Morgunn - 01.06.1976, Blaðsíða 64
62
MORGUNN
sólu, mána eða eldi; þá hefir hann öðlast þegnrétt í hinu
Eilífa Heimkynni. — Neisti af Hinum Eilífa Anda verður að
einstaklingssál í heimi hinnar takmörkuðu sköpunar, en sálin
elur af sér í efninu skilningarvitin fimm og hið sjötta, hug-
ann. -— Þegar Andinn kemur og fer hrífur hann þau með sér
eins og ldærinn nemur með sér ilm blómanna, og hinir vitru
skynja nærveru Hans í hjarta sínu, en hinir fávísu er skortir
innri sýn finna Hann ekki, jafnvel þótt þeir leiti af öllum
mætti. Og hinn Heilagi Drottinn mælir „Ljós sólar, mána og
elds; vit að þetta er frá mér“ og Hann heldur áfram „Til
jarðar kem ég og gef kærleikann, sem er lifsaflið, sem öllu
viðheldur. Eg er í hjörtum allra; frá mér koma minni, vit og
þekking; svo og skortur þessa.“ — Og enn mælir Shri Krishna
áfram „I þessari sköpun eru tvennskonar fyrirbæri, hin tak-
mörkuðu og hverfulu annarsvegar og hið ódauðlega og ótor-
tímanlega. — Lifverurnar og allir hlutir hinnar veraldlegu
sköpunar er af hinu hverfula, en hið eih'fa og ótortímanlega
er það sem ekki breytist og er ekki skynjunum háð. En ofar
þessu er Hann, sem er Hinn Mikli Eilífi Andi, Drottinn
Eilífðarinnar sem er allt í öllu. — Og Hinn Blessaði mælir:
„En þar sem ég er ofar hinu tortímanlega og einnig hinu
ótortímanlega æðri, er ég nefndur af hinum vitru, Hinn Æðsti
Andi“. Og hann lýkur máli sínu með hinum djúpspöku og
leyndardómsfullu orðum: „Og sá sem þekkir mig í raun og
sannleika sem hinn Æðsta Anda, hann þekkir allt sem þekkja
þarf, og hann dáir mig og tilbiður mig af allri sálu sinni“.
— En þetta eru orð að sönnu og i þeim felst opinberun mik-
illa leyndardóma, því sá sem þannig þekkir Hina Æðstu Sál,
Paramathma, sem er Drottinn Isvara, sem gagnsýrir allt og
er allt í senn, hið algjöra, Alsálin, og hin efnislega undir-
staða alheimsins, honum hefir opnast uppspretta allrar þekk-
ingar og hinna æðstu vísinda — sjálf vizkulindin, sem aðeins
verður bergt af að hinum innri leiðum andans. Og þessi kafli
hinnar helgu kviðu hefir verið nefndur „Fræðin um hinn
Æðsta Anda“.