Skessuhorn - 31.07.2013, Blaðsíða 8

8 MIÐVIKUDAGUR 31. JÚLÍ 2013
24 milljónir
bíla í gegnum
göngin
HVALFJ: Alls hafa 24 millj-
ónir bifreiða ekið í gegnum
Hvalfjarðargöngin í þau 15
ár sem þau hafa verið opin.
Það þýðir að á hverju ári hafa
að meðaltali rúmlega 1,5
milljón bíla farið í gegnum
göngin. Þetta kemur fram á
Vísi. Samkvæmt áætlun mun
Spölur hf. afhenda íslenska
ríkinu göngin til eignar í
september 2018. Veggjaldið
í dag er það sama og þegar
göngin opnuðu, eða 1.000
krónur á fólksbíl.
-kóp
KB óskar eftir
framleiðendum
á sumarhátíð
BORGARFJ: Kaupfélag
Borgfirðinga í Borgar-
nesi óskar eftir áhugasöm-
um framleiðendum á Vest-
urlandi til að koma og kynna
eða selja vörur sínar og fram-
leiðslu á sumarhátíð félagsins
sem fer fram laugardaginn
24. ágúst nk. Þeir sem hafa
áhuga eru beðnir um að setja
sig í samband við Margréti
Guðnadóttur verslunarstjóra
KB í Borgarnesi á netfang-
inu margret@kb.is. Þetta er
í sjötta sinn sem markaður-
inn fer fram.
–hlh
Styttist í
Danska daga
STYKKISHÓLMUR: Bæj-
arhátíðin Danskir dagar fer
fram dagana 16. – 18. ágúst
næstkomandi. Að þessu sinni
heldur Umf. Snæfell utan
um framkvæmd hátíðarinn-
ar. Margt verður um að vera
í bænum yfir helgina en há-
tíðin er sniðin að fjölskyld-
um og ættu einstaklingar í
öllum aldurshópum að finna
eitthvað við sitt hæfi. Meðal
viðburða má nefna Stubba-
hlaup, skottmarkað, sterkasti
Hólmarinn, ball með Páli
Óskari og flugeldasýning.
–sko
Ánægja með
ljóðalestur á
Aggapalli
AKRANES: Á fimmtudag-
inn var haldinn menning-
arviðburður á Aggapalli við
Langasand á Akranesi þar
sem bæjarlistamaður Akra-
ness, skáldið Sigurbjörg
Þrastardóttir, flutti ljóð og
textabrot úr safni sínu. Á
þriðja tug gesta mætti til
að hlýða á Sigurbjörgu og
skemmtu sér vel. Á vef Akra-
neskaupstaðar segir að lestur
Sigurbjargar hafi verið hin
ánægjulegasta stund en veð-
ur var gott meðan á lestrin-
um stóð. Akraneskaupstaður
áformar að standa fyrir fleiri
álíka viðburðum á Aggapalli
í sumar.
-jsb
Góð aðsókn að
Stóriðjuskóla
Norðuráls
GRUNDARTANGI: Alls bár-
ust 100 umsóknir um nám við
Stóriðjuskóla Norðuráls sem
starfræktur er á Grundartanga.
Umsóknir í grunnnám voru 57 á
meðan umsóknir í framhaldsnám
voru 43. Þetta kom fram í júlí-
útgáfu Norðurljósa, fréttabréfs
Norðuráls. Eftir á að afgreiða
umsóknirnar en sú vinna verð-
ur kláruð á næstunni. Alls eiga 30
kost á því að stunda nám við skól-
ann á næstu önn sem hefst í byrj-
un september. Stóriðjuskólinn er
samstarfsverkefni Norðuráls, Sí-
menntunarmiðstöðvar Vestur-
lands, Fjölbrautaskóla Vestur-
lands á Akranes en hann tók til
starfa í ársbyrjun 2012. –hlh
Minnt á skrán-
ingu gæludýra
BORGARBYGGÐ: Starfsmað-
ur Borgarbyggðar hefur undan-
farnar vikur hringt í gæludýra-
eigendur sem ekki hafa enn skráð
ketti sína eða hunda og minnt þá
á að slíkt verður að gera sam-
kvæmt samþykkt Borgarbyggð-
ar. Á vef sveitarfélagsins er minnt
á skráningarskyldu gæludýranna
og sagt að skráning sé forsenda
þess að Borgarbyggð geti staðið
við lagalegar skyldur sínar varð-
andi eftirlit með gæludýrahaldi.
