Morgunblaðið - 10.07.2004, Qupperneq 46

46 LAUGARDAGUR 10. JÚLÍ 2004 MORGUNBLAÐIÐ
KÓNGULÓARMAÐURINN (Spid-
er-Man), er ein örfárra sem standa
upp úr óstöðvandi myndaflóði byggð-
um á hasarblaðahetjum. Hún sló að-
sóknarmet og framhaldið lá í loftinu
frá fyrsta degi. Nú er það komið fram
á sjónarsviðið og liggur ljóst fyrir að
Kóngulóarmaðurinn 2 er frummynd-
inni að flestu leyti betri. Hún var
frumsýnd í ótölulegum fjölda kvik-
myndahúsa vestan hafs um síðustu
helgi, toppaði öll kunn aðsóknarmet
og má mikið vera ef K-2 verður ekki
vinsælasta mynd ársins. Auk met-
fjölda sýningarstaða hefur hún alla
burði til þess.
Sem fyrr fer Tobey Maguire með
tvöfalt aðalhlutverkið; Peter Parker,
námsmanninn góða sem getur á hinn
bóginn tæpast hnýtt skóþveng sinn
hjálparlaust. því síður tjáð tilfinn-
ingar sínar eða staðið sig sem pitsu-
sendill. Á kvöldin halda honum engin
bönd, þá fer hann í loftköstum sem
hinn ósigrandi Kóngulóarmaður sem
fullnægir réttlætinu ef níðst er á
minni máttar í New York borg. K-2
leggur mun meiri áherslu á tvískipt-
an persónuleika söguhetjunnar og
verður fyrir bragðið áhugaverðari og
mannlegri.
Samkvæmt reglunni lendir
Kóngulóarmaður í útistöðum við
erkióvin, Dr. Otto Octavius (Alfred
Molina), færan og hæglátan vísinda-
mann sem er að hanna nýjan ofur-
orkugjafa og jafnframt vélrænan kol-
krabba sem hann stjórnar með
líkama sínum. Tilraunirnar eru kost-
aðar af Harry Osborn (James
Franco), fyrrum vini Kónguló-
armannsins og kom við sögu í fyrstu
myndinni. Þegar Dr. Otto hefur tengt
sig við kolkrabbaskrímslið fer allt úr-
skeiðis. Vísindamaðurinn umturnast
og lætur stjórnast af illsku og hatri
og verður handbendi Osborns sem
skipar honum að drepa Kónguló-
armanninn í hefndarskyni.
Myndin er annað og meira en inn-
antóm brellumynd því Parker er
jarðbundinn eins og við hin og á í
endalausu basli í einkalífinu. Loforðið
sem hann gaf Parker fóstra sínum
(Cliff Robertson), að standa vörð um
samborgarana í dulargervi Kónguló-
armannsins, verður Parker æ meiri
fjötur um fót, ekki síst í samskiptum
við kærustuna, Mary Jane (Kirsten
Dunst). Parker óttast að tengsl henn-
ar við Kóngulóarmanninn leiði ógæfu
yfir stúlkuna
Kóngulóarmaðurinn berst því ekki
aðeins við ofurúrþvættið Otto Octav-
ius heldur sjálfan sig og umhverfi
Parkers, kennarana, kærustuna og
fóstruna Mary Parker, (sem fyrr
leikin af hinni aðsópsmiklu Rosemary
Harris sem gefur myndinni auka-
vídd). Útistöðurnar við J. Jonah
Jameson (J.K. Simmons), ritstjórann
og vaktstjórana á pitsustaðnum, eru
kryddaðar nauðsynlegri gamansemi,
sem jafnan er skammt undan.
Framleiðendurnir hafa ráðið Alvin
Sargent, roskinn og virtan handrits-
höfund hádramatískra verka líkt og
Ordinary People (’80), til að flétta
mannlegum þræði í vef brellumeist-
ara og hæfileikar hans og reynsla
nýtast K-2 afskaplega vel. Sam
Raimi, sem fyrrum gerði athygl-
isverðar B-hrollvekjur, sannar enn á
ný að hann er manna færastur í að
skapa andrúmsloft myrkrar vís-
indaskáldsögu um ofurhetju. Með því
