Morgunblaðið - 17.07.2004, Blaðsíða 15

ERLENT
MORGUNBLAÐIÐ LAUGARDAGUR 17. JÚLÍ 2004 15
AÐ MINNSTA kosti 80 börn brunnu
inni þegar eldur gaus upp í barna-
skóla í Tamil Nadu-ríki á Indlandi í
gærmorgun. 34 önnur börn urðu fyr-
ir alvarlegum brunasárum.
Talsmaður lögreglunnar í bænum
Kumbakonam sagði að um 80 lík
hefðu fundist í skólanum sem var fyr-
ir börn á aldrinum sex til þrettán ára.
Grátandi foreldrar söfnuðust sam-
an við skólann og fylgdust með
slökkviliðsmönnum sem báru líkin út
úr byggingunni. Mörg barnanna
brunnu svo illa að ekki var hægt að
bera kennsl á þau. „Það er átakanlegt
að sjá þessi litlu lík svona hræðilega
illa brunnin og borin út á sjúkrabör-
um,“ sagði kona sem býr nálægt skól-
anum.
Eldurinn kom upp á þriðju hæð
byggingarinnar. Embættismenn
sögðu að upptök eldsins væru ókunn
en leiddu getum að því að hann hefði
kviknað í eldhúsi, þar sem verið var
að elda hádegismat handa börnun-
um, eða vegna skammhlaups.
Skólastjórinn handtekinn
Eldurinn las sig mjög hratt um
stráþak á byggingunni. Þakið hrundi,
þannig að allar útgönguleiðir lokuð-
ust strax. Nokkrir eldri nemendur,
sem voru á neðri hæðunum, reyndu
að bjarga börnunum en komust ekki
til þeirra.
Lögreglan handtók skólastjórann
og sagði að hann yrði sóttur til saka
fyrir að virða ekki reglur um bruna-
varnir. Fræðslustjóri héraðsins var
leystur frá störfum og sakaður um
vanrækslu í starfi.
Slökkviliðsmönnum tókst að
slökkva eldinn tæpum tveimur
klukkustundum eftir að hann bloss-
aði upp. Læknar voru sendir til bæj-
arins til að aðstoða við aðhlynningu
34 barna sem fengu alvarleg bruna-
sár.
Eldsvoði hefur ekki orðið svo
mörgum börnum að bráð á Indlandi
frá desember 1995 þegar 178 börn
voru á meðal 578 manna sem fórust
er eldur kviknaði í tjaldi á hátíð í
Haryana-ríki. Þrátt fyrir kröfur um
betri eldvarnir í opinberum bygging-
um á Indlandi hafa hundruð þúsunda
skóla og annarra stofnana ekki önnur
slökkvitæki en vatnsfötur.
84 börn farast í
eldsvoða á Indlandi
Madras. AFP, AP.
AP
Ættingjar og hjúkrunarfólk sinna börnum sem lifðu af bruna í indverskum
barnaskóla í bænum Kumbakonam í gær. 84 börn dóu og yfir 100 særðust.
BOBBY Fischer, fyrrverandi heims-
meistari í skák, var handtekinn í Jap-
an síðastliðinn þriðjudag. Sagt er, að
honum hafi verið tilkynnt, að hann
yrði framseldur til Bandaríkjanna.
Fischer, sem hefur verið eftir-
lýstur síðan hann virti ekki alþjóð-
legar refsiaðgerðir gegn Júgóslavíu
og tók þátt í skákmóti þar 1992, var
handtekinn í Narita-flughöfninni í
Tókýó er hann var á leið til Filipps-
eyja. Er það haft eftir Miyoko Watai
hjá japanska skáksambandinu og
vini Fischers, að bandarísk yfirvöld
hafi þá verið búin að ógilda vegabréf-
ið hans. Ræddi hann við Fischer eftir
handtökuna og hafði eftir honum, að
til stæði að framselja hann til Banda-
ríkjanna.
