Fréttablaðið - 31.10.2005, Blaðsíða 20

[ ]
Örn Árnason lagfærði pallinn
sinn í sumar. Pallurinn gegnir
ýmsum hlutverkum og er Erni
meðal annars nauðsynlegur í
morgunsárið.
Síðasta verk Arnar Árnasonar í
húsi sínu var að pússa pallinn og
voru þær framkvæmdir gerðar
í sumar. Pallurinn var tæplega
tuttugu ára gamall og orðinn dökk-
ur eins og Örn bendir réttilega á
að gerist við timbur með tímanum.
Handlagni leikarinn tímdi ómögu-
lega að skipta um allt gólfið svo
hann greip til annarra ráða. „Ég
skeindi bara rétt ofan af pallinum
og olíubar hann. Þetta var ódýr og
flott aðgerð og í hana fór einungis
einn vinnudagur ásamt pússuvél
og smá olíu. Pallurinn varð eins og
NÝR,“ segir Örn með áherslu.
Pallurinn hefur orðið að framleng-
ingu á stofunni og nýtist hjónunum
mikið og oft. „Þegar góð og hressi-
leg rigning er skellir maður sér út
á veröndina með kaffibolla. Nei
nei, ég segi svona. En þegar veðr-
ið er gott fer maður sannarlega
út.“ Örn þarf ekki á ofni að halda
á pallinum þar sem hann lumar á
sérstökum hitara. „Það stafar svo
miklum hita af okkur hjónunum að
það dugir meira en nóg.“
Veröndin skipar sess í morgun-
venjum Arnar en þar dregur hann
iðulega fyrsta andardrátt dagsins
og skiptir þá engu máli hvernig
viðrar. „Maður fer bara út og dreg-
ur andann djúpt.“
Það kemur upp úr kafinu að Örn
hefur ekki verið alveg laus við
smíðarnar síðan sumrinu lauk. Og
fleiri pallar koma við sögu en sá
sem heima er. Hann er nefnilega
á leiðinni austur í sumarbústaðinn
meðan á viðtalinu stendur og ætlar
að fríska upp á pallinn sinn þar.
„Maður reynir að negla nokkra
nagla, þetta gengur hægt en geng-
ur samt. Svo getur maður notað
þetta undir pallaleikfimi þegar
fram í sækir!“ mariathora@frettabladid.is
Pússaði pallinn og
hann varð eins og nýr
Örn Árnason gerði pallinn sinn upp í sumar. FRÉTTABLAÐIÐ/ANTON
til þess að fara að viða að sér eldiviði ef arinn er í húsinu. Ekki þarf
samt endilega að fara út í skóg og höggva niður tré því að hægt er
að kaupa fínasta eldivið í ýmsum verslunum.
Nú er tíminn
Margt má gera sjálfur á heim-
ilinu. Hér er gefin hugmynd að
verkferli til að leggja parkett
en mælt er með að fólk leiti til
fagmanna áður en farið er á
hnén í framkvæmdir.
Fyrst þarf að huga að því að
hreinsa öll gólf af múrögnum
áður en hafist er handa við lagn-
ingu. Ganga verður úr skugga um
að gólfið sé hreint, slétt og þurrt.
Undirlag er notað undir parkettið
til að dempa hljóð við umgang á
því. Undirlaginu er rúllað út og
skorið í rétta stærð. Ekki brjóta
upp á hornin.
Þegar parkettið er lagt þarf að
skoða hvert borð um leið og það er
lagt niður. Fyrsta borðið er lagt
með raufina upp við vegg. Setja
þarf fleyga (um 8 millimetra á
þykkt) milli veggjar og fyrsta
borðs. Það er til að mynda bil frá
veggnum svo að parkettið hafi
möguleika á að hreyfast. Þetta
bil hverfur svo þegar gólflistar
koma á. Ef veggurinn er boginn,
þarf að mæla sveigjuna og laga
fyrstu borðaröðina að veggnum.
Ávallt þarf að hafa 8 milli-
metra bil út til veggja, allan
hringinn. Fyrstu þrjár borðar-
aðirnar eru límdar saman og sá
fleki látinn standa í um klukku-
stund meðan límið tekur sig.
Munið að setja fleyga á hvorn
endann á fyrsta flekanum. Að
lögn lokinni er límið látið þorna
í um sex klukkustundir áður en
millileggin eru fjarlægð út til
veggja.
Leggðu eigið parket
Ekki vefst fyrir handlögnum að leggja parkett.
Oft er freistandi að láta frágang eftir
erfiðisverk bíða til betri tíma.
Eftir notkun á málningarpenslum
og rúllum er mikilvægt að hreinsa
tólin strax. Málning hefur víst þann
eiginleika að þorna og getur því
auðveldlega eyðilagt pensla, rúllur
og bakka.
Ef málað er með vatnsmálningu er
best að skola úr blautum penslum
með köldu eða volgu vatni eða
penslasápu sem er umhverfisvæn
og mild við húð. Þess má líka geta
að penslasápan gerir kraftaverk
fyrir gamla harða pensla sem verða
eins og nýir séu þeir látnir liggja í
penslasápunni í tvo til þrjá daga. Ef
málað er með olíumálningu þarf að
hreinsa penslana með terpentínu
eða penslasápu.
Hafið í huga að ef málningin er
skoluð af í baðkeri er nauðsynlegt að
skola baðkerið strax á eftir með sjóð-
heitu vatni. Gott er að vefja plasti
utan um penslana eða búa um þá í
pappír og ganga vel frá þeim svo þeir
séu tilbúnir til notkunar næst þegar
þarf að mála.
{ Húsráð
Hreinsun á penslum
og rúllum
MIKILVÆGT AÐ HREINSA TÓLIN STRAX.