Fréttablaðið - 23.11.2002, Blaðsíða 2

2 23. nóvember 2002 LAUGARDAGUR
Það eru engin
takmörk ...
Hér segir meðal annars
af dópsölum með
borvél, nakinni konu
við blokk í Breiðholti,
þremur Hollywood-
leikkonum í feluleik
og leigubílstjóra
sem sparkaði
reglulega í
gamlan mann.
„Hinn besti
skemmtilestur.“
– Fréttablaðið
SÍLDVEIÐI Síldveiði hefur verið
fremur dræm að undanförnu og
eru sjómenn og útgerðarmenn
uggandi um að stór hluti úthlutaðs
kvóta brenni hreinlega inni. Ing-
unn AK kom til Akraness fyrir
helgi með 150 tonn.
„Mikið var haft fyrir þessum
tonnum og mikið leitað en lítið að
sjá. Það litla sem sást var ljón-
styggt og erfitt viðureignar. Byrjað
var að leita í Víkurál en ekkert var
að sjá þar, þannig að leitað var í
suður og endað út af Jökuldýpinu í
styggri síld sem erfitt var að góma.
Það vekur óneitanlega ugg hvað lít-
ið er að sjá af síld á svæðinu en hún
hlýtur að skila sér, það segja að
minnsta kosti fræðingarnir og ekki
ljúga þeir,“ segja skipverjar á Ing-
unni AK á heimasíðu sinni.
Í gær var búið að landa 44 þús-
und tonnum en þar af hefur helm-
ingurinn farið í bræðslu, sam-
kvæmt upplýsingum Samtaka fisk-
vinnslustöðva. Mestu hefur verið
landað hjá Skinney-Þinganesi á
Hornafirði, rúmlega 9.000 tonnum.
Þá hefur Síldarvinnslan í Neskaup-
stað tekið á móti 6.500 tonnum og
6.300 tonnum hefur verið landað
hjá Búlandstindi á Djúpavogi.
Enn á eftir að veiða 85.400 tonn
af síldarkvótanum, sem er tæp 130
þúsund tonn að viðbættum kvóta
sem fluttist frá fyrra ári. ■
INGUNN AK 150
Unnið að löndun á 150 tonnum úr Ingunni. Skipverjar segja síldina ljónstygga og mikið
fyrir henni haft.
HÉRAÐSDÓMUR REYKJAVÍKUR
Gegn neitun ákærða þótti dóminum ekki
komin sönnun þess að ákærði hafi
þröngvað stúlkunni til samræðis.
Dæmdur fyrir samfarir
við 12 ára stúlku:
Kynntist
stúlkunni á
Netinu
DÓMSMÁL Rúmlega tvítugur maður
var í gær dæmdur í hálfs árs
fangelsi í Héraðsdómi Reykjavík-
ur fyrir að hafa haft samfarir við
12 ára stúlku. Maðurinn komst í
samband við stúlkuna á spjallrás
á Netinu.
Stúlkan, sem nú er 16 ára, fór
með manninum heim til hans árið
1999, þar sem hann gaf henni bjór
og hafði við hana samfarir.
Skömmu seinna fór hann með
hana í bíltúr og hafði við hana
samfarir í bílnum.
Gegn neitun ákærða þótti dóm-
inum ekki komin sönnun þess að
ákærði hafi þröngvað stúlkunni
tvívegis til samræðis með ólög-
mætri nauðung svo sem honum er
gefið að sök. Hann var því dæmd-
ur fyrir að hafa mök við stúlku
undir lögaldri.
