Skessuhorn - 31.07.2013, Blaðsíða 12

12 MIÐVIKUDAGUR 31. JÚLÍ 2013
Undafarið ár hefur Markaðsstofa
Vesturlands leitast við að eyða þeim
orðrómi að allt sé lokað á Vestur-
landi á jaðar- og vetrartíma með
því að draga saman þau fyrirtæki
sem eru með opið á ársgrundvelli
og fá aðila í ferðaþjónustu til þess
að vinna betur saman að samþætt-
ingu. Vaxtarsamningur Vesturlands
styrkti verkefnið sem bar yfirskrift-
ina Vetrarátak á Vesturlandi. Af-
sprengi þess verkefnis er svokallað
Circle´s verkefni sem byggir á fjór-
um til fimm ferðahringjum víðs-
vegar um landshlutann en einnig
byggði verkefnið á því að finna nafn
á þessar hringleiðir til mótvægis við
Gullna hringinn.
Það sem vantaði þegar þess-
ari vinnu var lokið var fjármagn til
markaðssetningar á þessum hring-
leiðum en auk þess mun fara tölu-
verð vinna í að fá ferðaskrifstofur,
ferðabækur og þá aðila sem al-
mennt eru í því að markaðssetja
og selja ferðir til Íslands til þess að
nota sama nafnið á þessar hring-
leiðir, en þær hafa verið farnar af
ferðaskipuleggjendum og ferða-
mönnum á eigin vegum um árarað-
ir. Nokkrir hagsmunaaðilar í ferða-
þjónustu sóttu svo um fjármuni í
Sóknaráætlun Vesturlands, í sam-
starfi við Markaðsstofuna, með það
að markmiði að setja af stað mark-
aðsátak á Vesturlandi.
Annars vegar er um að ræða
Breiðafjarðarsvæðið og hins veg-
ar Akraborgarsvæðið sem sam-
anstendur af Akranesi, Hvalfirði
og Borgarfjarðarsvæðinu. Hvort
verkefni um sig fékk styrk að upp-
hæð 4.5 milljónir og Breiðafjarð-
ar markaðsátakið verður í samstarfi
við hagsmunaaðila á Suðurfjörðum
Vestfjarða. Sú vinna sem búið er að
vinna í Circle´s verkefninu mun
nýtast vel í þeirri markaðssetningu.
Rósa Björk Halldórsdóttir, fram-
kvæmdastjóri Markaðsstofu Vestur-
lands, segir stofuna hafa unnið í því
síðustu ár að virkja ferðaþjónustu-
aðila til þátttöku í vetrarverkefnum.
Það hafi gengið upp og ofan. „Sum-
ir hafa ekki áhuga á því að starfa allt
árið og aðrir eru kannski ekki til-
búnir til að setja fjármuni í mark-
aðssetningu sem er dálítið skrýtið
viðhorf.“
Rósa segir að árangur hafi náðst í
að auka vetrarferðamennsku á Vest-
urlandi, en of fá fyrirtæki hafa starf-
að á heilsársgrundvelli til þess að
hægt hafi verið að byggja upp fjöl-
breytta ferðapakka á veturna. „Það
þarf að byggja upp pakka með fjöl-
breyttri þjónustu hvað varðar mat,
gistingu og afþreyingu allt árið um
kring.“
Erna Hauksdóttir, framkvæmda-
stjóri Samtaka ferðaþjónustunnar,
segir Vesturland hafa upp á margt
að bjóða þegar kemur að vetrar-
ferðamennsku. Mikil tækifæri séu
til þess að auka fjölda ferðamanna
í landshlutanum yfir vetrartím-
ann. Hún segir hins vegar að þegar
heimasíða Inspired by Iceland, átaks
um eflingu vetrarferðamennsku, sé
skoðuð sjáist að almennt taki fólk á
Vesturlandi ekki þátt í því átaki.
„Mér finnst eins og Vesturland
hafi upp á allt að bjóða og mörg
tækifæri í þessum efnum. Ég geri
ráð fyrir að umræða eigi sér stað
á öllum svæðum, og Vesturland er
vel sett þegar kemur að samgöng-
um.“
Erna segir það augljósustu leið-
ina til að auka arðsemi fyrirtækja að
draga úr árstíðabundnum sveiflum
með eflingu vetrarferðamennsku.
Þá komist menn hjá því að tap vetr-
arins éti upp góða sumarinnkomu.
Tvennt þurfi þó til eigi vetrarferða-
mennska að geta blómstrað; vöru
sem sé til staðar og markaðssetn-
ingu.
„Þegar ég segi vöru þá á ég bæði
við góða gistingu, veitingar og fjöl-
breytni. Það verður að vera afþrey-
ing svo fólkið hafi eitthvað við að
vera. Það leggur enginn á sig ferða-
lag bara til að vera á góðu hóteli.
