Hlín - 01.01.1922, Side 47

Hlln
45
ast hugur um, að það starf krefst undirbúningsmentunar,
sem ekki fæst í neinum almennum mentaskóla, hverju
nafni sem nefnist. — Og heimilin — þótt þau gætu mörg
fullvel veitt þá fræðslu, þá er þeim það bannað vegna
fólksfæðar og annara örðugleika; en fjölmörg eru heim-
ilin, það vitum við, sem alls ekki geta veitt þá mentun,
sem lífið útheimtir í þessum fræðum.
Pað sem því íslenska kvenþjóðin á að berjast fyrir,
jafnframt því sem unnið er að stofnun unglinga- og al
þýðuskóla í landinu, er það að eignast, sem fyrst góða
húsmæðraskóla. Skóla sem hafa það aðalmark að búa
húsmæðraefnin á öllum sviðum sem best undir störf
sín sem húsmæður og mæður} vekja áhuga þeirra á
þjóðfjelagsmálum og ábyrgðartilfinning fyrir uppleldis-
og fræðslumálum.
Inntökuskilyrði í þá skóla ætti að vera alþýðuskóla-
próf, eða það sem því svarar í almennri mentun, þvi að
öðrum kosti hafa konurnar ekki skólans full not.
Einhver vill nú kannske benda á, að hjer sjeu til hús-
stjórnarnámskeið, sem vel sje hægt að komast af með.
— Það er satt, að við kvennaskólann í Reykjavík er hús-
stjórnardeild, tvö námskeið á ári. Um þessi námskeið
sækja árlega mikið fleiri en fengið geta inngöngu, og
þó eru þau dýr, þegar tekið er tillit til þess, að stúlk-
urnar matreiða handa heimavistarnemendum skólans.
Svo hafa verið sett á stofn af einstaka mönnum eða
fjelögum, einkum í Reykjavík, einskonar námsskeið, þar
sem talið er að stúlkur geti fengið að læra matreiðslu.
En í raun og veru er það einungis atvinnurekstur. Fje-
lögin eða einstaklingarnir, sem fyrir þessu standa, selja
venjulega fæði, og fá vitanlega með þessu ódýra vinnu.
Nemendurnir verða að borga með sjer hátt upp í full-
komna fæðispeninga og vinna svo að því eftir fyrirsögn
húsbændanna að búa til matinn. Get jeg ekki annað
sjeð, en að alveg eins mikið mætti læra í vist á góðu