Skessuhorn - 31.07.2013, Blaðsíða 4
4 MIÐVIKUDAGUR 31. JÚLÍ 2013
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.277 krónur með vsk. á mánuði. Elli- og örorkulífeyrisþegar
greiða kr. 1.980. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Heiðar Lind Hansson, blaðamaður hlh@skessuhorn.is
Samúel Karl Ólason, blaðamaður sko@skessuhorn.is
Jóhann Skúli Björnsson, blaðamaður jsb@skessuhorn.is
Kolbeinn Óttarsson Proppé, blaðamaður
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Verslunarmannahelgin
Framundan er verslunarmannahelgin í allri sinni dýrð. Obbi lands-
manna leggur land undir fót venju samkvæmt, með farteski sín stútfull
af útilegudóti og öðrum nauðsynjum fyrir ferðalagið sem fyrir hönd-
um er og með þá von í brjósti að helgin verði skemmtileg. Treyst er á
að blessað veðrið verði gott sem endranær, en veðrið er klárlega einn
helsti örlagavaldur þess hvernig útkoma helgarinnar verður. Dæmi eru
þó um að rigning og rok, leiðindaveðrið ógurlega, hafi gert gæfumun-
inn fyrir marga, t.d. gert það að verkum að verðandi hjón kynnist í húsi
fyrir tjaldbúa á hrakhólum. Tilviljanir á borð við þetta eru kannski allt-
af mesti örlagavaldurinn þegar öllu er á botninn hvolft.
Mér hefur alltaf fundist verslunarmannahelgin merkileg. Hún er ein-
stök – á heimsvísu. Ástæðan er sú að ég veit um fá önnur dæmi þess
hversu mikið flakk ein þjóð getur lagst í á einni helgi. Varlega má áætla
að rúmlega helmingur landsmanna fari að heiman um þessa helgi, hvort
sem það er til dvalar í sumarbústað, heimsókn á útihátíð, á íþróttamót
eða jú bara til að hangsa á einhverju af þeim gríðarmörgu tjaldstæðum
sem finna má umhverfis landið. Ég held sannast sagna að flandur land-
ans um verslunarmannahelgi nálgist eitt af þeim undarlegu heimsmet-
um sem við höfum sett í gegnum tíðina.
Flestir sem ég þekki eiga sér einhverja góða minningu frá ferðalög-
um um verslunarmannahelgi. Að minnsta kosti hafa kunningjar mín-
ir og vinir verið duglegir að rifja upp einhverja slíka minningu. Regn-
blautar og vindasamar þjóðhátíðir í Vestmannaeyjum hafa þar oftar en
ekki borið á góma. Hjá fyrrum þjóðhátíðargestum skipti það greini-
lega engu að tjald og annar útbúnaður fari á bólkaf í vatni, fjörið á há-
tíðinni var hremmingunum einfaldlega yfirsterkara. Sömuleiðis hafa
margir heldri kunningjar mínir nefnt Húsafellshátíðirnar margfrægu
til sögunnar, hátíðir sem að vísu áttu sér stað fyrir mína tíð. Af þessum
sökum er einhver goðsagnakenndur blær yfir þeirri hátíð í huga minn-
ar kynslóðar.
Verslunarmannahelgin á sér þó sínar neikvæðu hliðar. Slys hafa
hent fólk og þeirra nánustu, sum hver mjög alvarleg. Margir fara of-
fari í áfengisdrykkju og freistast, því miður, til þess að trompa æði sitt
með neyslu eiturlyfja - með ærnu tjóni fyrir heilsu sína. Síðan eru það
nauðganirnar. Ég held að ég hafi aldrei munað eftir verslunarmanna-
helgi þar sem ekki var tilkynnt í fréttum að nauðgun hafi sér stað og er
það sorglegur vitnisburður þess hversu langt í land margir eiga í virð-
ingu sinni fyrir náunganum.
Þessu þarf að breyta með öllum ráðum. Umræðan er þar ein besta
forvörnin. Á allra síðustu árum hefur átt sér stað vitundavakning í þess-
um efnum. Aðgerðarsinnar í baráttunni gegn nauðgunum hafa stig-
ið fram og látíð í sér heyra. Þannig var Druslugangan sem fram fór í
Reykjavík um síðustu helgi mikilvæg aðgerð í þessu tilliti. Meira svona,
takk!
Ég vil því nota þennan fyrsta leiðara minn í blaðinu til að brýna fyr-
ir ferðalöngum helgarinnar, svo og þeim eftirlegukindum sem heima
sitja, að ganga hægt um gleðinnar dyr. Berum virðingu fyrir náung-
anum og förum varlega. Það tryggir okkur góðar minningar um eftir-
minnilega helgi.
Heiðar Lind Hansson
Leiðari
Umferðarslys varð á sunnanverðu
Snæfellsnesi aðfararnótt síðastlið-
ins mánudagsins þegar fólksbíl sem
ekið var í vesturátt valt út af veg-
inum við Núpá skammt frá Dals-
mynni í Eyja- og Miklaholtshreppi.
