Morgunn - 01.06.1976, Blaðsíða 38
36
MORGUNN
Varð það til þess að Reuter stöðvaði vagninn og spurði
hvort menn skildu ekki það sem skrifað hafði verið, en hann
hélt það vera íslenzku. fslendingamar sögðust hafa haldið að
þetta væri pólska, sem hann mundi geta útskýrt, en hann
kvað það ekki vera.
Von Reuter var hámenntaður maður. Hann talaði 8 tungu-
mál og skildi misjafnlega mikið í 5 í viðbót, en hann gat ekki
ráðið fram úr þessu máli. Er menn voru að ræða málið, sagði
v. Reuter, að fyrir aftan Einar stæði maður með tjúguskegg.
Hann brosti og klappaði á öxl Einars og sagði: Was I a cheat?
(Var ég svikari?).
Lýsingin átti greinilega við prófessor Harald Nielsson. Rað
þá einhver hann um að skrifa nafn sitt. Þau mæðgin gerðu
það og kom orðið: RUDLARAH. Menn urðu fyrir miklum
vonbrigðum, þangað til einhver kallaði upp: Þetta er Haraldur
afturábak.
Vom blöðin nú tekin og lesin aftur. Reyndist þá hvert orð
skrifað afturábak og vera góð íslenzka. Voru þar fjöldi nafna
aðallega úr ætt frú Sigríðar Þorláksdóttur, konu Einars.
Þar sem mér þótti þessi saga allt merkileg, bað ég Halldór
Jónasson all löngu seinna að segja mér af þessum fundi. Skakk-
aði frásögn hans í engu frásögn Einars frá 1929.
Ég hélt að þessi frásögn hefði komið i MORGNI, eins
og svo margur annar fróðleikur, en þegar ég fyrir skömmu
fékk að vita að svo væri ekki, taldi ég skyldu mína að láta
hana koma fyrir almanna sjónir, því þeir sem voru á fundi
þessum munu nú allir horfnir héðan. Hinsvegar minntist ég
á þessa sögu við frú Oddnýju, konu Loga Einarssonar hæsta-
réttardómara, og sagðist hún hafa heyrt hana hjá frú Sigriði
tengdamóður sinni.
Tel ég þessa sögu einhverja beztu sönnun, sem ég hefi
heyrt, enda brýtur hún á bak aftur allar skýringar á þvi að
menn tali framandi mál, sem þeir kunni ekki, og einnig
kenninguna um hugsanaflutning. Hér voru útlendingar sem
enga íslenzku kunnu og Islendingarnir, sem þarna voru, gátu