að blanda því saman við sögu af með-
aljóni verður úr tignarleg brellu-
mynd, skínandi gamanmynd, hlaðin
spennu og rómantík. Afþreying-
armyndir gerast ekki betri.
Hinn mjúki Maguire verður æ við-
kunnanlegri. Dunst og Harris koma
með reisnina og Molina og Franco
eru skæðir skálkar. Kóngulóarmað-
urinn situr fastur í sínum gullna vef í
orðsins fyllstu merkingu, best að
áhorfendur sjái með eigin augum
hvað við er átt en við fáum alla vega
að njóta einnar myndar enn í þessum
frábæra félagsskap.
Fastur í gullnum vefnum
„Afþreyingarmyndir gerast ekki betri,“ fullyrðir Sæbjörn Valdimarsson í
fimm stjörnu dómi sínum um Kóngulóarmanninn 2.
KVIKMYNDIR
Smárabíó, Regnboginn, Laug-
arásbíó, Borgarbíó Akureyri.
Leikstjóri: Sam Raimi. Aðalleikendur:
Tobey Maguire, Kirsten Dunst, James
Franco, Alfred Molina. 127 mínútur.
Bandaríkin. 2004.
KÓNGULÓARMAÐURINN 2
/ SPIDER-MAN 2
Sæbjörn Valdimarsson
SÖNGKONAN Ragnheiður Gröndal
er þessa dagana á tónleikaferðalagi
um landið með hljómsveitinn Black
coffee sem er mönnuð þeim Sigurði
Þór Rögnvaldssyni gítarleikara, Pétri
Sigurðssyni bassaleikara og trommu-
leikaranum Kristni Snæ Agnarssyni.
Í ferðinni, sem hófst síðastliðinn
fimmtudag, ætla þau að leika á níu
stöðum á landsbyggðinni á tíu dög-
um. Ragnheiður segir það kærkomna
tilbreytingu að spila úti á landi.
„Maður getur ekki endalaust spilað
í bænum,“ segir hún.
„Svo er líka svo gaman að ferðast
og alltaf skemmtilegt að koma út á
land.“
Ragnheiður segir Black coffee
leika alls kyns tónlist.
„Við spilum djass, blús og popplög
en einnig frumsamið efni. Já, eig-
inlega bara öll flott lög sem við finn-
um,“ segir hún.
Það er nóg að gera hjá Ragnheiði í
sumar en eftir nústandandi tónleika-
ferð tekur önnur við sem hún leggur
upp í með bróður sínum, Hauki Grön-
dal.
„Við ætlum að leika á svipuðum
stöðum og við gerum núna en bara
með allt aðra tónlist,“ segir Ragn-
heiður en það er svokölluð klezmer-
tónlist sem um er rætt.
Einnig standa yfir upptökur á ann-
arri breiðskífu Ske sem Ragnheiður
syngur inn á.
„Platan á að koma út í október og
verið er að leggja lokahönd á upptök-
urnar þessa dagana,“ segir Ragn-
heiður að lokum.
Morgunblaðið/Sverrir
Það er nóg að gera hjá Ragnheiði Gröndal.
Tónlist | Ragnheiður Gröndal og Black
coffee á leið um landið
Ragnheiður
og kaffið
10. júlí: Hótel Reynihlíð, Mývatni
11. júlí: Kaffi Nielsen, Egilsstöðum
12. júlí: Hótel Aldan, Seyðisfirði
14. júlí: Gamlibaukur, Húsavík
15. júlí: Kaffi Krókur, Sauðárkróki
16. júlí: Búðarklettur, Borgarnesi
17. júlí: Café 67, Akranesi
HUGSAÐU STÓRTMiðasala opnar kl. 11.30
EINI THX LÚXUSSALUR LANDSINS
Kl. 10.15. B.i. 16.Kl. 6, 8, 10 og 12. Bi 16.
Sýnd kl. 1.50 og 3.50.
Íslenskt tal
www .borgarb io. is

SV Mbl
Kl. 5.50 og 8.

SV Mbl
Sýnd kl. 12 og 3.
Sýnd kl. 12, 2, 3, 5, 6, 8, 9 og POWERSÝNING KL. 11 OG 12 Á MIÐNÆTTI.Sýnd kl. 2, 3.30, 5, 6.30, 8, 9.30, 11 og
POWERSÝNING KL. 12.30 EFTIR MIÐNÆTTI
kl. 2.30, 5.30, 8.30 og 11.30
Powers
ýning
kl. 12.3
0
Power-sýningar kl. 11 og 12 ámiðnætti
ÓÖH DV
„Tvímælalaust besta
sumarmyndin...“