Fréttablaðið - 06.10.2006, Qupperneq 63

FÖSTUDAGUR 6. október 2006 31
Umræðan
Varnir Íslands
Á Alþingi Íslendinga hefur umræða um varnarmál átt sér
stað á síðustu dögum. Að lokinni
munnlegri skýrslu forsætisráð-
herra um varnarmálin stigu for-
svarsmenn Samfylkingar á sviðið
og héldu hvor um sig einkennilega
tölu um þær breytingar sem orðið
hafa á vörnum landsins.
Gagnrýni Össurar
Að hálfu Samfylkingarinnar er við-
skilnaður varnarliðsins sagður
slakur. Kostnaður vegna niðurrifs
auk mengunarhreinsana á gamla
varnarliðssvæðinu er óhóflegur að
mati Össurar Skarphéðinssonar,
þingflokksformanns Samfylkingar-
innar. Í þessu ljósi er rétt að vekja
athygli lesenda á því, að á silfurfati
höfum við Íslendingar fengið meiri
verðmæti og tækifæri en skástu
viðskiptafræðinga Samfylkingar-
innar getur órað fyrir. Í annan stað
var að sjálfsögðu afar mikilvægt að
benda á mikilvægi þess fyrir
íslensk stjórnvöld að tala kostnað-
inn upp frekar en niður í því samn-
ingaferli sem nú er yfirstaðið.
Gagnrýni Ingibjargar
Af hálfu Samfylkingarinnar er nið-
urstaða samningsins afar slæm en
svo komst formaður Samfylkingar-
innar, Ingibjörg Sólrún Gísladóttir,
að orði í sinni tölu. Samkvæmt
breyttum samningi um varnarmál
milli íslenskra og bandarískra yfir-
valda verða varnir landsins áfram
tryggðar ásamt því að lítil þjóð fær
sér til handa verðmætar eignir sem
án efa munu hafa jákvæð áhrif á
íslenskt efnahagslíf svo um munar.
Hér er vert að staldra örlítið við.
Hefur Samfylking kynnt að ein-
hverju leyti sínar töfralausnir í því
ferli sem hefur átt sér stað? Að mati
greinarhöfundar hefur eina innlegg
Samfylkingar í málinu verið kjökur
yfir því að hafa ekki fengið nógu
miklar upplýsingar á meðan hið við-
kvæma og sögulega samningaferli
átti sér stað. Niðurstað-
an eða útkoman fyrir
íslenska þjóð er eins og
best verður á kosið
miðað við þá erfiðu
stöðu sem bandarísk
stjórnvöld settu okkur
Íslendinga í. Það sem
stendur að mínu mati
upp úr er sú spenna að
sjá hvernig dugleg og
metnaðarfull þjóð mun
spila úr þeim frábæru
tækifærum sem nú
bíða okkar á næstu
misserum.
Viðbrögð Suðurnesjamanna
Viðbrögð heimamanna hafa verið
lofsverð. Þorri íslenskra starfs-
manna varnarliðsins hefur nú
þegar komist í ný störf. Forsvars-
menn í sveitarfélögum tóku af skar-
ið og hvöttu sitt fólk til hreyfingar
um leið og ákvörðun varnarliðsins
lá endanlega fyrir. Afturhaldsmenn
í pólitík hefðu hugsanlega ráðlagt
hinum sömu að bíða til loka samn-
ings með sín atvinnumál og á end-
anum hefði glundroði og erfiðleik-
ar einkennt stöðu mála.
Staða Suðurnesjamanna
Ég hvet landsmenn til að hunsa
sleggjudóma stjórnarandstöðunnar
og þá tækifærismennsku sem ein-
kennt hefur allan þeirra málflutn-
ing í þessu máli á undanförnum
misserum. Að sama skapi verðum
við að tryggja í framhaldinu að nýt-
ing og búnaður á varnarliðssvæðinu
taki tillit til skipulagsmála og þeirr-
ar framtíðarsýnar sem sveitarfélög
á Suðurnesjum hafa sett sér. Annað
væri fullkomlega óeðlilegt og ekki
til farnaðar. Þekking
á búnaði og staðhátt-
um er mikil á meðal
heimamanna og jafn-
framt verður einnig
að minna á þann raun-
veruleika að þjón-
ustufyrirtæki á Suð-
urnesjum hafa nú
misst spón úr aski
sínum í formi minni
tekna eftir brotthvarf
varnarliðsins. Sveit-
arfélög á Suðurnesj-
um verða því að fá
virka þátttöku við
mótun á atvinnuháttum sem að
ákveðnu leyti mun fylla upp í það
verkefnaskarð sem sömu fyrirtæki
hafa orðið fyrir.
Umfram allt verður nýting svæð-
isins að mótast af góðum og gegn-
um viðskiptalegum forsendum. Að
slíkri stefnumótun er greinilega
ekki hægt að treysta á Samfylking-
una. A.m.k. ekki, ef tekið er tillit til
þeirrar framsetningar á málinu til
þessa. Hingað til hefur okkar full-
trúi í samningaferlinu, Geir H.
