Fréttablaðið - 06.10.2006, Side 10

10 6. október 2006 FÖSTUDAGUR
STJÓRNMÁL Ingibjörg Sólrún Gísla-
dóttir, formaður Samfylkingarinn-
ar, segir það óyggjandi staðreynd að
ríkisstjórnin hafi á síðasta áratug
stundað linnulausan hernað gegn
jöfnuði.
Í umræðum á Alþingi í gær sagði
Ingibjörg Ísland hafa færst úr hópi
ríkja þar sem mestur jöfnuður er,
yfir í hóp þeirra þar sem minnstur
jöfnuður ríkir.
Ingibjörg sagði þúsundir fjöl-
skyldna með 3-3,5 milljónir í árs-
tekjur á sama tíma og hundruð fjöl-
skyldna hefðu tugi milljóna í
árstekjur. Skattbyrði hópanna væri
misjöfn því tekjuhærri hópurinn
hefði ríkulegar fjármagnstekjur
sem bæru lægri skatt en aðrar
tekjur.
Ingibjörg sagði stöðugt vaxandi
bil milli fátækra og ríkra hafa skað-
að samfélagið. „Með auknum ójöfn-
uði eykst stéttaskipting í samfélag-
inu og þar með togstreita milli
þjóðfélagshópa.“
Geir H. Haarde forsætisráðherra
sagði mikla tekjuaukningu hafa
orðið í samfélaginu, kaupmáttur
hefði aukist um sextíu prósent á tíu
árum og allir þjóðfélagshópar notið
góðs af. Hann gaf lítið fyrir stað-
hæfingar um að stórkostleg gliðnun
hefði orðið í tekjudreifingunni, þeir
allra tekjuhæstu hefðu þó skotist
framúr. „Ég fagna ef fólki gengur
vel í viðskiptum og efnast og tel það
ánægjulegt fyrir allt þjóðfélagið.“
Bætti hann við að reynt hefði verið
að bæta kjör lægstu hópanna, til
dæmis með hærri barnabótum og
samkomulagi við eldri borgara. Þá
verði úrbætur gerðar á vaxta-
bótakerfinu.
Magnús Stefánsson félagsmála-
ráðherra sagðist ætla að skipa
starfshóp til að greina stöðu og ná
utan um þá samfélagshópa sem
hugsanlega búa við aðstæður sem
hamla þátttöku í samfélaginu. Jafn-
framt ætli hann að skoða hvernig
hægt verður að bæta stöðu barna-
fjölskyldna sem búa við lök kjör.
Ögmundur Jónasson, vinstri
grænum, sagði þá hafa hagnast mest
sem fengið hefðu kvóta og banka á
silfurfati frá stjórnvöldum. Hann
sagði erfiðara að vera fátækur á
Íslandi í dag en fyrir 10-15 árum.
Guðjón A. Kristjánsson, formað-
ur Frjálslynda flokksins, sagði
Ísland því miður ekki stéttlaust þjóð-
félag og sumir ættu vart til hnífs og
skeiðar. Kenndi hann skattastefnu
ríkisstjórnarinnar um.
bjorn@frettabladid.is
GEIR H. HAARDE Forsætisráðherra segir alla hafa notið góðs af
tekju- og kaupmáttaraukningu í samfélaginu. FRÉTTABLAÐIÐ/ANTON
INGIBJÖRG SÓLRÚN GÍSLADÓTTIR Segir ríkisstjórnina hafa
verið í linnulausum hernaði gegn jöfnuði. FRÉTTABLAÐIÐ/ANTON
Ójöfnuðurinn hefur
skaðað samfélagið
Formað ur Samfylkingarinnar segir ríkisstjórnina í linnulausum hernaði gegn
jöfnuði. Forsætisráðherra segir alla hafa það betra nú en áður. Félagsmálaráð-
herra ætlar að leita leiða til að bæta hag barnafjölskyldna sem búa við lök kjör.
KOSIÐ Í GEORGÍU Öldruð kona greiðir
atkvæði í sveitarstjórnarkosningum í Tíblisi,
höfuðborg Georgíu, í gær. FRÉTTABLAÐIÐ/AP
VARNARMÁL Tvær rússneskar
sprengjuflugvélar flugu inn í
íslenska lofthelgi í síðustu viku án
þess að flugmálastjórn væri gert
viðvart um að flug af þessu tagi
ætti sér stað á umsjónarsvæði
stofnunarinnar. Hjördís Guð-
mundsdóttir, upplýsingafulltrúi
Flugmálastjórnar, segir venjuna
vera þá að látið sé vita af heræf-
ingum þannig að þær komi ekki á
óvart og því óvenjulegt að flug-
málastjórn hafi ekki verið látin
vita með fyrirvara.
