Morgunn - 01.12.1941, Page 88

186
MORGUNN
stund lánað sálunni efni til að byggja sér stundlegan bú-
stað. því efni skili sálin jörðunni aftur, þegar hún þurfi
þess ekki lengur við, en síðan lýkur Prédikarinn orðum
sínum á þessa leið: „Og. andinn fer til Guðs, sem gaf
hann“.
Þetta er hið sígilda orð kristilegrar lífsskoðunar um
dauðann, hið sígilda orð um hið eilífa markmið ódauð-
legrar sálar.
Þegar silfurþráðurinn er slitinn, á sálin að halda veg-
ferð sinni áfram, hinni miklu pílagrímsför um heima og
himna. Og þegar vér hugsum um allar þær milljónir marg-
víslegra, ólíkra manna, sem af jörðunni hverfa, skilj-
um vér að leiðirnar muni vera margar. En vér vitum, að
þó er markmiðið eitt, og það er Guð. Frá honum er kom-
in öll fjölbreytni sköpunarverksins, og í honum finnur
sú endalausa fjölbreytni fullkomnun sína.
Eins og leiðirnar eru margar, svo eru löndin mörg, eða
sagði Kristur ekki, að í húsi föður síns væru mörg híbýli?
Um þau fögru lönd liggur leiðin. I gegn um þróun og lær-
dóma þeirra háu sviða á sálin margoft að skipta um gervi,
fá nýjan og nýjan líkama, sem hæfir nýjum og nýjum
iífssviðum, unz sorinn er að fullu leystur frá sálargulli
og sálin er að fullu ummynduð til dýrðarmyndar sjálfs
Drottins Krists. Hann er verndari vor, lausnari vor og
leiðtogi á hinni miklu pílagrímsför um hinar ójarðnesku
veraldir, eins og hann vill vera leiðtogi vor hér.
Fyrir ekki löngu var ég að lesa mjög fagra bók, sern
fullyrt er að sé innblásin af látna ágætisprestinum enska,
Vale Owen, sem í jarðlífi sínu var einn áhrifamesti boð-
beri sálarrannsóknanna. Hann segir þar m. a. frá einni
sérkennilegri reynslu sinni eftir að hann kom yfir landa-
mærin. Honum var sýnt allt liðið jarðlíf hans, og að því
ioknu var honum sýnt, í iíkingarmynd, hið ókomna líf
hans í andlega heiminum, og frá því segir hann á þessa
leið: „Verndarengillinn minn sagði: Sjáðu aftur, sonur
minn, og sjáðu markmið framtíðar þinnar! Og sem ég leit