Fréttablaðið - 31.10.2005, Blaðsíða 32
14 31. október 2005 MÁNUDAGUR
Það getur verið freistandi að
kaupa sér ósamþykkta íbúð
og þá aðallega þegar litið er
á verðið. Hins vegar þarf að
huga að mörgu áður en fjár-
fest er í ósamþykktri íbúð.
Ósamþykktar íbúðir eru oftast
ódýrari en samþykktar íbúðir.
Fyrir því geta verið mismunandi
ástæður og er það Fasteignamat
ríkisins sem leggur mat á íbúðina.
Íbúðir geta verið ósamþykktar
vegna lofthæðar, vegna skipu-
lagsmála, of smárra glugga, út-
ganga sem ekki eru samkvæmt
stöðlum fyrir brunavarnir eða
vegna annarra þátta sem snúa að
eigninni. Ef deiliskipulag gerir
ráð fyrir tveimur íbúðum í húsi þá
fæst þriðja íbúðin ekki samþykkt
sé henni bætt við. Því er nauðsyn-
legt að vera upplýstur um hvaða
þáttur það er sem gerir íbúðina
ósamþykkta.
Samþykkt íbúð uppfyllir staðla
sem segja til um hvaða húsnæði
geti talist sem íbúð. Ef eignin upp-
fyllir ekki eitthvað af þessum
stöðlum, reglugerðum eða kröf-
um þá fæst hún ekki staðfest sem
híbýli. Sé eign ekki staðfest sem
híbýli þá fellur hún í aðra og oft-
ast lakari flokka í tryggingum og
ber með sér hærri kostnað í opin-
berum gjöldum.
Brunabótamat á ósamþykkt-
um íbúðum er oft mun lægra en á
samþykktum, sérstaklega ef
íbúðarhúsin eru gömul. Bruna-
bótamat og lánsupphæð haldast
alltaf í hendur. Lágt brunabóta-
mat kallar því á lægra lán. Íbúða-
lánasjóður hefur það fyrir reglu
að lána ekki fyrir ósamþykktum
íbúðum þar sem sjóðurinn lánar
ekki fyrir íbúðum sem eru ekki
íbúðir í eðli sínu.
Bankarnir lána hins vegar
fyrir ósamþykktum íbúðum en
gera það miðað við brunabóta-
matið. Einnig eru lánin oft á
hærri vöxtum en ef um sam-
þykktar íbúðir er að ræða.
Hvert dæmi þarf að skoða sér-
staklega með tilliti til kosta og
galla. Mikilvægast er að kanna
hvers vegna íbúðin er ósamþykkt,
hvort það snýr að íbúðinni sjálfri
eða skipulagsástæðum, athuga
brunabótamatið og tryggingamál-
in vel áður en skrifað er undir
kaupsamning. Lágt verð er ekki
alltaf happafengur.
Ósamflykkt íbú› e›a samflykkt?
Þeir sem hyggja á kaup á ósamþykktri íbúð þurfa að vera vel meðvitaðir um það hvers vegna íbúðin er ekki samþykkt.
14-15-fast efni lesið 30.10.2005 17:26 Page 2