Morgunn - 01.06.1976, Blaðsíða 58

56
MORGUNN
leiki Alheimssálarinnar og hins algjöra vekja Arjuna ógn og
skelfingu, því dýrðarljóminn af verund Alguðsins er sem
ægibál þúsund sólna, og hann skynjar smæð sina og alls
hins skapaða með yfirþyrmandi móti, og hann biður sér í
örvæntingu, felmtri sleginn, mildi og miskunnar reginvalds-
ins. Hinn mikli Drottinn svarar honum og segir honum að
hann skuli berjast og sigra óvini sína í orrustu, því sigurinn
sé honum fyrirhúinn þar sem Hann hafi þegar lagt fjand-
mann hans af velli, og þannig sé hann, eins og allir hlutir,
aðeins verkfæri í hinni almáttugu hendi Alvaldsins. — Og
sem Arjuna hefir nú skynjað hina innri verund Guðdómsins
syngur hann Guði lof í auðmýkt og lottningu, en þar sem
hann afber ekki hina ógnvekjandi sýn hinnar voldugu Guð-
dómsmyndar, biður hann Krishna, skjálfandi og stamandi af
ótta og fullur lotningar, að mega að nýju líta hina upphaf-
legu takmörkuðu mynd; og Drottinn verður við bæn hans
og segir honum jafnframt, að fyrir náð og sameiningu við
hina æðstu sál, hafi honum opinberast hið æðsta lífgerfi Guðs,
gert úr efni ljóssins, og sem mjög sé torvelt að líta; slík náð
ávinnist ekki fyrir bænagjörð, lestur Vedabóka, gjafir, mein-
læti, athafnir né fórnir; þvi aðeins fyrir einlægan kærleika
til sín sé mögulegt að þekkja sig og sameinast sinni verund;
og það auðnist aðeins þeim, sem losnað hafi úr viðjum með
því að vinna verk sín í nafni Guðs, lausir við hatur, einlægir
í trú sinni, fullir lotningar til Guðs og kærleiks til alls sem
Guð hefir skapað, og sem hafa Hann fyrir sitt æðsta tak-
mark. — Þeir, segir hinn Blessaði Drottinn, koma til min. —
Og þannig endar ellefti kafli, er nefnist Opinberun hins guð-
dómlega lifsgerfis, og einnig Opinberun Guðs Dýrðar eða
Birting Heilögu Leyndardóma.
Lausn úr hringrás endurfrœfíinganna.
Tólfti kafli hefst á því, að Arjuna prins, óskar fræðslu um
leiðir hinnar trúuðu. Nú er honum hefir opnast sýn andans
og skilningur hans hefir opnast fyrir gildi hinnar einlægu