Skessuhorn - 31.07.2013, Blaðsíða 6

6 MIÐVIKUDAGUR 31. JÚLÍ 2013
Atvinnulausum
fjölgar
LANDIÐ: Atvinnuleysi var
6,4% í júní 2013 samkvæmt
vinnumarkaðsrannsókn Hag-
stofu Íslands og hefur það hækk-
að um 1,2% frá júní 2012. UM
191.000 manns voru á vinnu-
markaði í júní og af þeim voru
178.700 starfandi og 12.300 án
vinnu eða í atvinnuleit. Atvinnu-
þátttaka mældist því 84,3%. At-
vinnuleysi í júní var 6,7% meðal
karla miðað við 5% í júní 2012
og meðal kvenna var það 6,1%
miðað við 5,6% í júní 2012.
Rannsókn Hagstofunnar bygg-
ir á öllum vinnumarkaði lands-
manna en rétt er að taka fram
að tölur sem Skessuhorn birti
fyrr í mánuðinum frá Vinnu-
málastofnun, sem greindu frá
minnkandi atvinnuleysi, áttu
einungis við um skráð atvinnu-
leysi á Íslandi.
–sko
Án réttinda, und-
ir áhrifum og á
ótryggðum bíl
AKRANES: Sex ökumenn voru
teknir fyrir of hraðan akstur í
vikunni. Sá sem hraðast ók var
á 128 km hraða á Vesturlands-
vegi. Lögreglumenn við eftir-
lit veittu athygli ökutæki sem
ekið var um íbúðahverfi á Akra-
nesi og virti ökumaður ekki bið-
skyldu. Könnuðust þeir við öku-
mann og þóttust vita að hann
væri án ökuréttinda. Var hann
stöðvaður og við nánari athug-
un reyndist grunur lögreglu-
manna réttur en bifreiðin var að
auki ótryggð. Þá var ökumað-
ur undir áhrifum kannabisefna.
Hann var handtekinn og tekið
af honum blóðsýni. Skráningar-
merkin voru loks klippt af öku-
tækinu.
-sko
Erlendir ferða-
menn fleiri á
Eiríksstöðum
DALIR: Færri innlendir ferða-
menn virðast leggja leið sína að
Eiríksstöðum í Dölum. Flest-
ir sem heimsækja þessi fyrr-
um heimkynni víkingsins Ei-
ríks rauða eru aftur á móti af
erlendu bergi brotnir. Að sögn
Vignis Smára Valbergssonar,
starfsmanns í afgreiðslu á Ei-
ríksstöðum, hefur veðráttan á
Vesturlandi í sumar ekki hjálp-
að til við að beina innlendum
ferðamönnum að safninu en er-
lendum gestum hefur hins veg-
ar fjölgað. „Flestir sem koma
eru útlendingar, svona um 2/3
af gestum. Aðsókn er samt sem
áður búin að vera mjög góð,
um daginn kom hér 128 manna
hópur og er hann sá stærsti
sem við höfum fengið í lang-
an tíma,“ segir hann. Vignir er
þó bjartsýnn á seinni hluta sum-
arsins og býst að sjálfsögðu við
fleiri gestum.
–jsb
Féll af baki
MÝRAR: Ung kona datt illa
af hestbaki þegar ungur hestur
sem hún var á fældist með hana
skammt frá bænum Álftanesi á
Mýrum sl. mánudag. Konan var
í hestaferð ásamt fleira fólki. Að
ósk læknis var þyrla Landhelg-
isgæslunnar fengin til að flytja
hana á sjúkrahús. Konan mun
ekki hafa verið lögð inn, held-
ur útskrifuð samdægurs. -sko
Ölvaður mað-
ur réðst að lög-
reglumönnum
AKRANES: Fólk sem naut
útivistar á Langasandi í veð-
urblíðunni síðastliðinn laug-
ardag kvartaði undan manni
sem var þar í mjög annarlegu
ástandi. Lögreglumenn fóru
staðinn og báðu manninn,
sem var mjög ölvaður að yfir-
gefa svæðið, en þarna var mik-
ill fjöldi barna og fjölskyldu-
fólks. Brást maðurinn hinn
versti við og réðist að lög-
reglumönnum. Hann var yf-
irbugaður og handtekinn og
fluttur á lögreglustöð. Við leit
í fötum mannsins, en hann var
á sundskýlu einni fata þegar
hann var handtekinn og með
föt sín í poka, fannst lítilræði
af fíkniefnum. Var hann vist-
aður á lögreglustöð þar til af
honum rann. –sko
Hættulegt fikt
með eld
LBD: Tilkynnt var um eld í
sumarbústað nærri Indriða-
stöðum í Skorradal í liðinni
viku. Lögreglan og slökkvi-
liðsstjóri Borgarbyggðar fóru
á vettvang og kom í ljós að þar
hafði eigandi bústaðarins ver-
ið að kveikja í gömlum viðar-
lurkum á lóðinni rétt við bú-
staðinn. Var manninum gert
að slökkva í eldinum. Við-
komandi var síðan gert ljóst
að hann mætti búast við því
að verða sektaður fyrir að hafa
kveikt eld án leyfis og stofna
með því gróðri í hættu sem
og lífi og eignum nágranna í
næstu bústöðum. Lofaði við-
komandi bót og betrun en
virtist í fyrstu illa áttaður á því
hvað af þessu fikti hans gæti
leitt. Vill lögreglan og slökkvi-
lið Borgarfjarðar benda fólki á
að fara varlega með eld. Sinu-
eldar geta kviknað á hvaða árs-
tíma sem er og í skógi getur
auðveldlega kviknað eldur þó
svo að það rigni öðru hvoru.
