Fréttablaðið - 31.10.2005, Blaðsíða 78
26 31. október 2005 MÁNUDAGUR
sport@frettabladid.is
Íslenska landsliðið í handknattleik
kemur í dag heim frá Póllandi eftir góða
ferð á fjögurra þjóða mót sem liðið
vann. Ferðalag landsliðsins var ævintýra-
legt en fyrsti viðkomustaður landsliðsins
í þessari ferð var Magdeburg í Þýska-
landi þar sem Akureyringurinn Alfreð
Gíslason ræður ríkjum.
Alfreð skaut skjólshúsi yfir landslið-
ið og sá til þess að það æfði við bestu
mögulegu aðstæður áður en haldið
var til Póllands. Viðskiptum Alfreðs
og HSÍ lauk ekki þar því Einar Þor-
varðarson, framkvæmdastjóri HSÍ,
sá sér leik á borði þegar hann sá
aðbúnaðinn hjá Alfreð og leigði
liðsrútu Magdeburgarliðsins af
Alfreð en hann hafði lítil not
fyrir hana þar sem deildar-
keppnin í Þýskalandi lá niðri. Einar leigði
ekki bara rútuna af Alfreð heldur einnig
bílstjórann sem keyrir Magdeburgar-liðið
hvert á land sem er.
Fimm tíma akstur er frá Magde-
burg til Poznan í Póllandi, þar
sem mótið fór fram,
og aksturinn til Pól-
lands gekk vel og var
gerður góður rómur
að rútunni sem er
mjög glæsileg.
Ekki verður
a n n a ð
sagt en að íslenska liðið hafi vakið
athygli í Póllandi enda er rútan vel merkt
Magdeburgar-liðinu og eflaust hafa
margir orðið hissa er þeir sáu íslenska
landsliðið í rútunni.
„Þetta er frábær rúta og það ætti
ekki að væsa um landsliðið í henni,“
sagði Alfreð í spjalli við Fréttablaðið og
Einar Þorvarðarson tók í sama streng.
Stemningin fyrir rútunni datt
svo örlítið niður síðasta dag-
inn þegar í ljós kom að hún
var biluð og íslenska liðið
varð að gera sér að góðu
að fara með „venjulegri“
rútu aftur til Magdeburg.
Spurning hver greiðir
fyrir viðgerðina?
ÍSLENSKA LANDSLIÐIÐ Í HANDKNATTLEIK: LEIGÐI LIÐSRÚTU MAGDEBURGARLIÐSINS
Rútan sem Alfreð leigði landsliðinu bilaði
Heyrst hefur...
... að Akureyringurinn Jóhann Þórhalls-
son sé í miklum vandræðum með að
ákveða með hvaða liði hann leikur
næsta sumar. Þrjú lið í Landsbanka-
deildinni koma til greina og sögusagnir
herma að hann muni enda í Grindavík
enda ku Sigurður Jónsson ganga hart á
eftir honum þessa dagana.
> Valur á leið í Val?
Fyrirliði Fylkis, Valur
Fannar Gíslason, hefur
ekki enn skrifað undir
nýjan samning við
Árbæinga þó að
nokkuð sé síðan
Íslandsmótinu
lauk. Heyrst hefur
að hann sé að bíða
eftir lendingu í máli
Grétars Sigfinns Sigurðs-
sonar sem vill vera í Val en
þarf væntanlega að fara
aftur í Víking. Ef Grétar fer
þá ætlar Valur Fannar sér
að spila með Val, enda
fengi hann þá sæti í byrj-
unarliðinu, en ef Grétar
fer hvergi þá mun hann
væntanlega framlengja
við Fylki enda byrjunar-
liðssætið farið ef Grétar
verður áfram í Val.
FÓTBOLTI Í nýrri ævisögu hollenska
framherjans Jimmys Floyds
Hasselbaink kemur fram að Chel-
sea brjóti reglur enska knatt-
spyrnusambandsins. Hasselbaink
segir í bók sinni að Chelsea hafi
greitt leikmönnum liðsins 100 þús-
und pund í bónus fyrir að komast
í undanúrslit Meistaradeildarinnr
leiktíðina 2003-04 en samkvæmt
samningum leikmanna áttu þeir
aðeins að fá 50 þúsund pund. Regl-
urnar kveða á um að bannað sé að
breyta bónusum þegar leiktímabil
er hafið. Chelsea neitar allri sök í
málinu.
„Engar ólöglegar greiðslur hafa
runnið í vasa leikmanna,“ sagði í
yfirlýsingu frá Chelsea. „Það er
ekkert að rannsaka.“ Hasselbaink
lék með Chelsea í fjögur ár en fór
til Middlesbrough í júlí árið 2004.
- hbg
Jimmy Floyd Hasselbaink opnar sig:
Chelsea brýtur regl-
ur um bónusa
JIMMY FLOYD HASSELBAINK Segir ekki allt
með felldu hjá Chelsea.
FRÉTTABLAÐIÐ/GETTY IMAGES
FÓTBOLTI Einhver óvæntustu tíð-
indin í knattspyrnuheiminum til
margra ára eru tvímælalaust þau
að landslið Ghana vill fá Andy
Cole til þess að stýra liðinu á HM.
Cole á fund með fulltrúum frá
knattspyrnusambandi Ghana 9.
nóvember næstkomandi.
„Ég er mjög spenntur að heyra
hvað þeir hafa að segja,“ sagði
Cole sem enn er í fullu fjöri og
hefur verið að skora grimmt fyrir
Man. City í vetur.
