Skessuhorn - 31.07.2013, Blaðsíða 14

14 MIÐVIKUDAGUR 31. JÚLÍ 2013
Bæjarhátíðin Á góðri stund í Grundarfirði fór fram um liðna
helgi og er óhætt er að segja að vel hafi til tekist. Veðrið lék
við bæjarbúa og gesti og allt fór vel fram. Meðal þess sem
var á dagskrá var froðupartý á kirkjutúninu, vegleg dagskrá
á hátíðarsvæðinu við Grundarfjarðarhöfn, leiktæki, hoppu-
kastalar, markaður, dorgkeppni, golfmót og margt fleira.
Jói og Gói, þeir Jóhannes Haukur Jóhannesson og Guðjón
Davíð Karlsson, sáu um að stýra hátíðardagskránni á laug-
ardeginum og vakti stjórn þeirra kátínu meðal áhorfenda.
Ingó Veðurguð mætti og tók lagið ásamt því að bæjarbú-
ar buðu upp á heimatilbúin skemmtiatriði. Á laugardags-
kvöldinu var síðan árleg litaskrúðganga bæjarbúa þar sem
gulir, rauðir, grænir og bláir marseruðu niður að höfn til að
fá úr því skorið hvert væri litríkasta og þar með besta hverfi
bæjarins. Hátíðinni lauk síðan með bryggjuballi og dansleik
með Ingó og Veðurguðunum.
Engin mál komu inn á borð til lögreglu á hátíðinni og
engin alvarleg óhöpp áttu sér stað. Allir skemmtu því sér
vel. Áætlað er að á fjórða þúsund manns hafi tekið þátt í há-
tíðinni og voru þátttakendur vafalaust ekki sviknir af veður-
blíðunni og stemmningunni sem var í bænum um helgina.
Ljósmyndarar Skessuhorns voru á ferðinni á hátíðinni og
sýna myndir þeirra glögglega fram á hversu hátíðin tókst vel
til. tfk
Á góðri stund haldin í blíðskaparveðri í Grundarfirði
Ungir jafnt sem þeir eldri tóku þátt í keppninni um litríkasta hverfið. Ljósm. tfk.
Ingó Veðurguð kom fram á laugardeginum vopnaður gítarnum, en hljómsveit
hans lék fyrir gesti á dansleik um kvöldið. Ljósm. tfk.
Fulltrúi græna hverfisins bregður á leik með þeim rauðu. Ljósm. tfk.
Jói og Gói stjórnuðu kvölddag-
skránni á laugardeginum.
Ljósm. tfk.
Íbúar bláa hverfisins létu sig ekki vanta. Ljósm. tfk.
Líkt og áður fóru útvarpssendingar fram meðan á hátíðinni stóð. Hér eru þær
Mjöll og Sólrún Guðjónsdætur ásamt Þórdísi Önnu Guðmundsdóttur að slá á létta
strengi í stúdíóinu. Ljósm tfk.
Froðupartýið á kirkjutúninu vakti mikla gleði. Ljósm. tfk.
Venju samkvæmt fór dorgkeppni fram við höfnina. Ljósm. tfk.
Ung hnáta með nýveiddan marhnút.
Ljósm. tfk.
KK og Maggi Eiríks komu fram á Þjófstartinu sem haldið var á fimmtudeginum.
Ungir Grundfirðingar fengu að spreyta sig með þessum kunnu tónlistarmönnum.
Ljósm. sk.
Bláa hverfið sigraði í víkingaspilinu
kubb að þessu sinni og hlaut bikarinn
eftirsótta að launum. Bláa liðið
skipuðu þau Aðalsteinn Sigurgeirsson,
Arnar Breki Friðjónsson og Karítas
Eiðsdóttir. Ljósm. tfk.
Á fimmtudeginum bauð Samkaup Grundfirðingum til grillveislu þar sem fulltrúar
blakdeildar UMFG sáu um að grilla. Ljósm. tfk.
Íbúar notuðu ýmsar aðferðir til að
skreyta hverfin sín. Ljósm. tfk.