Málfríður - 15.03.2009, Blaðsíða 20
20 MÁLFRÍÐUR
sem ég var þátttakandi í. Í hópnum voru auk
mín sex þátttakendur frá Svíþjóð, Englandi,
Spáni, Bosníu Herzegoviniu og Sviss. Allt indæl-
isfólk sem sumt hvert hafði reynslu af ETM-WSU.
Örlygur Karlsson skólameistari FSu féllst strax á
að veita umræddu þróunarverkefni brautargengi
í skólanum okkar þannig að hægt var að hefjast
handa strax í upphafi vorannar 2009 og er því ferli
lýst hér á eftir. Allar fyrirsagnir koma frá vinnuhóp-
num mínum í Graz og segja til um hvernig hópurinn
leggur til að verkefnið ETM-WSU sé skipulagt.
1. Skipulagning – Grundvallarupplýsingar
Skipulagning og skilgreining á verkefninu:
Heiti þróunarverkefnis:
Evrópska tungumálamappan í FSu
Markmið, skýringar, rökstuðningur
Hafdís Ingvarsdóttir dósent við HÍ skrifaði í tímarit-
inu Málfríði 22 (1) 2006, bls. 5 – 9, eftirfarandi um
ETM: „Tungumálamappan er byggð upp á margra
ára þróunarstarfi helstu sérfræðinga innan og utan
Evrópu. Kappkostað hefur verið að nýta nýjustu
rannsóknir um nám og kennslu í þessu starfi og
náin samvinna hefur verið við fjölda skóla og kenn-
ara víðsvegar um Evrópu.“
Enn fremur segir í grein Hafdísar að ETM sé
kennslufræðilegt tæki sem miðar að sem skilvirk-
ustu tungumálanámi og leggi ekki aðeins áherslu á
málfærni, heldur einnig á að efla skilning á menn-
ingu þeirra þjóða sem tala erlendu málin sem kennd
eru í skólunum. Mappan miði að því að auka
ábyrgð og sjálfstæði nemenda á eigin námi og stuðli
að því að nemandinn verði meðvitaður um eigið
nám; hann læri að skipuleggja nám sitt og fylgjast
með eigin framförum. Að auki verði hann meðvit-
aður um hvernig honum lætur best að læra. Við
þetta er að bæta að kjarninn í ETM og forsenda þess
að markmiðum með möppunni verði náð er eins
og áður sagði mat, þ.e. sjálfsmat nemandans, jafn-
ingjamat, mat frá kennara, m.a. leiðsagnarmat, svo
og ígrundun nemandans.
Í FSu hafa nokkrir kennarar tekið upp möpp-
una í einhverju formi. Þó hefur aldrei verið nein
samvinna á milli deilda um notkun á möppunni,
né heldur hafa farið fram skoðanaskipti á fagleg-
um grunni svo neinu nemur. Í ljósi þess að nú
er verið að undirbúa innleiðingu nýrra laga um
framhaldsskólann þar sem breytingar verða mjög
miklar á allri skipulagningu innan skólanna þótti
nokkrum málakennurunum í FSu komið tækifæri
til að standa að breytingum í tungumálakennslunni
í skólanum, þar sem notkun ETM verði tryggð í
öllum tungumálaáföngum hjá öllum kennurunum.
Nýju drögin um tungumálakennslu í framhalds-
skólum landsins sem verið er að vinna að á vegum
Menntamálaráðuneytisins byggja einmitt á sjálfs-
matsrömmunum í ETM.
Tímarammi
Á vorönn verður unnið að undirbúningi þróun-
arverkefnisins sem mun standa yfir á haustönn 2009
og vorönn 2010.
Fjármögnun
Sótt hefur verið um styrk til þróunarsjóðs fram-
haldsskólanna en alls er óvíst um niðurstöður.
Þátttakendur
Allir tungumálakennarar við FSu munu taka þátt
í verkefninu, en þeir eru alls 18 á vorönn 2009, þar
af tveir stundakennarar og einn kennari í orlofi til
næstu áramóta. Þess ber að geta að enginn verður
þvingaður til þátttöku og hver einstakur kennari
ákveður hve stóran hluta möppunnar hann er til-
búinn til að nota. Þar sem kennarar nýta möppuna
á mismunandi hátt nú þegar gefur verkefnið öllum
gott tækifæri til að samnýta þekkingu og reynslu
alls hópsins og þeir sem treysta sér til geta unnið
áfram að þróun möppunnar hjá sér. Undirrituð er
umsjónarmaður og ábyrgðarmaður þróunarverk-
efnisins.
Samhæfingaratriði
Stofnaður hefur verið rýnihópur sem skipulegg-
ur alla vinnu í kringum þróunarverkefnið ásamt
umsjónarmanni. Ákveðið var að nýta þá þekkingu
sem kennarar innan stofnunarinnar búa yfir varð-
andi ETM, en innan skólans starfa tungumála-
kennarar sem hafa sótt nokkur námskeið í notkun
möppunnar. Einnig hafa yngstu kennararnir kynnst
möppunni vel í námi sínu í HÍ. Einstaka kennari
hefur sjálfur þurft að safna efni í möppu í sínu
háskólanámi. Af þeirri ástæðu var ekki talið nauð-
synlegt að sækja utankomandi ráðgjöf um ETM í
upphafi verkefnisins.
Fyrirlestraröð um eftirtalin efni er þegar hafin á
vorönn 2009:
Hvað er ETM? Þrískipting möppunnar
Ígrundun
Sjálfsmat nemenda
Jafningjamat nemenda
Leiðsagnarmat
Kostir námsmöppunnar
Leiðarbók