„Við viljum veita leikmönnum
okkar þann besta aðbúnað sem
hægt er fyrir HM og við teljum að
fá Cole sem þjálfara sé framfara-
skref fyrir Ghana,“ sagði Dennis
Tawian, talsmaður knattspyrnu-
sambandsins í Ghana, en stærsta
stjarna liðsins er tvímælalaust
Michael Essien, leikmaður Chel-
sea. „Cole er vel þekktur í Ghana
enda sjáum við mikið af enska
boltanum í heimalandinu.“
Cole hefur aldrei leikið sjálf-
ur á HM og því ætti þetta að vera
kjörið tækifæri fyrir hann. Svo
hefur þorp í Ghana lofað Cole
því að gera hann að höfðingja
komi hann liðinu í gegnum riðla-
keppnina á HM. - hbg
Framherjinn Andy Cole hugsanlega á leið í þjálfun:
Boðið að þjálfa Ghana
ANDY COLE Kannski næsti landsliðsþjálfari Ghana. FRÉTTABLAÐIÐ/GETTY IMAGES
FÓTBOLTI Það kom mörgum á óvart
þegar George Burley sagði upp
störfum hjá skoska úrvalsdeildar-
liðinu Hearts. Nú hefur eiginkona
hans, Jill, opnað sig og segist eiga
sökina á því að Burley sé ekki að
þjálfa Hearts í dag, Hún lenti upp
á kant við hinn rússneska Vlad-
imir Romanov sem á stærstan
hluta í liðinu.
„George fór í kvöldverðarboð
hjá Romanov flesta laugardaga.
Vikuna áður en hann var rekinn
tók hann mig með líka. Þegar við
komum var Romanov búinn að
borða, honum líkaði ekkert við
mig. Mér fannst Romanov mjög
dónalegur og leiðinlegur,“ sagði
Jill.
Þá opinberaði hún það einnig
að eiginmaður sinn hefði engin
formleg tilboð fengið um knatt-
spyrnustjórastöðu síðan hann lét
af störfum hjá Hearts. Hearts
tapaði fyrsta leik sínum á tíma-
bilinu um helgina, 2-0, fyrir erki-
óvinum sínum í Hibernian. - egm
Ástæða þess að Burley hætti:
Konunni að
kenna
KÖRFUBOLTI Það var sannkallur
stórleikur í kvennakörfuboltanum
í gær þegar Keflavík heimsótti
Hauka og var leikurinn fjörugur
og skemmtilegur. Haukar höfðu
forystuna nær allan tímann en
gestirnir voru ekki langt undan.
Það var ekki fyrr en í síðasta leik-
hlutanum sem nokkuð afgerandi
munur var milli liðanna.
„Ég er mjög ánægður með úrslitin
en ég tel að við getum spilað mun
betur en við gerðum í þessum leik.
Það er nokkur þreyta í liðinu enda
er það nýkomið heim frá Frakk-
landi. Kaninn hjá okkur hefur átt
við veikindi að stríða og hefur
enn ekki jafnað sig að fullu og
þá var Jelena Jovanovic að spila
sinn fyrsta leik á Íslandsmótinu,
hún þekkir liðið ekki mjög vel.
Það tekur sinn tíma fyrir hana að
komast inn í þetta,“ sagði Ágúst
S. Björgvinsson, þjálfari Hauka, í
leikslok. Helena Sverrisdóttir var
stigahæst í Haukaliðinu með 22
stig, þar af skoraði hún tíu í fyrsta
leikhluta. Kesha Tardy kom næst
hjá Haukum með þrettán stig en
Reshea Bristol skoraði fjórtán
stig fyrir Keflavík og var stiga-
hæst í liðinu.
„Varnarleikurinn var nokkuð
góður, við náðum að halda Kefla-
vík undir fimmtíu stigum sem er
mjög gott. Það er hinsvegar margt
sem þarf að laga í okkar leik. Til
dæmis í sókninni erum við ekki að
lesa mistök í vörn andstæðinganna
og við þurfum að geta spilað bolt-
anum betur innan okkar liðs. Þessi
sigur gefur okkur væntanlega
mikið sjálfstraust,“ sagði Ágúst.
Anna María Sveinsdóttir hjá
Keflavík sagði eftir leik að liðið
hefði ekki átt skilið að fá neitt út
úr þessum leik. „Við spiluðum ekki
vel. Sóknarleikurinn var ekki að
ganga og við hittum illa, spiluðum
ágætisvörn á köflum en á meðan
skotin eru ekki að detta þá vinnum
við ekki leik. Við létum ýmsa hluti
fara of mikið í taugarnar á okkur,
mikið af dómum að falla þeim í
hag og það fór í skapið á okkur
sem á ekki að gerast,“ sagði Anna
María.
elvar@frettabladid.is
Varnarsigur hjá Haukum
Haukar og Keflavík hafa bæði sex stig í Iceland Express deild kvenna í körfu-
knattleik eftir að Haukastúlkur lögðu Keflavík 66-48 í gær.
HELENA HEIT Hin frábæra körfuknattleikskona, Helena Sverrisdóttir, átti mjög góðan leik
með Haukum gegn Keflavík í gær. Hún skorar hér tvö af fjórtán stigum sínum í leiknum án
þess að Reshea Bristol komi nokkrum vörnum við. FRÉTTABLAÐIÐ/VILHELM