Réttur - 01.03.1939, Side 7

usta Sjálfstæðisflokksins líklega um skeið. En þegar
Breiðfylkingin nýja var sett á laggirnar, sneru þeir við
blaðinu. Foringjar Sjálfstæðisflokksins hyggjast nú að
fiska í hrærðu vatni, til þess að kljúfa verklýðssamtök-
an og koma því til leiðar, að annað hvort verði tvö verka-
lýðsfélagasambönd í landinu, sem eyði kröftum sínum í
innbyrðisbaráttu, eða Alþýðusambandið verði lögfest,
sem einskonar vinnufylking í þýzkum stíl, sem verka-
menn verði knúðir til að vera í, réttlausir að kalla og
gefnir undir félagslög, sem sett verði á Alþingi og sam-
in af Eggert Claessen og Stefáni Jóhanni Stefánssyni
í sameiningu. Það er haft eftir Ólafi Thors, að hann
sé þegar búinn að semja við Stefán J. Stefánsson um
þessi mál. Það fylgir sögunni, að fyrirhuguð muni vera
•einhverskonar lögþvinguð hlutfallskosning, sem íhaldið
telur allra meina bót, eða með öðrum orðum bezta ráðið
til þess að viðhalda sem mestri flokkspólitískri tog-
streitu innan verkalýðsfélaganna. Hins vegar er þess
skemmst að minnast, að Alþýðubl. hefir lýst yfir því, að
hlutfallskosning væri hið svívirðilegasta fyrirkomulag,
sem hugsazt gæti í verklýðssamtökum. Sannast hér sem
fyrr, að það er Ólafs Thors að fyrirskipa, en Stefáns
Jóh. Stefánssonar að hlýða og „úrskurða“ svo, eins og
Ólafur Thors vill. Hitt er svo annað mál, hver ráð
verða höfð til þess að kljúfa alla róttæka krafta frá
hinum íhaldssamari hluta verkalýðshreyfingarinnar og
til þess að gera sósíalistana réttlausa. Mun það ekki
enn fullráðið í einstökum atriðum, hver skipun verður
á því höfð. En í öllu falli er talið, að til þess eigi að
semja ný lög. Allt stefnir því í þá átt að verkalýðssam-
tök megi aðeins vera til samkvæmt fyrirmælum Al-
'þingis og engin verkalýðshreyfing lögleg nema af náð
valdhafanna, þ. e. íhaldsins og bandamanna þess.
Það væri að vísu meinleg villa, að halda því fram,
,að hér væri komið á fasistískt stjórnarfar og háska-
Jegt að sú skoðun festi rætur einmitt á þeim tímum,
7