Morgunblaðið - 24.10.2011, Blaðsíða 4
BAKSVIÐ
Rúnar Pálmason
runarp@mbl.is
Sumarið 2009 skipaði umhverfisráð-
herra aðgerðateymi til að koma á
átaki til að verja viðkvæma náttúru
Reykjanesskagans og lagfæra þær
skemmdir sem orðið hafa af völdum
utanvegaaksturs. Átakið er ekki enn
hafið og raunar er eitt og hálft ár
liðið frá því aðgerðateymið fundaði
síðast. Teymið hefur ekki komið á
samráði við félög fólks sem hafa
áhuga á útivist og akstri í Reykja-
nesfólkvangi, líkt og fyrir það var
lagt.
Ólafur A. Jónsson, deildarstjóri
náttúruverndar hjá Umhverfisstofn-
un og formaður aðgerðateymisins,
segir að skýringin á því að átakið
hafi tafist sé einfaldlega tímaskortur
nefndarmanna, einkanlega hans
sjálfs. „Það hafa mjög mörg önnur
verkefni skotið upp kollinum og
þeim varð að forgangsraða. Ég hef
því miður ekki getað sett þetta efst
á listann,“ segir hann.
Ólafur segir að nú sé að mestu bú-
ið að kortleggja vegi og slóða innan
Reykjanesfólkvangs, að tilstuðlan
teymisins, og teymið sé búið að
leggja drög að ákvörðunum um
hvaða slóðum skuli loka og hvar
þurfi að ráðast í landbætur. Nú sé
unnið að því að útbúa skýrslu til um-
hverfisráðherra um verkáætlun og
áætlaðan kostnað við þær fram-
kvæmdir sem teymið leggur til að
verði ráðist í.
Þar sem nú er kominn vetur er
þess varla að vænta fyrr en það
verði í fyrsta lagi næsta vor þegar
þrjú ár verða liðin frá því aðgerða-
teymið var sett á laggirnar. Það er
þó ekki þar með sagt að ekkert hafi
verið gert sl. tvö ár, og t.d. hefur
landvörður í Reykjanesfólkvangi
unnið að því að loka slóðum og sett
hafa verið upp skilti um að utan-
vegaakstur sé bannaður. Þetta hef-
ur hins vegar ekki verið gert á veg-
um aðgerðateymisins.
Hentar ekki til akstursíþrótta
Ólafur segir að áður en teymið
hafi samráð við hagsmunaaðila þurfi
það fyrst að koma sér saman um til-
lögur til aðgerða og fjármagn til
þeirra hefur fengist. Tillögur teym-
isins verði ekki trúverðugar fyrr en
ljóst sé að fjármagn fáist til að
hrinda þeim í framkvæmd. Ólafur
segist hins vegar þekkja sjónarmið
akstursíþróttamanna gegnum starf
sitt.
Ólafur segir að Slóðavinir, sem
eru samtök mótorhjólamanna, vilji
fá slóðanet á landsvísu fyrir vél-
hjólamenn en sú tillaga hafi almennt
fengið litlar undirtektir. Raunar hafi
Slóðavinir ekki viljað skila korti af
slíku slóðaneti. Hann minnir einnig
á að fólkvangurinn sé friðlýst svæði
og henti því ekki til akstursíþrótta.
Spjöll Á Suðurnesjum eru víða ljót ummerki um utanvegaakstur. Í sumar hefur landvörður m.a. unnið að því að loka slóðum og laga skemmdir.
Aðgerðalítið aðgerðateymi
Umhverfisráðherra skipaði teymi sumarið 2009 til að koma á átaki til að verja
náttúruna á Reykjanesskaga Átakið ekki hafið Síðast fundur í apríl 2010
4 FRÉTTIRInnlent
MORGUNBLAÐIÐ MÁNUDAGUR 24. OKTÓBER 2011
Kanarí
15. nóvember
Frá kr. 114.900
Heimsferðir bjóða frábær tilboð á allra síðustu sætunum til Kanaríeyja
þann 15. nóvember. Í boði eru sértilboð m.a. á Maspalomas Lago
smáhýsum og Jardin del Atlantico íbúðarhótelinu.
Beint flug til Kanaríeyja þann 15. nóvember. Á heimleið er flogið til
Kaupmannahafnar og þaðan til Íslands þann 27. nóvember. Athugið
að mjög takmörkuð gisting er í boði!
12 nátta ferð - síðustu sæti!
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Skógarhlíð 18 • sími 595 1000 • www.heimsferdir.is
Kr.114.900
Maspaloma Lago
Netverð á mann m.v. tvo
fullorðna í 12 nætur.
Kr.159.800 - allt innifalið
Jardin del Atlantico
Netverð á mann m.v. tvo
fullorðna í 12 nætur.
Staða íslenska
liðsins í viður-
eigninni við Hol-
land í átta liða úr-
slitum
heimsmeist-
aramótsins í
brids var nánast
vonlaus í gær
þegar leikurinn
var hálfnaður.
Hollendingar
höfðu þá skorað 154 stig gegn 44
stigum Íslendinga.
Síðari 48 spilin verða spiluð á
morgun en munurinn er það mikill
að Hollendingar eiga sigurinn vísan
og sæti í undanúrslitum.
Staðan í öðrum viðureignum er sú,
að A-sveit Bandaríkjanna hefur 58
stiga forskot á Ísraelsmenn, B-sveit
Bandaríkjanna er með 17 stiga for-
skot á Svía og Ítalir 36 stiga forskot
á Kínverja.
Nánast
vonlaus
staða í brids
Brids Leikfimi
hugans.