Fischer varð heimsfrægur 1972 er
hann bar sigurorð af Sovétmann-
inum Borís Spasskí í Reykjavík og
varð þá fyrstur Bandaríkjamanna til
að vinna heimsmeistaratitilinn í
skák. Segja má að alla tíð síðan hafi
hann að mestu farið huldu höfði og
einkum eftir 1992 er hann var ákærð-
ur í Bandaríkjunum fyrir einvígið við
Spasskí í Júgóslavíu. Hefur frést af
honum hér og þar, til dæmis í Ung-
verjalandi um tíma og stundum í
Japan.
Undarlegur í háttum
Framkoma Fischers og allt hans
æði hefur á stundum verið mjög und-
arlegt og versnað heldur með ár-
unum. Eftir hryðjuverkin 11. sept-
ember 2001 sagði hann, að „tortíma“
ætti Bandaríkjunum öllum og hann
hatast við gyðinga, kallar þá „þjóf-
ótta lygara“, en móðir hans var gyð-
ingur.
1996 tilkynnti Fischer, að hann
hefði sagt skilið við skákina og
kynnti um leið nýtt afbrigði, sem
hann sagði mundu leysa hana af
hólmi og koma í veg fyrir allt svindl.
Bobby Fischer.
Bobby Fischer
handtekinn í Japan
Segir að hann muni verða
framseldur til Bandaríkjanna
Tókýó. AP.
BRESKI Verkamannaflokkurinn
tapaði þingsæti, sem var áður talið á
meðal öruggustu þingsæta hans, í
aukakosningum í Leicester í fyrra-
dag. Flokkurinn hélt hins vegar
naumlega þingsæti í Birmingham
þótt hann tapaði þar miklu fylgi.
Fylgistapið var rakið til óvinsælda
Tonys Blairs forsætisráðherra vegna
stríðsins í Írak. Sigurvegarinn í kjör-
dæminu Leicester Suður, frjálslyndi
demókratinn Parmjit Singh Gill, var
mjög andvígur innrásinni í Írak.
Verkamannaflokkurinn hafði haft
þingsætið í þessu kjördæmi nær sam-
fellt í fimm áratugi. Þótt hann héldi
þingsætinu í Birmingham minnkaði
fylgi hans þar um 26 af hundraði.
Íhaldsflokkurinn í þriðja sæti
John Reid, heilbrigðisráðherra í
stjórn Verkamannaflokksins, sagði að
úrslitin í aukakosningunum væru
„viðunandi“ í ljósi þess að þær fóru
fram tæpum sjö árum
eftir að Verkamanna-
flokkurinn komst til
valda og daginn eftir að
birt var skýrsla um
rannsókn á upplýsing-
um bresku leyniþjónust-
unnar um meint gereyð-
ingarvopn Íraka fyrir
innrásina í Írak.
Reid benti ennfremur
á að Íhaldsflokkurinn,
stærsti stjórnarand-
stöðuflokkurinn, fékk
lítið fylgi í aukakosning-
unum og lenti í þriðja
sæti í báðum kjördæm-
unum. Hann lýsti þessu
sem „hörmulegri“ út-
komu fyrir Íhaldsflokkinn og leiðtoga
hans, Michael Howard.
Liam Fox, annar formanna Íhalds-
flokksins, sagði hins vegar að úrslitin
væru „eðlileg“ þar sem flokkurinn
hefði aldrei haft mikið
fylgi í kjördæmunum.
Charles Kennedy,
leiðtogi Frjálslyndra
demókrata, sagði að úr-
slitin í aukakosningun-
um væru „mjög þýðing-
armikill sigur“ fyrir
flokkinn. Ljóst væri að
Íraksmálið ylli stjórn
Verkamannaflokksins
miklum vandræðum,
líkt og hneykslismálin
stjórn Íhaldsflokksins
áður en hún féll.
Efnt var til auka-
kosninganna vegna
andláts þingmanns og
afsagnar annars. Marg-
ir kjósendanna í Leicester og Birm-
ingham eru múslímar, hindúar eða
sikhar af suður-asískum ættum og á
meðal þeirra var mikil andstaða við
innrásina í Írak.
Flokkur Blairs tapar
þingsæti og miklu fylgi
London. AFP.
Tony Blair, forsætisráð-
herra Bretlands.