Lausaganga hunda er með öllu
óheimil utan lögbýla í Borgar-
byggð og eigendum er skylt að
þrífa uppskítinn eftir hunda sína.
-kóp
Aflatölur fyrir
Vesturland
19. – 26. júlí.
Tölur (í kílóum) frá Fiskistofu
Akranes 31 bátar.
Heildarlöndun: 83.749 kg.
Mestur afli: Sturlaugur H.
Böðvarsson AK: 44.101 kg í
einni löndun.
Strandveiði: Grímur AK:
1.804 kg í fjórum löndunum.
Arnarstapi 22 bátar.
Heildarlöndun: 45.932 kg.
Mestur afli: Siggi Bessa SF:
7.960 kg í þremur löndunum.
Grundarfjörður 10 bátar.
Heildarlöndun: 602.907 kg.
Mestur afli: Málmey SK:
347.952 kg í einni löndun.
Ólafsvík 38 bátar.
Heildarlöndun: 128.204 kg.
Mestur afli: Brynja SH:
13.238 kg í sex löndunum.
Rif 20 bátar.
Heildarlöndun: 73.974 kg.
Mestur afli: Særif SH: 10.345
kg í tveimur löndunum.
Stykkishólmur 5 bátar.
Heildarlöndun: 7.040 kg.
Mestur afli: Karl Þór SH:
1.634 kg í einni löndun.
Topp fimm landanir á tíma-
bilinu:
1. Málmey SK – GRU.
347.952 kg. 24. júlí.
2. Björgúlfur EA – GRU:
71.408 kg. 25. júlí.
3. Kaldbakur EA – GRU:
47.686 kg. 21. júlí.
4. Sturlaugur H. Böðvars-
son AK – AKR: 44.101 kg.
20. júlí.
5. Hringur SH – GRU:
42.577 kg. 24. júlí.
Alls voru 37 ný hlutafélög og einka-
hlutafélög skráð á Vesturlandi á
fyrstu sex mánuðum ársins. Ef fram
heldur sem horfir verða nýskrán-
ingar fleiri í ár en í fyrra, en þá voru
þær 63 allt árið. Þetta kemur fram í
gögnum frá Hagstofu Íslands.
Á landinu öllu hafa verið skráð
1.027 ný hlutafélög og einkahluta-
félög á fyrstu sex mánuðum ársins.
Hlutfall nýskráninga á Vesturlandi,
miðað við landið allt, er nánast það
sama í ár og í fyrra; var 3,56% árið
2012 en er 3,6% fyrstu sex mánuði
ársins. Atvinnuleysi á Vesturlandi í
júní 2013 nam rétt rúmum 2 pró-
sentum. Hlutfallslega var það að-
eins minna á Austurlandi og Norð-
urlandi vestra, en atvinnuleysi á
landsvísu nam 6,4% í júnímánuði.
Vífill Karlsson, dósent í hagfræði
við Háskólann á Akureyri og ráð-
gjafi hjá Samtökum sveitarfélaga á
Vesturlandi, segir áberandi að at-
vinnuleysið hafi verið minna á Vest-
urlandi en búast hafi mátt við.
„Við munum skoða þessi mál
betur í haust og kanna hug fyrir-
tækja til ráðninga og uppsagna. Við
erum þó ekki komnir svo langt, en
við höldum jafnvel að þetta geti
verið í sambandi við ferðaþjón-
ustuna og hugsanlega sjávarútveg-
inn.“ Líklega hafi þó áform um
veiðigjald heldur dregið úr áhrifum
síðarnefndu atvinnugreinarinnar,
þar sem útlit var fyrir að það bitn-
aði verst á litlum og meðalstórum
fyrirtækjum.
„Fyrirhugaðar breytingar ríkis-
stjórnarinnar á veiðigjaldinu gætu
þó hafa aukið bjartsýni í þeim geira.
