Réttur - 01.03.1939, Qupperneq 38
ur að koma fram sem mest af því, sem íolkið í landinu
upplifir, snertir daglega hugsun þess og viðfangsefni.
Og Þorgeir fól mér á hendur að koma aðfinnslum okk-
ar á framfæri. Honum stendur ekki stuggur af því, sem
ritið nú flytur, hann vill bara bæta við. Ekki minnist
hann á neina hættu á yfirráðum frá Rússlandi, þó að
hann hins vegar teldi það höfuðljóð kommúnista, að
þeir væru óþjóðlegir. Annars sá hann aldrei þeirra blöð,
nema þá rétt eitt og eitt og taldi því mjög sennilegt, að
hann hefði að einhverju leyti fengið rangar hugmyndir
um skoðanir þeirra og tók leiðréttingar frá mér fús-
lega til greina. Stefnuskrá Alþýðuflokksins las hann
fyrir nokkrum árum og var henni að mörgu ósammála.
Þó fannst honum mikið til um einstök atriði hennar,
einkum að því er kom til mannúðarmála. Yfirleitt var
útkoman sú, að fræðilega og skoðanalega var ekki neitt
það við sósíalismann, sem honum stóð stuggur af, hann
myndi aldrei sjá neina ástæðu til þess að leggja sitt
breiða bak undir möndulinn Berlín—Róm—Tokio í bar-
áttu gegn rauðu hættunni. Og svo lítið sem honum var
um sósíalisma gefið, þá geðjaðist honum sízt betur að
■Jasismanum. Hann er yfirleitt á móti öfgastefnum, en
baráttu gegn þeim álítur hann ekki neitt aðkallandi mál,
því að þær aðhyllast aðeins nokkrir ungir menn, af því
að ungum mönnum hættir alltaf dálítið við að fara út í
öfgar.
Þorgeir er í Mjólkurbúi Flóamanna og er mjög á-
nægðuj* með rekstur þess. Hann var einnig með í Kaup-
félagi Árnesinga, þegar við stofnun þess, af því að
honum fannst það haganlegt, að félagsverzlun stæði í
samstarfi við mjólkurbúið, þar sem meðal annars væri
hægt að sameina flutninga til og frá heimiiunum. Ekki
telur hann sig þó eindreginn kaupfélagsmann, nema inn-
an vissra takmarka, hann vill ekki að dreginn sé taum-
ur þeirra af hendi hins opinbera, heldur eigist þessir
aðilar við á hösluðum grundvelli hinnar frjálsu sam-
keppni. Þó telur hann hiklaust ver farið, ef kaupfélög-
38