ÖLL vinna var stöðvuð á fimmtu-
dag í kjarnorkurannsóknastöð-
inni Los Alamos í Bandaríkjun-
um þegar í ljós kom að tvo
tölvudiska var hvergi að finna í
þeim hluta stöðvarinnar þar sem
kjarnorkuvopn Bandaríkjahers
eru hönnuð og prófuð. Diskarnir
innihéldu að öllum líkindum
leynilegar kjarnorkuupplýsingar.
Forstjóri stöðvarinnar, Peter
Nanos, sagði stjórnendum Kali-
forníuháskóla frá þessu á fundi í
gær en háskólinn hefur rekið
stöðina allt frá stofnun hennar í
seinni heimsstyrjöldinni.
„Slíkir atburðir eru óviðunandi
og þá verður að stöðva strax,“
sagði rektor háskólans, Bob Dyn-
es, að fundinum loknum, en þetta
er í þriðja sinn sem leyniupplýs-
ingar hverfa þar á einu ári.
20 starfsmönnum rannsókna-
stöðvarinnar hefur verið meinað-
ur aðgangur að henni á meðan
rannsókn fer fram og leit gerð að
diskunum.
Chris Harrington, talsmaður
stöðvarinnar fyrir hönd háskól-
ans, sagði að til stæði að innleiða
nýja öryggisáætlun m.t.t. upplýs-
ingahvarfsins. Hún fæli meðal
annars í sér endurþjálfun ákveð-
inna starfsmanna í meðferð á
leynilegum, rafrænum gögnum
og ðarar aðgerðir til eflingar ör-
yggis innan stöðvarinnar. Þjóð-
aröryggi væri þó ekki stefnt í
hættu því ákveðnir lykilstarfs-
menn yrðu í stöðinni á meðan á
rannsókn stæði. „Við munum
ekki stefna kjarnorkubirgðum
okkar í hættu,“ sagði Harring-
ton.
Los Alamos hefur sætt ásök-
unum fyrir veika öryggisgæslu,
njósnir og þjófnað. Árið 1999 var
starfsmaður hennar til 20 ára,
kjarneðlisfræðingurinn Wen Ho
Lee, handtekinn og sakaður um
að hafa stolið kjarnorkuupplýs-
ingum og fært Kínverjum en
sannanir þóttu ónægar til máls-
höfðunar. Rannsóknarstöðin sæt-
ir þar að auki rannsókn vegna
meints hvarfs á 243 tölvum, sem
innihéldu leyniupplýsingar, og
tækjum upp á tæpa þrjá millj-
arða dollara eða um 210 milljarða
íslenskra króna.
Los Alamos er einna þekktust
fyrir að hafa framleitt og prófað
fyrstu kjarnorkusprengju heims-
ins árið 1945.
Leyniupplýsing-
ar hverfa í
kjarnorkurann-
sóknastöð
San Francisco. AFP.
ALAIN Juppe, fyrrverandi for-
sætisráðherra Frakklands, sagði í
gær af sér sem formaður Lýðfylk-
ingarinnar (UMP), flokks Jacques
Chirac, forseta landsins. Opnaði
hann um leið fyrir harðan slag um
formannsembættið.
Búist hafði verið við, að Juppe,
náinn bandamaður Chirac, myndi
segja af sér en í janúar sl. var hann
fundinn sekur um að hafa tekið við
ólöglegum framlögum í flokkssjóð-
inn. Í bréfi til flokksfélaga sinna
kvaðst hann ætla að draga sig í hlé
til að fá frið í sálinni eftir það, sem
hann hefði mátt ganga í gegnum.
Margir líta á formannsembættið í
UMP sem stökkpall fyrir næstu
forsetakosningar og Nicolas Sark-
ozy fjármálaráðherra hefur ekki
farið leynt með löngun sína til að
taka við af Chirac. Chirac hefur aft-
ur gert það lýðum ljóst, að hann
muni reka Sarkozy úr ríkisstjórn-
inni reyni hann að gegna báðum
embættunum samtímis, formanns-
embættinu í flokknum og fjár-
málaráðherraembættinu. Má því
búast við hörðum átökum milli
þeirra.
Juppe lætur af embætti
París. AFP.