Þetta gerir það að verkum að menn
þurfa að taka sig saman á svæðun-
um, sérstaklega þar sem úrvalið er
ekki mikið af fyrirtækjum, svo hægt
sé að tryggja að nægilega mikið sé í
boði og ráðast í markaðssetningu.“
Átakið Ísland allt árið hefur stað-
ið yfir í tvö ár. Erna segir það hafa
gengið mjög vel í Reykjavík og á
Suðurlandi, allt austur að Höfn
í Hornafirði. Á Norðausturlandi
hafi nýlega verið boðið upp á norð-
urljósaferðir, sem hafi gengið vel.
„Samgöngurnar skipta miklu máli.
Það að fólk keyri í löngum bun-
um allt Suðurlandið yfir vetrartím-
ann sýnir að það á ekkert að standa
í veginum á Vesturlandi.“
Rósa Björk segir að Vesturland
hafi til þessa haft það orðspor á sér
að þar sé allt lokað yfir vetrartím-
ann. „Ég hef eytt síðustu tveim-
ur árum í undirbúning þessa verk-
efnis; að eyða þessu orðspori, sann-
færa ferðaþjónustuna um að hafa
opið og sameinast um að bæta orð-
spor landshlutans og að við stönd-
um við auglýstan opnunartíma.
Öðruvísi getum við ekki sett sam-
an áhugaverðan pakka. Við mun-
um fara í það að kynna þá ferða-
pakka sem verða til í samstarfi við
þá ferðaþjónustuaðila sem eru með
opið og er tilbúnir til þess að taka á
móti fleiri ferðamönnum yfir vetur-
inn. Við munum hitta markaðsfólk
á ferðaskrifstofum og koma upplýs-
ingum inn í ferðahandbækur, bæði
erlendar og innlendar. Þetta er hins
vegar langhlaup og Markaðsstof-
an gerir þetta ekki ein og sér. Það
er grundvallaratriði að greinin taki
þátt í þessu með okkur með vinnu
og fjárframlagi til móts við styrkina
sem fengust í gegn um sóknaráætl-
un.“ kóp
Vinnuskóli Akraness braut upp
sinn hefðbundna vinnudag á mið-
vikudaginn og efndi til sumarhátíð-
ar á útivistarsvæðinu í Garðalundi.
Þetta er í annað sinn sem hátíðin
fer fram en hún er haldin í samstarfi
við Íslandsbanka. Öllum þeim sem
hafa starfað hjá vinnuskólanum var
boðið og var vel mætt.
Veðrið í Garðalundi var ein-
staklega gott og var steikandi hiti
í sól og blíðu. Tónlist ómaði um
svæðið frá hátölurum og boðið
var upp á margs konar skemmt-
anir sem flokkstjórar vinnuskólans
sáu um að stjórna. Þeir tóku einn-
ig virkan þátt í leikjum dagsins og
var t.d. spilaður fótboltaleikur þar
sem flokkstjórar kepptu gegn starf-
mönnum. Einnig var hægt að fara
í kubbaleik, mínigolf og rennt sér
eftir langri vatnsbraut svo dæmi
séu tekin. Þá var farið í leiki þar
sem keppt var um bíómiða, t.d. í
dekkjakasti
Að lokum var svo öllum boð-
ið í grillveislu þar sem boðið var
upp á pylsur og drykki í boði Ís-
landsbanka. Að sögn stjórnenda
vinnuskólans, þeirra Einars Skúla-
sonar og Lúðvíks Gunnarssonar,
hefði þetta ekki getað gengið bet-
ur. „Hér hefur verið frábær stemn-
ing, góð mæting og veðrið er búið
að vera frábært,“ sögðu þeir í sam-
tali við Skessuhorn. Þeir vildu síð-
an fyrir hönd vinnuskólans sérstak-
lega þakka Íslandsbanka fyrir að-
stoðina. jsb
Golfnámskeið fyrir börn sex ára og
eldri hófst á mánudaginn á vegum
Golfklúbbsins Vestars í Grundar-
firði. Afar góð þátttaka er á nám-
skeiðinu en alls taka um 30 krakk-
ar á öllum aldri þátt. Það er Mar-
geir Ingi Rúnarsson sem hefur um-
sjón með námskeiðinu en kennt er
í tvo tíma í senn. Farið er yfir öll
helstu grunnatriði golfíþróttarinn-
ar, allt frá reglum og siðum til golf-
sveiflunnar sjálfrar, auk þess sem
upphafshögg, vipp og pútt eru æfð.
Námskeiðinu lýkur síðan á fimmtu-
daginn þar sem efnt verður til veislu
fyrir þátttakendur. hlh
Fjör á sumarhátíð Vinnuskóla Akraness
Um 70 krakkar frá Vinnuskólanum á Akranesi mættu og skemmtu sér konunglega í Garðalundi.
Þátttakendur í golfnámskeiði Vestars við golfskálann á Bárarvelli.
Ljósm. Guðmundur Gíslason.
Góð þátttaka á golfnám-
skeiði barna í Grundarfirði
Hin fögru norðurljós draga ófá erlenda ferðamenn hingað til lands á veturna. Ljósm. Kristín Jónsd.
Átak í vetrarferðarmennsku á Vesturlandi
Rósa Björk Halldórsdóttir
framkvæmdastjóri Markaðsstofu
Vesturlands.
Erna Hauksdóttir, framkvæmdastjóri
Samtaka ferðaþjónustunnar.