„Þeir eru búnir að gera þetta í
nokkur ár,“ segir Elvar Árni Lund,
formaður Skotveiðifélags Íslands,
en sveitarstjóri Húnaþings vestra
hefur auglýst sölu á veiðileyfum
fyrir rjúpnaveiðar á Víðidals-
tunguheiði, Tvídægru og Arn-
arvatnsheiði og að þeim sem hafi
ekki keypt leyfi sé óheimilt að fara
þangað til veiða.
„Það er þarna svæði sem þeir eru
að selja inn á sem talið er líklegt að
verði úrskurðað sem þjóðlendur
þegar óbyggðanefnd tekur þetta
fyrir,“ segir Elvar.
„Við gagnrýnum harðlega að þeir
skuli selja inn á svæði sem vafi leik-
ur á um hvort sé eignarland. Villi-
dýralögin eru mjög skýr um að það
megi ekki að banna fólki að veiða á
afrétt,“ segir Elvar.
Elvar segir að óbyggðanefnd sé á
ís eins og er og taki ekki við neinum
nýjum málum vegna niðurskurðar.
Elvar telur að gömul hreppa-
pólitík stjórni þessum málum hjá
Húnaþingi vestra og hann efast um
að það sé mikil samstaða um þessi
mál.
„Sveitarfélagið hefur ekki látið
okkur hafa gögn sem sýna að landið
sé í þeirra eigu og segja að það sé
of tímafrekt og kostnaðarsamt að
taka saman þessi gögn og neita að
sanna að þeir eigi þetta land,“ segir
Elvar.
„Við áttum í bréfasamskiptum við
Skotvís fyrr á þessu ári en í meg-
inatriðum er það þannig að við höf-
um verið að afla gagna og búa okk-
ur undir það að óbyggðanefnd kæmi
hér og lýsti kröfum. Við höfum því
verið að afla gagna sem gætu stað-
fest að eignarhald okkar á þessum
umræddu afréttum sé ótvírætt,“
segir Skúli Þórðarson, sveitarstjóri
Húnaþings vestra. mep@mbl.is
Gagnrýna
rukkun
harðlega
Skotvís ósátt við
veiðigjald á afrétt
Morgunblaðið/ Ómar
Eftirsótt Rjúpa í haustlitum.
Gunnar Egilson, klarín-
ettuleikari og fyrrver-
andi tónlistarstjóri Sin-
fóníuhljómsveitar
Íslands, lést í Reykjavík
á laugardag. Hann var
84 ára að aldri, fæddur í
Barcelona á Spáni 13.
júní 1927.
Gunnar nam klarín-
ettuleik í Reykjavík,
Los Angeles og London.
Hann lék með Hljóm-
sveit Reykjavíkur frá
árinu 1946 og með Sinfón-
íuhljómsveit Íslands frá stofnun
hennar árið 1950 til ársins 1985,
lengst af sem 1. klarínettuleikari.
Þá varð hann skrifstofustjóri
hljómsveitarinnar og um tíma tón-
leikastjóri til ársins 1992. Hann
var meðal stofnenda Musica Nova
og Kammersveitar Reykjavíkur.
Gunnar var afar virk-
ur í félagsstörfum og
gegndi mörgum trún-
aðarstörfum, var m.a.
formaður Félags ís-
lenskra hljómlist-
armanna og Félags ís-
lenskra tónlistarmanna
og sat í fulltrúaráði
Listahátíðar og í ráð-
herraskipuðum nefndum
um tónlistarskólamál.
Hann var sæmdur gull-
merki FÍH árið 1972 og
gerður heiðursfélagi þar árið 1982.
Hann hlaut riddarakross hinnar
íslensku fálkaorðu árið 2001 fyrir
störf sín að tónlistarmálum.
Eftirlifandi eiginkona hans er
Ása Gunnarsdóttir, talsímavörður,
f. 21. janúar 1928 í Reykjavík.
Börn þeirra eru Gunnar Halldór,
Helga og Nana.
Gunnar Egilson
klarínettuleikari
Andlát
Teymið hefur komið saman fjórum sinnum, síðast í apríl 2010. Í teyminu
sitja fulltrúar frá umhverfisráðuneytinu, Reykjanesfólkvangi, Grindavík-
urbæ, sveitarfélaginu Vogum, lögreglunni á Suðurnesjum, Umhverf-
isstofnun og Landgræðslunni. Ólafur segir að hugmyndin hafi verið sú að
teymið mótaði aðferðafræði um hvernig ætti að taka á utanvegaakstri.
Hægt yrði að yfirfæra þær aðferðir á önnur landsvæði.
Í fréttatilkynningu um teymið á vef umhverfisráðuneytisins í lok júní
2009 kom m.a. fram að því væri ætlað að koma á samráði við félög
áhugafólks um útivist og akstur í Reykjanesfólkvangi. Í samtali við Morg-
unblaðið í ágúst 2009 benti Svandís Svavarsdóttir umhverfisráðherra á
að utanvegaakstur væri ekki bara skemmdarverk, hann væri líka hegðun.
Sveitarfélögin hefðu áhuga á að koma að málinu m.a. í gegnum æskulýðs-
starf, þannig að ungmenni sem stunduðu utanvegaakstur fengju útrás á
annan máta.
Vænta má að ein leiðin til að gefa þeim kost á útrás væri t.d. að opna
fleiri aksturssvæði. Eftir því sem næst verður komist hefur ekkert slíkt
verið gert.
Ekki bara skemmdarverk
ÁTTI AÐ FINNA UNGMENNUM AÐRA ÚTRÁSARLEIÐ