Ökumaður bílsins, sem var einn á
ferð, keyrði út í lausamöl hægra
megin við veginn en við það að
fara aftur inn á veginn missti hann
stjórn á bílnum með þeim afleið-
ingum að hann valt útaf veginum
vinstra megin. Ökumaðurinn slas-
aðist ekki alvarlega en bíllinn er tal-
inn stórskemmdur og jafnvel ónýt-
ur.
sko
Sýnt var fram á góðan árangur í gall-
aðgerðum sem framkvæmdar voru
á sjúkrahúsi Heilbrigðisstofnunn-
ar Vesturlands á Akranesi á ársþingi
Skurðlæknafélags Íslands og Svæf-
inga- og gjörgæslulækna Íslands
þann 12. apríl. Þar var kynnt nið-
urstaða úr rannsókn sem ber heitið
Árangur gallaðgerða á HVE-Akra-
nesi 2003-2010, en rannsóknina
vann Marta Rós Berndsen lækna-
kandídat. Marta vann rannsóknina
síðasta vetur í samvinnu við föður
sinn, Fritz H. Berndsen yfirlækni
handlæknisdeildar sjúkrahússins á
Akranesi, en hann annast sjálfur all-
ar aðgerðir af þessu tagi. Alls voru
framkvæmdar tæplega 400 aðgerðir
á þessu sviði á þeim tíma sem rann-
sóknin tók til.
Aðgerð á gallblöðru vegna gall-
steina er ein algengasta aðgerð í
skurðlækningum á Vesturlönd-
um í dag og helst í hendur við vax-
andi offituvandamál fólks. Tilgang-
ur rannsóknarinnar var að meta ár-
angur gallaðgerða þar sem tekið var
tillit til aðgerðartíma, fylgikvilla og
enduraðgerða. Þá var árangurinn
borinn saman við aðrar innlendar
og erlendar niðurstöður rannsókna
á þessu sviði.
Þjónustan er betri
Sjúkrahúsið kom mjög vel út úr
þessari rannsókn. Aðgerðatími var
að meðaltali 46 mínútur en í við-
miðunarrannsóknum var tíminn 73
til 87 mínútur. Fylgikvillar komu
upp í 5,5% tilvika og er það sam-
bærilegt við aðrar rannsóknir, en
enginn sjúklingur fékk alvarlega
áverka á gallrás eða lést í kjölfar
aðgerða. Allar aðgerðirnar nema
ein voru gerðar með kviðsjártækni
og voru aðeins tvö tilfelli þar sem
breyta þurfti upprunalegu aðgerð-
inni í opna aðgerð vegna sérstakra
vandamála í framkvæmd með kvið-
sjártækninni. Það eru 0,5% tilfella
en hlutfallið í þeim rannsóknum
sem hafðar voru til samanburðar
var 4 til 11%. Enginn af þeim sem
fóru í aðgerð þurfti að fara í end-
uraðgerð vegna blæðinga en tíðni
þeirra var 1-2% í öðrum rannsókn-
um.
Dýrmæt birting sem
fær vonandi skilning
ráðamanna
„Þessar niðurstöður staðfesta raun-
ar það sem við höfum haldið mjög
á lofti en er dýrmætt að birta með
þessum afdráttarlausa hætti,“ seg-
ir Guðjón Brjánsson framkvæmda-
stjóri HVE. „Ég tel að þarna liggi
möguleikar okkar í náinni fram-
tíð, í aukinni sérhæfingu á vel skil-
greindum sviðum í bland við al-
menna heilbrigðisþjónustu. Árang-
ur á nokkrum öðrum sviðum að-
gerða er einnig afar góður, það leyfi
ég mér að fullyrða, þótt árangri hafi
ekki verið fylgt jafn vel eftir eins og
í tilviki þeirra feðgina. Við erum
að þoka okkur æ meira inn á þessa
braut sérhæfingar og vonandi fáum
við að njóta skilnings ráðamanna í
verki hvað þetta varðar.“ jsb
Á þriðjudag í liðinni viku var
Slökkvilið Akraness og Hvalfjarðar-
sveitar kallað út að húsi við Jaðars-
braut á Akranesi. Þar höfðu iðnað-
armenn unnið við lagningu á þak-
dúk yfir flötu bílskúrsþaki og beitt
við það logandi gashiturum. Full
mikið hitnaði og hljóp neisti í vegg
á áföstum sólskála. Rjúfa þurfti
vegg til að komast að upptökum
lítilsháttar elds sem kraumaði nið-
ur við gólf sólskálans. Skemmd-
ir urðu óverulegar en reykur barst
um íbúðina.
mm
Bílinn er verulega skemmdur og jafnvel talinn ónýtur eftir veltuna. Ljósm. sko.
Bílvelta á Snæfellsnesi
Guðjón Brjánsson, framkvæmdastjóri
HVE.
Góður árangur í
gallaðgerðum á Akranesi
Sjúkrahús HVE á Akranesi.
Neisti frá dúklögn hljóp í vegg