Stúlkan fór fram á 1 milljón
króna í miskabætur, en dómurinn
dæmdi henni 250 þúsund krónur. Í
samantekt greiningar- og með-
ferðarskýrslu segir að stúlkan
eigi sér sögu um tilfinningalega
vanlíðan og að hún hafi misnotað
áfengi frá 12 ára aldri. Í dómnum
segir að miðað við það sem á daga
stúlkunnar hafi drifið bæði fyrir
atvikið og eftir verði vanlíðan
hennar ekki að öllu leyti rakin til
háttsemi ákærða. ■
Síldin treg:
Ljónstygg og mikið fyrir henni haft
Á STOLNUM BÍL MEÐ ÞÝFI Fimm
menn voru handteknir í fyrrinótt
í Keflavík á stolinni bifreið. Við
leit fannst varningur sem talinn
er vera úr innbroti í íbúðarhús-
næði. Er verið að kanna hvort
hluti varningsins geti tengst inn-
broti sem framið var á heimili í
Garðabæ en þaðan var miklum
verðmætum stolið.
LÖGREGLUFRÉTTIR
Allt útlit er fyrir að Gísli S. Einarsson skipi þriðja
sæti á lista Samfylkingar í Norðvesturkjördæmi.
Vestfirðingar töldu það sæti frátekið fyrir sig.
Ég er Vestfirð-
ingur, fæddur í
Súðavík og alinn
þar upp, reyndar
ekki nema til
fimm ára aldurs.
Síðan var ég í
sveit á Eyri í
Seyðisfirði,
stærsta fjárbúi
síns tíma á Vest-
fjörðum. Ég á ríf-
lega helminginn
af mínum ætt-
mennum í þorpunum við Djúp þar sem ég
hef verið árlegur gestur meira og minna allt
mitt líf. Ef ég er ekki Vestfirðingur um leið
og ég er Skagamaður þá getur enginn ætt-
fært sig neinum sérstökum stað á landinu.
SPURNING DAGSINS
Ert þú vestfirskur?
SJÁLFSTÆÐISMENN KJÓSA
Eldri borgarar voru duglegir að mæta á
kjörstað í gær.
Prófkjör í Valhöll:
Engar
samsæris-
kenningar
KOSNINGAR Prófkjör sjálfstæðis-
manna í Reykavík fór vel af stað að
sögn Ágústs Ragnarsson, fram-
kvæmdastjóri prófkjörs Sjálfstæð-
isflokksins. Klukkan 17 voru um
1.000 manns búnir að kjósa.
„Þetta er mjög svipað og verið
hefur áður,“ sagði Ágúst. „Veðrið er
óskaplega fallegt og engar samsær-
iskenningar í gangi.“
Eldri borgarar voru duglegir að
mæta á kjörstað í gær. Að sögn
Ágústs er búist við meginþungan-
um í dag, þegar kosið verður á sex
stöðum í sjö kjörhverfum frá
klukkan 10 til 18. Búist er við að úr-
slit liggi fyrir um klukkan 23 í
kvöld. ■
FRÉTTAB
LAÐ
IÐ
/RÓ
B
ERT
UPPGJÖR Hagnaður af rekstri
Pharmaco var tæpir 2,2 milljarð-
ar króna fyrstu níu mánuði árs-
ins. Það er aukning um einn
milljarð frá fyrra ári. Um leið og
uppgjörið var kynnt tilkynnti fé-
lagið um kaup á 69% hlut í
serbneskri lyfjaverksmiðju.
Pharmaco hefur átt í viðræðum
við einkavæðingarnefnd Serbíu
um kaupin. Fyrirtækið hefur
skuldbundið sig til að kaupa 15%
í viðbót á næstu þremur árum.
Serbneska fyrirtækið er þriðja
stærsta lyfjaverksmiðja lands-
ins með sterka stöðu á markaði.
Sala á mörkuðum í Búlgaríu
og Rússlandi var 3% undir áætl-
unum félagsins. Þessir tveir
markaðir eru stærstu markaðir
fyrirtækisins. Sala í Eystrasalts-
ríkjunum var samkvæmt áætl-
unum. Delta sameinaðist
Pharmaco á árinu. Afkoma Delta
er í samræmi við áætlanir. Þó
var sala á þriðja ársfjórðungi
undir áætlun. Þrátt fyrir þetta
gerir Pharmaco ráð fyrir að
áætlanir standist og þriggja
milljarða hagnaður verði af
rekstri félagsins á árinu. ■
Sala Pharmaco undir áætlunum:
Hagnaðurinn
2,2 milljarðar
NÝ VERKSMIÐJA
Sindri Sindrason, sem stýrir fjárfestingum
Pharmaco, hefur gengið frá samningum í
Serbíu um kaup á verksmiðju.
