Fréttablaðið - 21.06.2007, Blaðsíða 74

Tískuheimurinn syrgir nú
stílistann og tískuíkonið
Isabellu Blow sem lést í maí
síðastliðnum. Hún var fædd
Isabella Delves Broughton
árið 1958 í London og varð
seinna meir afar áhrifamikil
í tískuheiminum.
Ferill hennar sem slíkur hófst
þegar hún flutti til Texas og vann
fyrir franska tískuhönnuðinn Guy
Laroche. Alvaran byrjaði hins
vegar ekki fyrr en hún var kynnt
fyrir Önnu Wintour, ritstjóra
bandaríska Vogue sem réði Isa-
bellu sem aðstoðarmann sinn.
Hún er þekkt fyrir samstarf
sitt við hönnuðinn Philip Treacy
en þau kynntust er hún giftist
seinni eiginmanni sínum, Detmar
Blow, og hannaði Treacy þá hatt-
inn sem hún klæddist í brúðkaup-
inu. Treacy hefur síðan hannað
óteljandi hatta og höfuðföt fyrir
Blow sem er í dag þekktust fyrir
þessa frábæru hattaáráttu og sér-
stakan stíl.
Hún sagði oft að hennar uppá-
halds æskuminning væri þegar
hún mátaði bleikan hatt í eigu
móður sinnar og taldi það eiga
þátt í að leiða hana að áðurgreindri
áráttu. Í seinni tíð aðspurð hvers
vegna hún gengi alltaf með hatt
sagði hún: „Til þess að halda fólki
frá mér. Þegar fólk vill kyssa mig
segi ég nei takk. Þess vegna er
ég með hattana. Ég vil ekki vera
kysst af neinum nema því fólki
sem ég elska.“
Isabella ritstýrði breskum tísku-
tímaritum eins og Tatler og Sund-
ay Times Style Magazine en þrátt
fyrir það fann hún sér aldrei stað
í tískuheiminum fyrir alvöru. Hún
uppgötvaði Alexander McQueen
og keypti alla útskriftarlínu hans
en var svo miður sín þegar hann
tók hana ekki með sér er hann seldi
merki sitt til Gucci. Auk þess voru
erfiðleikar í hjónabandinu og henni
tókst aldrei að eignast barn með eig-
inmanni sínum. Þegar hún greindist
svo með krabbamein í eggjastokk-
um var hún búin að fá nóg.
Á árunum 2005-2006 reyndi
tískugyðjan tvívegis að fremja
sjálfsmorð og endaði það þannig
í seinna skiptið að hún brotnaði
á báðum fótum þegar hún stökk
niður af brú. Þann 6. maí á þessu
ári var hún viðstödd veislu þar
sem Treacy og maki hans voru
meðal gesta. Isabella sagðist ætla
að kíkja í búðir en fannst seinna
í slæmu ástandi og hafði drukk-
ið illgresiseitrið Paraquat. Hún dó
tveimur dögum síðar á spítalanum
í Glaucestershire. Jarðarförin fór
fram þann 15. maí og á kistunni
sat einn fallegasti hatturinn sem
Treacy hannaði fyrir hana.
www.alcoa.is
ÍS
L
E
N
S
K
A
S
IA
.I
S
A
L
C
3
81
59
0
6.
20
07