Fréttablaðið - 31.10.2005, Blaðsíða 23
MÁNUDAGUR 31. október 2005 5
Það dettur inn og út úr tísku að mála
einn eða fleiri veggi á heimilinu
í sterkum lit. Litir á veggjum í
herbergjum geta haft áhrif á
skapsveiflur heimilismanna svo það
er ekki úr vegi að kynna sér aðeins
hvað litirnir kalla fram.
Rauður:
tengist ástríðu, orku, hættu, hlýju og
bjartsýni. Best er að hafa borðstof-
una rauða því rauður er hvetjandi
og örvar matarlystina. Rauði liturinn
getur hins vegar verið yfirþyrmandi
og leitt til höfuðverkja og er strang-
lega bannaður í barnaherberginu.
Bleikur:
tengist ást og vellíðan. Bleikur fer
best í svefnherberginu því hann
getur líka verið örvandi. Bleikur getur
orðið væminn og yfirþyrmandi og
því er best að hafa dökkgrátt eða
svart til mótvægis.
Grænn:
er afslappandi og skapar jafnvægi
og fer best í svefnherberginu eða
stofunni. Of mikil græn áhrif geta
stuðlað að leti og framkvæmdaleysi
og því er nauðsyn að hafa einn rauð-
an púða eða svo til að hræra aðeins
upp í orkunni.
Blár:
er róandi, örvar hugann, heldur
matarlyst í skefjum og dregur úr
martröðum. Hann á best heima á
skrifstofum og baðherbergjum. Þess
ber að gæta að blái liturinn verði
ekki kaldur og fráhrindandi með því
að velja lit með hlýjum undirtón.
Gulur:
tengist sólskini og orku og örvar rök-
hugsun og skynsemi. Guli liturinn er
fallegastur í eldhúsinu, borðstofunni
eða herbergjum sem snúa í norður.
Ekki er þó mælt með að hafa hann í
svefnherberginu því hann getur leitt
af sér tilfinningalegt umrót.
Svartur:
litur á veggjum ber vott um sérvisku
og kallar á dramatík og angist. Ekki
er mælt með að neitt herbergi sé
málað í svörtum lit eingöngu heldur
aðeins notaður til að milda sykur-
sæta bleika og appelsínugula liti.
Litir
Veggir móta lund
LITAVAL Í IBÚÐUM ER
TÍSKUSVEIFLUM HÁÐ.
Hægt er að fá allar gerðir hurða sem
eldvarnarhurðir.
Hver er munurinn á eldvarnar-
hurðum og venjulegum hurðum
og hvar eiga eldvarnarhurðir
að vera.
Samkvæmt Rannsóknarstofnun
byggingariðnaðarins eiga allar
hurðir á milli stórra eldrýma að
vera eldvarnarhurðir. Hurðir á milli
íbúðar og bílskúrs og allar hurðir
inn á stiganga eru dæmi um hvar
eldvarnarhurðir verða að vera.
Hurðasérfræðingur Harðviðar-
vals segir að í raun og veru sé
hægt að fá allar gerðir hurða á
þessu eldvarnarformi. Þær séu
bara úr betra efni og eru mun
massívari. Meira að segja er hægt
að fá eldvarnarhurðir með glugg-
um en glerið í þeim er úr sérstöku
vírgleri. Mestu máli skiptir listinn
sem er í kringum hurðina. Þegar
reykur byrjar að leika um hann
byrjar listinn að tútna út og
kemur þannig í veg fyrir að
reykur og eldur komist úr
herberginu. Um er að ræða
hurðir sem kallast B-30 og
eiga þær að geta hamið eld
og reyk í að minnsta kosti 30
mínútur.
Júlíus Hafsteinsson, for-
stjóri Parka, segir að nú sé
mikil endurnýjun í eldri
fjölbýlishúsum því aðeins
um 20-30% þeirra hurða sem
þar eru uppfylli þær kröfur
sem gerðar eru í dag. Ef
ekki eru eldvarnarhurðir á þeim
stöðum sem reglur segja til um þá
getur það haft áhrif á tryggingar-
mat ef tjón á sér stað. Júlíus segir
að það sem helst standi í
vegi fyrir endurnýjun sé
sú staðreynd að eldvarn-
arhurðir eru hjá flestum
söluaðilum um 100% dýr-
ari en venjulegar hurðir.
Taka verður hins
vegar með í reikninginn
að slíkar hurðir eru mun
vandaðri og endast leng-
ur auk þess sem þær geta
bjargað bæði eignum og
lífum.
Eldvarnarhurð eða ekki?
Listinn kringum hurðirnar gegnir höfuðmáli
í vörnum gegn eld og reyk.
Eldvarnarhurðir líta alveg eins
út og venjulegar hurðir.