Málfríður - 15.03.2009, Blaðsíða 21
MÁLFRÍÐUR 21
Í maí verður tekin ákvörðun um framhaldið og
gengið frá nánari skipulagningu á framkvæmd
verkefnisins fyrir haustönn 2009.
Upplýsingamiðlun
Stjórnendur skólans hafa fengið upplýsingar
um verkefnið og samþykkt það fyrir sitt leyti.
Upplýsingar um verkefnið verða lagðar inn á
heimasíðu FSu haustið 2009 þannig að foreldrar
og nemendur geta kynnt sér það. Nemendur sem
verða óhjákvæmilega hluti af verkefninu fá upp-
lýsingar um það í upphafi hverrar annar um sig.
Einnig munu aðrir kennarar skólans fá kynningu
á verkefninu. Að lokum má geta þess að Hafdís
Ingvarsdóttir, dósent við HÍ, hefur óskað eftir að
fá að fylgjast með þróun verkefnisins auk þess sem
Tungumálamiðstöðin í Graz mun fá sendar upplýs-
ingar um gang mála.
Undirbúningur fyrir kennara
Fyrirlestrar um notkun á ETM verða haldnir á
vorönn 2009. Í Angel námsumhverfinu er komin
mappa fyrir tungumálakennarana sem mun hýsa
allar glærur frá fyrirlestrum og önnur gögn sem
varða fræðslu og miðlun um ETM, m.a. tengla í
efni um möppuna sem aðgengilegt er á internet-
inu. Að auki verður þar umræðuvettvangur fyrir
kennara þar sem þeir geta miðlað af reynslu sinni
og lært saman. Í lok vorannar 2009 verður gengið
endanlega frá framkvæmdaráætlun fyrir skólaárið
2009 – 2010.
2. Framkvæmdin
Framkvæmdaráætlun
Rýnihópurinn verður tilbúinn með nákvæma fram-
kvæmdaráætlun í upphafi haustannar. Þá verður
haldinn kynningarfundur fyrir alla kennara skólans
þar sem þróunarverkefnið verður kynnt.
Stuðningur við kennara
Haldnir verða fundir með tungumálkennurum þar
sem farið verður yfir alla verkferla. Fundir með
öllum tungumálakennurum verða haldnir með
reglulegu millibili skólaárið 2009 – 2010. Kennurum
er ætlað að veita samhjálp og þeir eiga að geta nýtt
viðtalstíma hver hjá öðrum til þess að fá stuðning
hjá samkennurum ef með þarf. Allir kennararnir
haldi úti dagbók þar sem þeir skrái hjá sér hverju
þeir breyta í kennslu sinni og / eða reynslu af notk-
un á ETM. Einnig skrái þeir ýmis atvik sem geta
átt sér stað í kennslustofunni og skipta máli fyrir
þróunarverkefnið.
Stuðningur við nemendur
Lagður verður spurningalisti fyrir nem-
endur sem fjallar um kynni þeirra og reynslu
af ETM, svo og viðhorf þeirra til þess að nota
möppuna, í upphafi og lok hvorrar annar.
Ljóst er að þörf er á því að kenna nemendum að
nota möppuna. Mikilvægt er til dæmis að nemend-
um sé kynntur tilgangur hennar og notkun. Einnig
er gert ráð fyrir að þjálfa þurfi nemendur í sjálfs-
mati og ígrundun, auk þess sem þeir verða að læra
að setja sér markmið. Ekki er ólíklegt að kennarar
þurfi að veita nemendum bæði aðstoð og hvatn-
ingu í þeirri viðleitni.
3. Mat á þróunarverkefninu
Rammi að mati
Rýnihópur mun skipuleggja og annast mat á árangri
þróunarverkefnisins og vinna úr matsgögnum.
Forsendur matsins
Við mat á árangri þróunarverkefnisins er gert ráð
fyrir að kannað verði viðhorf bæði kennara og nem-
enda til þess hvernig til tekst, hvort báðir aðilar telji
að notkun á ETM hafi leitt til meira sjálfstæðis nem-
enda, svo og hvort kennarar og nemendur telji að
ETM bæti árangur nemenda.
Mælikvarði fyrir mat á verkefninu
Rýnihópur mun leggja viðhorfskönnun fyrir tungu-
málakennarana í upphafi verkefnisins þar sem
leitað er eftir svörum um reynslu, þekkingu og
áhuga kennarans á að nýta ETM. Í lok þróunarverk-
efnisins verður aftur lögð fyrir könnun um reynslu
kennaranna af þróunarverkefninu. Í báðum til-
fellum verða lagðar fyrir bæði krossaspurningar
og opnar spurningar þar sem kennararnir svara
spurningunum skriflega. Rýnihópur mun einnig
semja viðhorfskönnun sem allir tungumálakenn-
ararnir munu leggja fyrir nemendur í upphafi og
lok hvorrar annar um sig. Einnig verða skráningar
í dagbókum kennaranna hluti af matinu.
Greining og framlagning gagna
Við mat á niðurstöðum verður stuðst við nið-
urstöður úr þeim tveimur könnunum sem lagðar
verða fyrir við upphaf og í lok þróunarverkefnisins
bæði meðal kennara og nemenda. Niðurstöðurnar
verða settar í tölfræðilegt form og út frá þeim
verður tekin ákvörðun um framhaldið. Greining
á dagbókarfærslum kennaranna verður í formi
lista, þar sem verður yfirlit yfir fullyrðingar kenn-
aranna, annars vegar um jákvæðar og hins vegar