Jörundur Valtýsson, ráðgjafi
utanríkisráðherra, segist ekki vita
hvernig boðleiðin hefði átt að vera
öðruvísi. Hann segir að Rússum
beri ekki skylda til að tilkynna
svona æfingar og að þeir hafi ekki
brotið nein lög með því að fljúga á
þeim svæðum sem þeir flugu. Það
hafi verið með öðrum hætti sem
ráðuneytið hafi fengið spurnir af
þeim. Jörundur segir að ráðuneyt-
ið hafi látið ratsjárstofnun vita
strax og þeim barst tilkynning um
æfinguna.
Þegar vélarnar síðan nálguðust
landið hafi boð borist frá danska
lofthernum sem hafði numið vél-
arnar og þau boð hafi strax borist
til flugumferðarstjórnar. Nokkru
síðar hafi Ratsjárstofnun sjálf
numið vélarnar og sent skilaboð
sömu leið. - þsj
Tvær rússneskar sprengjuflugvélar flugu inn í íslenska lofthelgi í síðustu viku:
Þurfa ekki að láta vita af sér
UTANRÍKISRÁÐUNEYTIÐ Samkvæmt
talsmanni ráðuneytisins brutu Rússar
engin lög með fluginu.
RAFORKUVERÐ Raforkuverð á
Íslandi er nú orðið hagstæðara,
borið saman við önnur lönd Vest-
ur Evrópu en var í janúar, þar
sem krónan hefur veikst um 16
prósent frá áramótum gagnvart
Evrunni.
Í nýrri skýrslu Orkustofnunn-
ar var raforkuverð til heimila
borið saman við verð í nokkrum
löndum Vestur- Evrópu í janúar.
Þá hafa einnig orðið nokkrar
raforkuhækkanir á Norðurlönd-
unum sem gerir það að verkum
að raforkuverð í þéttbýli á
Íslandi er nú með því lægsta sem
gerist í samanburðarlöndunum.
- ss
Raforkuverð á Íslandi:
Rafmagnsverð
nú hagstæðara
HLUTHAFAFUNDUR 16. OKTÓBER 2006
Stjórn Kaupflings banka hf.
Hluthafafundur í Kaupflingi banka hf. ver›ur
haldinn á Nordica hotel, Su›urlandsbraut 2,
Reykjavík, mánudaginn 16. október næstkomandi
og hefst klukkan 18.00.
Eftirfarandi mál eru á dagskrá fundarins:
Tillaga stjórnar Kaupflings banka hf. um ar›grei›slu:
„Bankinn grei›ir hluthöfum sínum í ar› 830.691.316 hluti
í Exista hf. Hluthafar munu fá 1,25 hluti í Exista fyrir hvern
hlut í Kaupflingi banka (1,25:1). 16. október 2006 er
ar›leysisdagur (e. ex-date), fla› er sá dagur sem vi›skipti
hefjast án réttinda til ar›s. Ar›sréttindadagur (e. record
date) á Íslandi er a› morgni 16. október 2006 og í Svífljó›
flann 18. október 2006.
Ar›grei›slan mun fara fram flann 26. október 2006.“
1
Önnur mál löglega upp borin.2
Fundarstörf fara fram á ensku.
Atkvæ›ase›lar og önnur fundargögn ver›a afhent vi› inn-
ganginn vi› upphaf fundarins.
KAUPfiING BANKI HF.
STJÓRNMÁL Formenn þing-
flokka stjórnarandstöðu-
flokkanna á Alþingi,
Magnús Þór Hafsteins-
son Frjálslynda flokkn-
um, Ögmundur Jónasson
vinstri grænum og Össur
Skarphéðinsson Samfylk-
ingunni hafa endurflutt
tillögu til þingsályktunar
um að Ísland verði, með
formlegum hætti, tekið
af lista þeirra þjóða sem
studdu innrás Banda-
ríkjamanna og Breta í
Írak. Tillagan gerir ráð fyrir að
Alþingi feli ríkisstjórninni verkið.
Jafnframt er þess krafist að lýst
verði yfir að stuðningur við inn-
rásina hafi verið misráðinn.
Magnús Þór Hafsteins-
son, þingflokksformaður
Frjálslynda flokksins,
segir algjörlega óásætt-
anlegt að Ísland hafi stutt
innrásina á sínum tíma,
hún hafi verið glæpsam-
leg og miklar hörmungar
fylgt henni sem séu smán-
arblettur á ríkisstórn
Íslands og þjóðinni allri.
„Svo hefur ekki feng-
ist skýring á hvers vegna
innrásin var studd,“ segir
Magnús Þór. Hann býst
ekki við að tillagan verði sam-
þykkt en hún sé lögð fram til að
ítreka, og halda á lofti, andstöðu
stjórnarandstöðunnar við ákvörð-
un stjórnvalda. -bþs
Segja yfirlýsingu um stuðning við Íraksstríð misráðna:
Ísland verði tekið
af lista hinna fúsu
MAGNÚS ÞÓR HAF-
STEINSSON