Vera - 01.09.1994, Blaðsíða 28

—flTHflFIlflKOnUR—
MENOTASMIÐIAN
Hugmyndin að Menntasmiðjunni er fengin frá Danmörku. Þar hafa um
árabil verið starfræktir n.k. lýðháskólar þar sem atvinnulausar konur geta
sótt sér þekkingu, samstöðu og styrk á námskeiðum. A Akureyri er ætlun-
in að auka „lífshæfni“ kvenna, en sú hugmyndafræði er ættuð frá Skand-
inavíu. Áralangt atvinnuleysi þar hefúr skapað þörf fyrir að gera fólk
meðvitað um stöðu sína og styrk, kenna því að lifa virku lífi og að tileinka
sér nýja þekkingu í formlegu eða óformlegu námi. Menntasmiðjan er til-
raun til að laga þessa hugmyndafræði að íslenskum veruleika.
Nám í Menntasmiðjunni er tilraun til að skapa konum aukna atvinnu-
möguleika. Á Norðurlandi eystra er 9% atvinnuleysi meðal kvenna og
þess utan er stór hópur heimavinnandi kvenna sem vilja vinna utan heim-
ilis. Mikill áhugi er á náminu og alls sóttu 35 konur um námsvist í smiðj-
unni á fyrsta misseri. Aðeins 20 konur komast að en aðsóknin færir sönn-
ur á það hversu brýnt er að bjóða upp á slíkt nám fyrir konur. Konumar
eru á öllum aldri, frá tvítugu til sjötugs, og hafa mjög mismunandi mennt-
un að baki. Sumar hafa lokið gagnfræðaprófi og tvær hafa háskólagráðu.
Algengt er að konumar eigi fleiri en eitt bam undir tíu ára aldri og mun
Menntasmiðjan útvega gæslu íyrir um 20 börn gegn svipaðri greiðslu og
gerist á leikskólum Akureyrarbæjar. Að öðru leyti eru námið og náms-
gögn ókeypis.
Námið er samþykkt af atvinnuleysistryggingasjóði og er einnig ætlað
heimavinnandi konum. Áhersla verður lögð á samvinnu við framhalds-
skóla þannig að námið í smiðjunni gæti hugsanlega orðið hluti frekara
náms í framhalds- eða listaskólum. Einnig er verið að huga að tengslum
við aðrar menningarstofnanir í bænum.
Menntasmiðjan verður fyrst um sinn þróunarverkefni á vegum jafn-
réttisnefndar Akureyrar en stefnt er að því að hún verði sjálfstætt sam-
starfsverkefni bæjarins, verkalýðsfélaganna og fleiri aðila. Auk þess er
unnið að samstarfi m.a. við vinnumiðlunarskrifstofu, félags- og fræðslu-
svið Akureyrar, Iðnþróunarfélag Eyjatjarðar og Heilsugæslustöðina.
Guðrún Pálína Guömundsdóttir hefúr verið ráðin í stöðu verkefnis-
freyju Menntasmiðjunnar. Auk hennar munu Hallfríður Benediktsdóttir
og María Ólafsdótt-
ir Grenó sinna dag-
legum rekstri smiðj-
unnar og sjá um
kennslu að ein-
hverju leyti, ásamt
stundakennurum.
Kennslufyrir-
komulag er í megin-
atriðum óhefðbund-
ið. Að hluta til fer
kennsla fram í öll-
um hópnum, að
hluta til í litlum
hópum og eitthvað í
formi einstaklings-
ráðgjafar. Áhersluat-
riði eru þríþætt: Bók-
legt nám á mismun-
andi stigum eftir
þörfúm kvennanna,
listsköpun og tjáning í ýmsu formi verður mikilvægur þáttur og að lokum
sjálfstyrking og þjálfun í samskiptum og aukin meðvitund um sjálfa sig
og umhverfíð, m.a. verður lögð mikil áhersla á umhverfísvernd. Náms-
tíminn er sextán vikur og kennt verður sex tíma á dag.
KEA lánar stórt og fallegt húsnæði í hjarta bæjarins. Styrkur fékkst úr
60 milljónkróna kvennasjóði síðasta árs og Menntamálaráðuneyti og Ak-
ureyrarbær hafa styrkt smiðjuna og er það framlag íslands til samnorræna
verkefnisins Voksnœr en það verkefni miðar að því að samræma fullorð-
insfræðslu innan ákveðinna svæða. n
sn
Ljósm. Ðára
F.v. Valgerður Bjarnadóttir, jafnréttis- og
fræðslufulltrúi, Hallfríður Benediktsdóttir og
María Olafsdóttir sem sjá um rekstur skrifstofu
og kennslu ásamt Pálínu Guðmundsdóttur sem
er verkefnisfreyja Menntasmiðjunnar.
HEIMILISIÐNAÐARSKÓLINN
Handavinna fyrir alla
Heimilisiðnaðarskólinn
Laufásvegi 2
Sími 17800
HÚSSTJÓRNARSKÓLI
REYKJAVÍKUR
tekur til starfa 1. september
Á haustönn eru haldin námskeið í vefnaði, fatasaumi og
útsaumi. Ennfremur eru margvísleg matreiðslunámskeið.
Á vorönn er rekinn hússtjórnarskóli og námskeiðin halda
áfram eftir því sem húsnæðið gefur tilefni til.
HÚSST JÓRNARSKÓLI
REYKJAVÍKUR
SÓLVALLAGÖTU 12, SÍMI 91-11578