Fréttablaðið - 31.10.2005, Blaðsíða 42
24 31. október 2005 MÁNUDAGUR
Hús Orkuveitu Reykjavíkur
gnæfir hátt á holti Árbæjar-
ins. Þar hafa hugvit, hátækni
og fagurfræði lagst á eitt og
úr verður nútímaleg bygging,
skreytt einstökum listaverk-
um bæði utan dyra og innan.
Vatnið skipar sérstakan sess í
skreytingum í og við hús Orku-
veitunnar. Það er vissulega tákn-
rænt þar sem vatsorkan er aflið
stofnunin byggir á að miklu leyti.
Hús Orkuveitunnar hlaut 1. verð-
laun í hugmyndasamkeppni sem
efnt var til meðal arkitekta vorið
2000 en þau verðlaun eru ekki hin
einu sem fyrirtækinu hefur hlotn-
ast í sambandi við höfuðstöðvar
sínar.
Nýlega fékk það viðurkenn-
ingu fyrir hversu vel er að starfs-
mönnum búið sem vinna í opnu
rými því loft og veggir eru með
litlum götum sem soga í sig hljóð
og lág skilrúm milli borðanna eru
gædd sömu eiginleikum. Því
myndast aldrei gnýr eða glymj-
andi í húsinu.
Arkitektar að húsi Orkuveit-
unnar eru Hornsteinar Arkitektar
og Teiknistofa Ingimundar
Sveinssonar. Skrifstofuhúsið
samanstendur af þremur megin-
hlutum, líkt og fyrirtækið sem er
í senn orkuveita, hitaveita og
vatnsveita. Eystri hluti skrif-
stofuhússins er þungur og form-
legur en hinn er andstæða hans,
sveigður og kvikur. Þannig krist-
allast orkan. Fimm listamenn
fengu það hlutverk strax í upp-
hafi að skreyta húsið verkum sín-
um. Þau eru kölluð „húsverk.“ og
eru sannarlega athyglisverð.
Húsið á
hálsinum
Hús Orkuveitunnar samanstendur af tveimur sjálfstæðum en samtengdum skrifstofubyggingum.Orkuveituhúsið er sannkallað stórhýsi.
Sveifla heitir þetta listaverk Hreins Friðfinnssonar og er háð breiddargráðunni. Pendúllinn
slær niður pinnana umhverfis hringinn á 26 tímum og 17 mínútum en væri listaverkið á
Norður- eða Suðurpólnum tæki það hann 24 tíma.
Hringur er listaverk Finnboga Péturssonar.
Undirtitill þess er rafbylgja hljóðbylgja
loftbylgja vatnsbylgja ljósbylgja. Það er í
grafhýsi í byggingunni.
Sameind er eftir Kristján Guðmundsson. Það er utan dyra og sameinar hitaveitu, vatns-
veitu og rafmagnsveitu því í einu kerinu er heitt vatn, kalt vatn í öðru og ís í því þriðja.
Formin kallast á í húsi Orkuveitunnar.
Síkvikt vatnið í tjörninni utan við húsið endurspeglar spennu og sveigjanleika í formum
vestri byggingarinnar.
Brýrnar milli bygginganna eru samgöngu-
æðar. Þar þykir gott að tala í síma en auk
þess eru gegnsæ smáafdrep víða í bygg-
ingunni sem starfsfólk notar til að ræða
persónuleg mál í símann.
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
24-25-fast efni lesið 30.10.2005 17:00 Page 2