NATO Ríkisstjórnin hefur sam-
þykkt að verja allt að 300 milljón-
um króna til herflutninga á veg-
um Atlantshafsbandalagsins,
komi til aðgerða á vegum banda-
lagsins. Stjórnvöld
hafa þegar gert
rammasamning um
flutningana við
Flugleiðir og Atl-
anta. Þetta var
samþykkt vegna
beiðni Nató um
framlög sem geti
orðið til þess að
styrkja hernaðar-
getu bandalagsins. Jafnframt
verður tvöföldun íslenska friðar-
gæsluliðsins, úr 25 manns í 50,
flýtt um tvö ár og verður það orð-
ið tvisvar sinnum fjölmennara
árið 2006 en ekki árið 2008 eins og
áætlað var.
„Við höfum verið að byggja
upp íslensku friðargæsluna smátt
og smátt og höfum af því góða
reynslu,“ sagði Halldór Ásgríms-
son utanríkisráðherra og nefndi
sem dæmi flugumferðarstjórn í
Pristina og flutning hjálpargagna
til Afganistan.
„Íslendingar eiga mjög stóran
flugflota og það er skortur á flug-
vélum til að flytja gögn á milli
heimsálfa. Það er góð reynsla af
okkar starfi sem sýnir að við get-
um lagt okkar af mörkum í sam-
bandi við þessi mál. Við höfum
þess vegna ákveðið að halda því
áfram.
Við höfum verið að byggja
samstarfið upp smátt og smátt og
erum einfaldlega að taka mið af
gjörbreyttu umhverfi. Nató er allt
annað samband en það var fyrir
nokkrum árum. Þátttaka okkar í
starfi Nató mun þó alltaf taka mið
af þeirri staðreynd að við erum
ekki með her,“ sagði Halldór Ás-
grímsson.
Á leiðtogafundi Nató sem lauk í
gær var samþykkt að Nató muni
standa að aðgerðum í Írak ef
grípa þurfi til þeirra í framhaldi
af starfi vopnaeftirlitsstarfs-
manna Sameinuðu þjóðanna. Því
má gera ráð fyrir að íslenskar
flugvélar taki þátt í herflutning-
um, verði af slíkum aðgerðum.
„Við erum ekki að fara inn í
bein átök með þessum hætti. Við
einfaldlega skuldbindum okkur til
að taka þátt í hugsanlegum að-
gerðum ef til kemur. Það liggur
fyrir að það er samstaða innan
Nató um að Írakar verði afvopn-
aðir og menn vonast til þess að
það gerist með friðsamlegum
hætti. Það kemur hins vegar
skýrt fram að ef það verður ekki
þá muni Bandaríkin og bandalags-
þjóðir þeirra grípa til aðgerða. Ég
tel að þessi ályktun sé mjög
ákveðin og það er óþarfi að hún sé
ákveðnari,“ sagði Halldór Ás-
grímsson.
the@frettabladid.is
Erum ekki að
fara í bein átök
Ríkisstjórnin hefur samþykkt að verja allt 300 milljónum króna til loft-
flutninga í hverri hernaðaraðgerð á vegum Nató. Tvöföldun íslensku
friðargæslunnar verður flýtt.
„Þátttaka okk-
ar í starfi Nató
mun þó alltaf
taka mið af
þeirri stað-
reynd að við
erum ekki
með her.“
HALLDÓR ÁSGRÍMSSON
Aukin þátttaka í starfi Nató ekki ávísun á stríðsátök íslendinga.