Það á kannski sérstaklega við á ut-
anverðu Snæfellsnesi, þar sem út-
gerð smábáta hefur verið ríkjandi
mynstur. Menn gætu því hafa orð-
ið bjartsýnni við tilkynntar breyt-
ingar.“
Ef miðað er við íbúahlutfall ættu
um 5% nýskráðra fyrirtækja lands-
ins að vera á Vesturlandi, en, líkt og
áður segir, er það hlutfall um 3,5%.
Vífill segir að sögulegar skýringar
geti verið á þessu hlutfalli. Í sam-
anburðarrannsókn á Akranesi og
nokkrum öðrum þéttbýlisstöðum
hafi komið í ljós að mikið sé um
óvenjustóra vinnustaði á Akranesi.
„Það er einkennandi fyrir lands-
hlutann að á Akranesi, þar sem um
helmingur íbúa Vesturlands býr,
hafa verið nokkrir óvenjulega stór-
ir vinnustaðir. Þá eru tvö stór land-
búnaðarhéröð í landshlutanum,
Borgarfjörður og Dalir. Á Akranesi
virðist því vera hefð fyrir því að
fólk sé vanara því að vera launþeg-
ar en að grípa til eigin frumkvæð-
is þegar að atvinnu kemur. Í hefð-
bundnu landbúnaðarsamfélögun-
um er meiri teygja í öllum breyt-
ingum og frumkvæði og nýskrán-
ing fyrirtækja er þar minni.“
Vífill segir að á Snæfellsnesi
bregðist menn hins vegar mun
hraðar við öllum breytingum og því
megi reikna með að meira sé um
nýskráningu fyrirtækja þar. „Borg-
arfjörður hefur þó aðeins verið að
breytast í seinni tíð og færast nær
mynstrinu á Snæfellsnesi hvað þetta
varðar.“
kóp
Tímaritið Dýraverndarinn er
komið út á nýjan leik eftir tæp-
lega 30 ára hlé. Að sögn Hall-
gerðar Hauksdóttur, ritstjóra
Dýraverndarans og ritara stjórnar
Dýraverndarsambands Íslands
(DÍS), var tímaritið gefið út í
tæplega sjötíu ár eða allt til ársins
1983. „Nú hefjum við hjá Dýra-
verndarsambandi Íslands útgáfu
tímaritsins á ný og munu koma
tvö tölublöð út á ári, vor og haust.
Félagar í DÍS fá það sent heim til
sín en blaðið verður einnig selt í
litlu upplagi í bókabúðum. Ég hef
frétt af fólki, sem komið er á efri
ár, sem gleðst mjög yfir að heyra
af útgáfunni. Blaðið var fastur
hluti af heimilislífi margra og þess
ætíð beðið með óþreyju. Gömul
kona á Vesturlandi mun hafa tár-
ast af gleði, sem sýnir áhrif blaðs-
ins í bernsku hennar,“ segir Hall-
gerður.
Hún segir blaðið hafa ætíð ver-
ið á könnu DÍS en starf félags-
ins var í upphafi deildaskipt eft-
ir landshlutum, allt þar til deildir
og félög sameinuðust í DÍS: „Rit-
ið var vettvangur ýmissa ritsmíða
tengdum dýrum, á borð við ljóð
og sögur sem ella hefðu ekki orð-
ið til, en ritstjórar leituðu texta-
smíða hjá skáldum og rithöfund-
um. Má hér nefna föður blaðsins,
Tryggva Gunnarsson bankastjóra
og alþingismann, en það er grein
um hann í nýja tölublaðinu. Þess
má geta að fyrstu dýraverndunar-
lög sem Alþingi samþykkti voru
smíðuð af félaginu og samþykkt
nærri óbreytt af þinginu.“
Nánari upplýsingar um starf
DÍS og útgáfu Dýraverndarans
má finna á heimasíðu sambands-
ins, www.dyravernd.is. hlh
Forsíða nýjasta tölublaðs Dýravinar-
ins.
Dýraverndarinn kemur út
eftir þrjátíu ára hlé
37 nýskráð fyrirtæki á Vesturlandi
Vífill Karlsson, hagfræðingur.
Bjartsýni hefur aukist í sjávarútvegi eftir að breytingar voru gerðar á veiðigjaldi
að mati Vífils. Ljósm. jsb.
Nokkur fyrirtæki hafa verið stofnuð á undanförnu innan ferðaþjónustunnar.
Ljósm. Friðþjófur Helgas.