Haarde forsætisráðherra, staðið
vaktina með myndarbrag fyrir land
og þjóð.
Starfsmenn án atvinnu
Eftir brotthvarf varnarliðsins hafa
ótal viðskiptahugmyndir nú þegar
skilað sér til yfirvalda og forsvars-
manna sveitarfélaga á Suðurnesj-
um. Úr þeim verður skipulega
unnið og að sjálfsögðu á viðskipta-
legum forsendum til framtíðar.
Einnig er vert að líta til verkefna
þar sem stórar ríkisstofnanir eiga
nú möguleika á aðstöðu til sinna
starfa. Nefni ég í því sambandi rík-
isstofnanir sem heyra til löggæslu-
og öryggismála.
Að svo komnu eru rúmlega 100
starfsmenn án atvinnu eftir brott-
hvarf varnarliðsins. Greinarhöf-
undur hyggst beita sér fyrir úrlausn
þeirra mála og vonast eftir góðri
niðurstöðu á næstu misserum.
Þakka þeim sem lásu.
Höfundur er alþingismaður.
Um varnarmálin
GUNNAR ÖRN ÖRLYGSSON
Umræðan
Sigríður Guðnadóttir
skrifar um Skálholt
Hilmar Örn Agnarsson dómorganisti í Skálholti
hefur stjórnað Kammerkór Suð-
urlands frá stofnun hans. Heimil-
isfang Kammerkórs Suðurlands
er í Skálholti og flest þau verk
sem kórinn hefur æft hafa verið
flutt þar. Félagar kórsins eru
harmi slegnir yfir uppsögn Hilm-
ars Arnar úr starfi organista í
Skálholti og eru undrandi, sárir
og reiðir yfir þessu miskunnar-
leysi, yfirgangi og niðurlægingu í
garð Hilmars Arnar í skjóli end-
urskipulags tónlistarstarfs. Hug-
myndin að stofnum Kammerkórs
Suðurlands kviknaði þegar hópur
söngvara kom saman til að syngja
á Skálholtshátíð sumarið 1997. Í
kórnum voru þá söngvarar allt
frá Akranesi til Hornafjarðar
sem allir voru virkir tónlistar-
menn í sinni heimabyggð. Síðan
hefur fastur kjarni söngvara af
Suðurlandi sungið í kórnum.
Hann hefur æft í Skálholti oftar
en annars staðar og haldið þar
tónleika, eins og áður hefur komið
fram, við ýmis tækifæri s.s. á
Skálholtshátíð, Sumartónleikum
og jafnframt sungið í messum.
Hugmyndaauðgi og jákvæðni
Hilmars Arnar hefur hrint af stað
mörgum spennandi verkefnum
sem hafa vakið athygli og fengið
lofsamlega dóma eins og efnis-
skrárnar Ég byrja reisu mín og
Íslensk kirkjutónlist í 1000 ár
sem kórinn flutti á sínum tíma í
Skálholti og voru hljóðritaðar á
hljómdiskinn Ég byrja reisu mín.
Það má teljast til tíðinda þegar
Hilmar Örn og þáverandi stjórn
kórsins komst í samband við hið
virta breska tónskáld Sir John
Tavener sem leiddi til þess að
hann varð staðartónskáld Sumar-
tónleikanna í Skálholti 2004. Á
þeim tónleikum flutti Kammer-
kór Suðurlands í fyrsta skipti hér
á landi samfellda dagskrá með
verkum eingöngu eftir Tavener.
Tónskáldið samdi eitt verkið
Shoun hymninn fyrir kórinn sem
hann frumflutti á tónleikunum.
Því miður komst Tavener ekki á
tónleikana í Skálholti vegna veik-
inda en kona hans og tvær dætur
komu í hans stað. Frú Tavener
flutti skáldinu frábæra dóma um
frammistöðu kórsins undir stjórn
Hilmars Arnar.
Hilmar Örn hefur hannað
söngdagskrár þar sem kammer-
kórinn hefur brugðið á leik í tali
og tónum. Hilmar er nefnilega
með eindæmum skemmtilegur og
gefandi stjórnandi.
Í huga Hilmars er öll tónlist
jafnmerkileg hvort sem hún er
eftir breska tónskáldið Sir John
Tavener eða bóndasoninn frá
Hvoli í Ölfusi Guðmund Gott-
skálksson, en kammerkórinn
söng inn á geisladiska verk eftir
þá báða á síðasta ári. Hljómdisk-
urinn Á hugarhimni mínum sem
kom út í vor hefur að geyma lög
eftir Guðmund en diskur með
verkum eftir Tavener er væntan-
legur á næsta ári.
Það er ótrúlegt hvað Hilmar
Örn hefur áorkað miklu með
kammerkórnum ásamt öllum
hinum tónlistarhópunum sem
hann hefur haft á sinni könnu.
