Vera - 01.09.1994, Blaðsíða 46
BRRIUMKUR
Fyrir austan sól og vestan móna
Stytt þýðing Steingríms Thorsteinssonar
Myndir: Anna Vilborg Gunnarsdóttir
Mál og menning 1993
Alltaf er jafn skemmtilegt að lesa gott ævintýri
þar sem andstæðum er teflt saman og aðalper-
sónan þarf að leggja á sig ýmsar þrautir til að
sigra að lokum. Auðvitað berst utanaðkomandi
hjálp og eins og oft sannar talan þrír einkenni
ævintýrisins.
Ævintýrið Fyrir austan sól og vestan mána er
eitt af þessum góðu gömlu sígildu ævintýrum
sem komið er út í fallegri bók. Söguþráður
byggist upp á því að stúlkan þarf að vinna að
því að ná í hinn fríða svein og með þrautseigju
tekst henni það. Ekkert fæst án fyrirhafnar í æv-
intýrum.
Myndir við ævintýrið hefur Anna
Vilborg Gunnarsdóttir gert og
tekst henni vel að ná blæ
sögunnar með mild-
um vatnslitateikn-
ingum. Raunsæi ríkir i
gerð persóna og tíma-
leysi í klæðnaði og um-
hverfi einkennir ævintýrið
- ævintýrin gerast jú alls-
staðar og hvergi. Myndirnar
eru þrívíðar en tvívíðum
myndum skotið inn. Letur er
skýrt og læsilegt og texta er
skemmtilega komið fyrir á síðun-
um. Sól og máni skipa sinn sess á
aukasíðum þar sem litur er ívið sterk-
ari og undirstrikar þannig titil ævintýrisins. Útlit
og gerð bókarinnar eru með besta móti og gefa
tilefni til að kynna sér innihaldið.
Margrét Gunnarsdóttir Schram
Stafrófskver
Ljóð: Þórarinn Eldjárn
Myndir: Sigrún Eldjárn
Forlagið 1993
Ekki bregst þeim bogalistin systkin-
unum Sigrúnu og Þórami. Stafrófs-
kver þeirra iðar af ijöri og kímni.
Vísumar eru hugvitsamlega gerð-
ar þannig að hver stafúr kemur
endalaust aftur og aftur fyrir í
einni lítilli vísu. Stafimir og
vísurnar eru rammaðar inn á
myndskreyttum síðum þar
sem hver flötur er fýlltur út
með skemmtilegum fyrir-
brigðum. Sigrún teiknar
einfaldar myndir á sinn
góðkunna hátt - stíllinn er
glaðlegur og dálítið
bamalegur. Myndimar em málaðar
með skærum vatnslitum og nánast allt litrófið er
notað. Það sem sést á myndum er einkennt með
orðum en þau fylgja auðvitað réttum upphafs-
staf.
Ohætt er að mæla með þessari bók, hún er
spennandi í kynningu bókstafanna og fengur
fyrir börnin. Útlit og gerð er með ágætum og
mynd á bókarkápu býður alla sérlega velkomna
að líta inn.
Margrét Gunnarsdóttir Schram
full ærslafengin, sér í lagi þegar Ijölskyldu
kaupmannsins í þorpinu ber á góma.
Málfarið er mjög vandað og oft myndrænt,
einkum þegar tilfinningum Möggu er lýst.
Myndir Freydísar Kristjánsdóttur eru
fallegar og alveg sérstaklega
kápumyndin þar sem
Magga situr á hvíldarstein-
inum sínum á ásnum sem
skilur að Ljúfuvík og þorpið
og horfir til himins.
Himinninn er allsstaðar er að
mínu mati skemmtileg og vel
gerð saga sem bæði fullorðnir og
börn frá u.þ.b. sex ára aldri hafa
gaman af að lesa eða heyra.
Anna Ingólfsdóttir
Himinninn er allsstaóar
Sólveig Traustadóttir
Myndir: Freydís Kristjánsdóttir
Mál og menning 1993
Þegar ástvinir eru fjarri er gott að hugsa til
þess að himinninn er allsstaðar sá sami.
Það finnst a.m.k. henni Möggu, 7 ára
stelpu, sem elst upp hjá ömmu sinni í
Ljúfuvík rétt utan við ónafngreint
þorp. Ef ekki væri fyrir það að annar
fótur hennar er styttri en hinn væri
fátt sem skyggði á gleði hennar.
En eftir að vinkonan Edda kem-
ur til sögunnar verður tilveran
enn bjartari og Ijörmeiri svo jafn-
vel stutti fóturinn fer að skipta minna
máli.
Frásögnin einkennist af mikilli hlýju og gam-
ansemi. T.d. er Ijallað af skilningi um kjör
þeirra sem á einhvern hátt eru ekki eins og fólk
er flest. Gamansemin kemur fram með ýmsu
móti, allt frá því að vera hárfín til þess að vera
Beinagrindin
Texti og myndir: Sigrún Eldjárn
Forlagið 1993
Það eru sennilega rnargir sem muna eft-
ir því úr æsku sinni að hafa lesið kynstr-
in öll af dularfullum bókum og látið sig dreyma
um að lenda í ævintýrum eins og að finna Ijár-
sjóð og góma glæpamenn. Sumir hafa kannski
elt dularfulla náunga í frakka með hatt en kom-
ist svo að því sér til mikilla vonbrigða, að um
sárasaklausa borgara var að ræða.
I þessari bók segir einmitt frá Ijórum krökkum
sem í upphafi sögu hafa orðið að láta sér nægja
drauminn um að lenda í ævintýrum á borð við
þau sem dularfullu bækurnar greina frá. En eftir
að þau stofna leynifélagið Beinagrindina færist
heldur betur ijör í leikinn og stóri draumurinn
rætist.
Myndirnar skipa stóran sess í sögunni. Þær
eru líflegar og þeim er haganlega fyrir kornið.
Stundum miðla myndirnar einar upplýsingum í
framvindu sögunnar, t.d. verða lesendur að
spreyta sig á að lesa úr dulmáli sem einungis
kemur fram á myndum.
Málfarið er mjög gott og Beinagrindin er
virkilega spennandi og skemmtileg saga fyrir
alla sem hafa gaman af að lesa uni ævintýri í
dularfullum bókum.
Anna Ingólfsdóttir
L 6
Akureyri
Þar sem listir handverk
og hönnun blómstrar.