason, deildarstjóri
uppsjávardeildar SÍF, tekur undir
með Erni og segir að gríðarlegir
möguleikar séu fyrir íslenskan fisk í
Rússlandi. „Það er góð eftirspurn
eftir sjávarfangi í Rússlandi og tolla-
lækkun myndi tvímælalaust hafa já-
kvæð áhrif á okkar útflutning þang-
að.“
Í Stiklum er haft eftir Grétari Má
Sigurðssyni sendiherra, sem fer fyr-
ir samninganefnd Íslands í viðræð-
unum við Rússland, að tollalækkun-
in geti skipt höfuðmáli í viðskiptum
við Rússland og bættur aðgangur að
þessum gríðarstóra markaði sé mik-
ið hagsmunamál.
Lægri tollur á íslenskar
vörur inn í Rússland
„ÞAÐ er alvarleg bilun í einu tækjanna, “
segir David Taylor og bætir við hlæjandi að
það sé candyfloss-vélin og það sé unnið hörð-
um höndum að viðgerðum.
David og kona hans Linda Taylor eru
bresk hjón sem reka tívolíið Fun Land við
Smáralind í Kópavogi ásamt börnum sínum.
Þegar blaðamann Morgunblaðsins bar að
garði á sólríkum föstudegi höfðu allir í nógu
að snúast við að yfirfara tækin, öryggisatriði,
ljósaperur og allt sem viðkemur tívolírekstri.
David bendir á að nauðsynlegt sé að hafa
perurnar í lagi vegna þess að það sé stór og
mikilvægur hluti af tívolístemningunni, ann-
ars sæi fólk bara einhver stór járnflykki sem
væru ekki eins spennandi ásýndar.
David segist vera sjötta kynslóð í tívolí-
rekstri og að allt hans líf hafi snúist um það
og einnig barna hans, sem einnig vinna við
tívolíið.
„Við fáum frí á morgnana,“ segja synir
Davids og Lindu hlæjandi, þegar þeir eru
spurðir hvort þeir eigi einhvern tíma aflögu,
en tívolíið er opið frá 13–23 daglega. Þeir
segjast þó geta skroppið í Bláa lónið og gert
sér ýmislegt til dundurs á meðan þeir eru á
Íslandi.
Fjölskyldan býr í hjólhýsum við tívolíið og
ferðast víða árlega og þykir það skemmti-
legt. Hún hefur m.a. farið til Sádi-Arabíu,
Karabíska hafsins og Afríku auk þess að
ferðast víðsvegar um Evrópu. David og synir
hans segja að þeim þyki gaman að ferðast
enda snúist líf þeirra um tívolíið. Þau fara frá
Íslandi um miðjan ágúst og halda þá til Eng-
lands þar sem þau eiga heimili og yngstu
börnin fara í skóla í haust.
David og Linda ætla þó ekki að sitja auð-
um höndum í haust heldur ferðast með tívolí-
ið um England.
David segist vonast til að geta haldið
áfram að koma til Íslands en tívolíið hefur
komið hingað frá árinu 1991. Hann bendir á
að yngsti sonur þeirra hjónanna sé 13 ára
gamall og hann hafi eytt júlímánuði á Íslandi
frá því hann fæddist. „Hann hefur að hluta
til alist hérna upp og á vini hérna,“ segir
David.
Rík tívolíhefð í fjölskyldu Davids Taylor sem rekur tívolíið í Smáralind
David Taylor við stolt tívolísins, parísarhjólið, sem hann rekur ásamt eiginkonu sinni. Yngsti sonur Davids og Lindu Taylor hafði í nógu að snúast við að skipta um perur.
Morgunblaðið/Árni Sæberg
Það er oft líf og fjör hjá starfsfólkinu í tívolíinu en flestir starfsmennirnir tilheyra sömu fjölskyldu. Hér bregða bræður og frændur á leik.
Lífið
snýst um
tívolí
BLAÐAMENN og ljósmyndari frá
dagblaðinu Guardian í London voru
nýverið á ferð á Snæfellsnesi. Til-
gangur ferðarinnar var að skrifa um
Jules Verne og tengingu hans við
Snæfellsjökul því í ár eru liðin 140 ár
frá því að bók hans Journey to the
Centre of the Earth eða Leyndar-
dómar Snæfellsjökuls kom út.
Snæfellsnes var nokkurs konar
lokapunktur ferðalagsins, því þau
höfðu gert tilraun til að fylgja leið-
arlýsingu bókarinnar frá Reykjavík
og vestur að Jökli. Þau Claire Smith,
Geoff Langan og Francesca Bourne
gerðu auk þess víða annars staðar
stuttan stans og stúlkurnar fóru
meðal annars í nokkurra daga
hestaferð á Mýrunum. Að auki
dvöldu ferðalangarnir á Hótel Búð-
um og Gistiheimilinu Brekkubæ á
Hellnum, könnuðu Sönghelli og aðra
hella á Jökulhálsinum, fóru á jökul-
inn sjálfan með Tryggva á Snjófelli
og komu við í Fjöruhúsinu á Helln-
um. Voru þau afar heppin með veð-
ur og töldu sig hafa aflað efnis sem
duga myndi í margar fleiri greinar
fyrir The Guardian, en þá sem fjalla
ætti um Jules Verne.
Morgunblaðið/Guðrún Bergmann
Claire Smith, Geoff Langan og Francesca Bourne við Brekkubæ.
140 ár frá útkomu bókar
Vernes um Snæfellsjökul
Hellnum. Morgunblaðið.♦♦♦