Barna- og kammerkór Biskups-
tungna undir hans stjórn hefur
hlotið verðskuldaða athygli og
var boðið að koma og syngja á
heimssýningunni í Japan fyrir
ári. Þá eru ótaldir allir þeir tón-
listarmenn sem hann hefur æft
með og fengið til að koma fram í
Skálholti til að fá aukna breidd í
tónlistarflutninginn þar, tólista-
runnendum til mikillar ánægju.
Þrátt fyrir mikla vinnu sem
felst í því að stjórna kór eins og
Kammerkór Suðurlands sem leit-
ast við að flytja metnaðarfulla
söngdagskrá hefur hann unnið
þetta starf eingöngu áhugans og
ánægjunnar vegna.
Við félagarnir í Kammerkór
Suðurlands teljum það forréttindi
að syngja undir stjórn Hilmars
Arnar. Hann er mikill músíkant
sem fer með okkur í einhverjar
aðrar víddir í túlkun sinni á tón-
listinni. Hilmar Örn er í okkar
huga samofinn Skálholtsstað.
Skálholtsstaður verður ekki
samur án Hilmars Arnar.
Okkur félögunum í Kammer-
kór Suðurlands finnst engin rök-
studd ástæða fyrir uppsögn Hilm-
ars Arnar Agnarssonar úr starfi
organista í ljósi öflugs tónlistar-
starfs sem hann hefur unnið í
Skálholtskirkju. Með brottrekstri
Hilmars Arnar finnst okkur ekki
bara vegið að honum heldur öllu
því starfi sem Kammerkór Suð-
urlands hefur unnið í Skálholti
undir stjórn Hilmars Arnar. Við
skorum því á stjórn Skálholts að
draga uppsögn Hilmars Arnar til
baka svo hið blómlega tónlistarlíf
í Skálholti megi halda áfram að
blómstra í framtíðinni undir hans
stjórn og Kammerkór Suðurlands
geti áfram tekið þátt í því.
Höfundur er formaður Kammer-
kórs Suðurlands.
Brottrekstur Hilmars Arnar
Að mati greinarhöfundar hefur
eina innlegg Samfylkingar í
málinu verið kjökur yfir því að
hafa ekki fengið nógu miklar
upplýsingar á meðan hið við-
kvæma og sögulega samninga-
ferli átti sér stað.
Félagar kórsins eru harmi
slegnir yfir uppsögn Hilmars
Arnar úr starfi organista í
Skálholti og eru undrandi,
sárir og reiðir yfir þessu
miskunnarleysi, yfirgangi og
niðurlægingu í garð Hilmars
Arnar í skjóli endurskipulags
tónlistarstarfs.
GYLLTI SALUR
Sími 578 2009 / www.hbveitingar.is
FORRÉTTIR
Mareneruð síld með reyktum og létt sýrðum tómötum / Karrý
síld með kartöflubitum og eplum / Mareneruð síld í rauðbeðu
og rjómaosts kremi / Einiberja og dill grafinn lax með estragon
kremi / Reyktur lax með piparrótar sýrðum rjóma / Kremuð
villisúpa, bragðbætt með íslenskri villibráð / Hörpuskeljar- og
rækjusalat í kryddjurtaolíu / Grísalæri að norðan, verkuð á
spænska vísu og framreitt á okkar máta / Hreindýrapylsur
innbakaðar í jólabakstrinum „einiber, negull, kanill“ / Heit
lifrakæfa með sveppum og beikoni / Hreindýrabollur í einiberja
kryddaðri villiberjsósu / Langtíma elduð andalæri, lauksulta og
appelsínugljái.
AÐALRÉTTIR
Hangikjöt að norðan með uppstúf og kartöflum / Hamborgar-
hryggur, brúnsósa sem og kartöflur kenndar við sama lit /
Léttreyktir og steiktir saltfisksbitar með fennel, lauksultu og
hvítlauks kryddjurta mauki / Ofnbakaður lax mareneraður með
„súrsuðum radísum með chilli og wasabi soy“ bakaður
í bananalaufi / Purusteik, kalkúnn (fylling), dádýr, kengúra,
nautavöðvi, létt reykt önd.
MEÐLÆTI
Flatbrauð „kryddað“ / Nýbökuð brauð og smjör / Rúgbrauð /
Rauðkál með jólakryddum og rauðvíni / Eplasalat / Heimalöguð
sulta / Sæt kartöflumús með eplum og koriander.
EFTIRRÉTTIR
Ris à la mandle / Jólaglögg !!! / Volg eplakaka með kanil / Panna
cotta með jarðaberjum, lime og vanilli olíu / Súkkulaðidrumbur
bragðbættur með stjörnuanis / Villiberjasósa.
JÓLAHLAÐBORÐÁ HÓTEL BORG
JÓLAHLAÐBORÐ Í GYLLTA SALNUM Á
HÓTEL BORG HEFST 23. NÓVEMBER.
PANTAÐU NÚNA.
STRÁKARNIR Á BORGINNI
Helgi Björns og Bergþór Pálsson skemmta
gestum af sinni alkunnu snilld meðan á
borðhaldi stendur, fimmtudaga, föstudaga
og laugardaga.
P
IP
A
R

•
S
ÍA

•
6
0
3
3
5