Blanda - 01.01.1940, Side 146
144
en að 19. morðið skyldi koma upp um hann, um
öxina, sem honum var vísað til í draumi, og
hann á að hafa notað til illvirkja sinna, um sjó-
róðurinn, víg fjósamannsins á Knerri og gröft
hans undir fjósflórnum, um kvonfang hans,
hestaeign grunsamlega, morð vinnumanns Ingi-
mundar í Brekkubæ, morðtilraun á tveimur
vermönnum, einum norðlenzkum manni, er fann
lík undir rúminu, er hann gisti að Bjarnar, og
um tilræði hans við verndarmann sinn, Guð-
mund Ormsson á Knerri. Sagnir þessar allar
hafa á sér ósvikinn þjóðsögublæ, og eru sumar
hinar ótrúlegustu, svo sem sagan um drauma
þeirra mæðgina, líkfundinn undir rúminu, öx-
arfundinn og tilræðið við Guðmund Ormsson,
sem auðsjáanlega eru allar tilbúningur.
b. Björn á Skarðsá segir ekki frá því, hvern-
ig illvirki Bjarnar komust upp. Espólín og þjóð-
sagan segir tvö systkin hafa komið til Bjarnar
og fengið þar gistingu. Segir Espólín og sumar
útgáfur þjóðsögunnar, að stúlkan hafi verið
myrt, en sveinninn hafi komizt undan, en sum-
ar útgáfur þjóðsögunnar snúa þessu við, sveinn-
inn var myrtur, en mærin komst undan, og er
atvikum að því nákvæmlega lýst, eins og þjóð-
sagna er einatt háttur. Þjóðsagan hefir og
samskonar sögur um viðvörun með kveðlingi
(Gunnbjarnar-vísan, sem nefnd var í „reisu-
bókar“-sögninni) .Setbergsannáll hefir þriðju út-
gáfuna af síðasta hermdarverki Axlar-Bjarnar.
Eftir þeirri sögn fær förukona með þrjú börn
sín gistingu að Bjarnar. Myrti Björn börnin,
en konan komst nauðulega undan. Eftir þjóð-
sögunni er Axlar-Björn sakir mannvonzku sinn-
ar hættur að sjá sól, þótt hún skíni í heiði á