Réttur - 01.03.1939, Síða 42

stjórnarflokkanna eru að mjög verulegu leyti fyrir á-
hrif Sjálfstæðisflokksins, en það skilur ekki sú alþýða,
sem hefir takmarkaða þekkingu á þjóðfélagslögmálun-
um og fylgist ekki með því er gerist bak við tjöldin,
heldur skellir allri sökinni á herðar þeirra flokka, sem
við völdin sitja. — Lítum í öðru lagi á það, að stjórnar-
flokkarnir standa miklu ver að vígi með beinatínslur
til manna sinna. Við vitum það ósköp vel, að ekki á það
sízt við hjá Sjálfstæðisflokknum, að hverju einasta
smástarfi er úthlutað eftir flokkspólitískum sjónarmið-
um, og auk þess hefir hann fleiri beinum út að dreifa
en báðir hinir flokkarnir samanlagt. En megnið af þeim
beinum er þeim í hendur komið í gegnum svonefndan
einstaklingsrekstur. Svo má segja, að hver einasti há-
seti á togurunum sé ráðinn út frá þessu sjónarmiði, og
verkamennirnir í Reykjavík kannast við miðana frá
þeim Thorsbræðrum, sem giltu sem aðgöngumiðar að
vinnu við togarana, þegar þeir komu að landi. — En
fólk lítur á þetta sem þeirra einkarekstur, og svo finnst
því ekkert við það að athuga, þótt menn fari eftir eigin
geðþótta við að velja menn að sínum eigin fyrirtækjum.
Allt öðru máli gegnir um stofnanir ríkisins, þar finna
menn að verið er að fara með þeirra eigin stofnanir,
stofnanir þjóðarinnar í umboði sjálfrar þjóðarinnar, þar
hafa allir rétt til íhlutunar og umvöndunar, ef illa er
með farið. Úti um byggðir landsins er mönnum það aft-
ur á móti ekki eins ljóst, hvernig Sjálfstæðisflokkurinn
notar aðstöðu sína, þar sem hann fer með opinbert um-
boð, svo sem eins og í bæjarstjórn Reykjavíkur. Þar
sem stofnað er hvert embættið af öðru fyrir gæðinga
flokksins á kostnað bæjarins og atvinnukúgunin teygð
alla leið niður í atvinnubótavinnuna og fátækrafram-
færsluna.
En þá komum við að því áliti á þessum flokki heild-
sala og braskara og auðmanna, að hann sé ekki stéttar-
flokkur. Þetta er alveg hræðilega almennt álit meðal al-
þýðu manna, bæði til sjávar og sveita. Og það á einnig
42