-sko
Gamla kirkjan í Reykholti var öll
máluð að utan í blíðunni í síðustu
viku, auk þess sem þak kirkjunnar
var loks málað í fyrsta sinn frá end-
urgerð kirkjunnar sem lauk árið
2006. Það er nú orðið rautt að lit
en var áður hvítt. Yfirumsjón með
verkinu hafði Guðmundur Lúther
Hafsteinsson, arkitekt og fagstjóri
Húsasafns Þjóðminjasafns Íslands,
en það var Málningarþjónust-
an Litalausnir sem annaðist verkið
undir stjórn Þorkels Inga Þorkels-
sonar, málarameistara og eiganda
fyrirtækisins.
Bygging gömlu kirkjunnar hófst
árið 1886 og var hún tekin í notk-
un árið 1887. Form kirkjunnar er
undir áhrifum frá Dómkirkjunni í
Reykjavík og er hún heilsteypt verk
og sögð mikilvægt dæmi um þróun
íslenskrar byggingarlistar á síðari
hluta nítjándu aldar, að því er fram
kemur á vef Þjóðminjasafns Íslands,
en stofnunin hefur haft kirkjuna í
sinni vörslu frá 2001. Það var Ing-
ólfur Guðmundsson forsmiður sem
hannaði hana á sínum tíma.
Markmiðið er að kirkjan sé mál-
uð með sömu litum og þegar hún
var vígð það árið 1887. Gamla
kirkjan er samkvæmt samningi við
Þjóðminjasafnið í daglegri umsjón
Snorrastofu í Reykholti. hlh
Á Vegamótum í Eyja- og Mikla-
holtshreppi á sunnanverðu Snæ-
fellsnesi stendur nú yfir bygging
gistiaðstöðu sem stefnt er á að taka
í notkun í októbermánuði næst-
komandi. Um er að ræða eininga-
hús og er það fyrirtækið Smellinn
á Akranesi sem gerir einingarn-
ar. Fyrirtækið JGG ehf. sér um að
byggja nýju gistiaðstöðuna ásamt
fjölskyldunni á Vegamótum. Í
gistiaðstöðunni verða 13 herbergi
og er stærð hvers þeirra 18,1 fer-
metri. Sturta verður í hverju her-
bergi. Einnig verður nýr veislu-
salur í byggingunni og mun því
aðstaða Þjónustumiðstöðvarinn-
ar, sem rekin er að Vegamótum,
stækka allverulega. Það eru þau
Hrefna Birgisdóttir og Eyjólfur
Gísli Garðason sem eiga og reka
Vegamót en í miðstöðinni er veit-
ingastaður, bensínafgreiðsla og
verslun með helstu nauðsynjar.
Ferðaþjónusta hefur verið rekin á
staðnum í áratugi.
sko
Þrettán herbergi verða í gistiaðstöðunni og þar af eitt með
aðstöðu fyrir fatlaða.
Ný gistiaðstaða byggð á Vegamótum
Taka á gistiaðstöðuna í notkun í október.
Gamla kirkjan í Reykholti máluð
Kirkjan hefur nú fengið sinn upprunalega lit. Ljósm. Guðlaugur Óskarsson.