Morgunn - 01.12.1941, Qupperneq 30

128
MORGUNN
Fræg andlátsforspá.
Vart mun annar dularfullur atburður liðinna alda bet-
ur vottfestur en sá, sem hér er sagt frá. Biskupinn af
Gloucester skrifaði frásögnina eftir sjálfum Sir Charles
Lee, föður ungu stúlkunnar, á þessa leið:
,,Með fyrri konu sinni átti Sir Charles Lee eina dóttur
barna. Móðirin dó að barninu, en systir hennar, Lady
Everard, tók nýfæddu stúlkuna að sér og veitti henni af-
bragðs uppeldi. Þegar hún var uppkomin, var ákveðið, að
hún skyldi giftast Sir William Perkins, en hjónavígslan
fórst fyrir af stórfurðulegum ástæðum.
Þegar hún var komin í rúmið á fimmtudagskvöld, sýnd-
ist henni hún sjá einhverja birtu í herberginu. Hún kall-
aði á herbergisþernu sína og spurði hana, hvort nokkurt
ljós væri lifandi í herberginu. Stúlkan svaraði henni, að
svo væri ekki, þar væri ekkert annað Ijós logandi en kerta-
ljósið, sem hún væri með í hendinni. Ungfrú Lee spurði þá,
hvort eldur væri logandi á arninum, en herbergisþernan
svaraði, að þar væri eldurinn löngu kulnaður og að þetta
hlyti að hafa verið draumur. Ungfrú Lee játaði, að svo
mundi hafa verið og lagðist niður til að sofa.
En klukkan um tvö, um nóttina, vaknaði hún aftur, og
nú stóð ókunnug kona við höfðalagið á rúmi hennar. Ver-
an sagðist vera móðir hennar og að hún væri svo glöð yfir
því, að kl. 12 þennan sama dag mundi hún koma til sín.
Hún kallaði nú á herbergisþernuna í annað sinn og bað
um fötin sín. Þegar hún var klædd gekk hún inn í einka-
herbergi sitt og var þar ein, þangað til kl. 9 um morgun-
inn. Hún kom þá með innsiglað bréf, sem hún hafði skrif-
að föður sínum, afhenti Lady Everard það, sagði henni
hvað fyrir sig hefði borið um nóttina og bað hana að
senda bréfið föður sínum óðara og hún væri dáin. Frúin