Ægir - 01.11.2000, Side 26

Arthur Bogason, formaður Landssambands smábátaeigenda, segir fyrirhug-
aðar breytingar á fiskveiðistjórnun smábáta ávisun á eignaupptöku:
Enn hægt að fara sáttaleið
að smábátasjómönnum
Arthur Bogason, formaður Landssambands smábátaeigenda, hefur marga hildina háð
í hagsmunabaráttu fyrir smábátasjómenn frá því hann byrjaði að ferðast um landið
fyrir 15 árum og afla þeirri hugmynd stuðnings að smábátasjómenn stofnuðu svæðis-
bundin félög og tækju höndum saman í einum landssamtökum. Arthur var kosinn for-
maður á stofnfundi landssambandsins 5. desember 1985 og fyrstu árin stundaði hann
sína trilluútgerð jafnhliða formennskunni en þar kom að hann fór í full starf hjá LS
og hefur gegnt því síðan. Arthur segir oft hafa verið blikur á lofti varðandi starfsum-
hverfi smábátasjómanna á þessu tímabili en hann segist fúslega viðurkenna að nú
blasi við þær stjórnvaldsbreytingar á síðari hluta næsta árs sem vegið geti harkalega að
atvinnugrundvelli stórs hóps trillukarla . Samstaða trillukarla sé, eins og fyrri daginn,
lykilatriði í að fá þeim fyrirætlunum breytt.
r