Skessuhorn - 31.07.2013, Blaðsíða 20
20 MIÐVIKUDAGUR 31. JÚLÍ 2013
Foreldrar eru bestir í
for
vö
rn
um
.
Forvarnarhópur
Borgarbyggðar
Sumarið
er tíminn
Saman í sundi, saman í tjaldi, saman að ganga,
saman að grilla, saman að veiða, saman að spila,
saman að syngja, saman í sportinu, saman á hestbaki.
Samver
a foreldra og
ung
linga er
besta forvörnin
S
K
E
S
S
U
H
O
R
N
2
01
3
Microsoft er vörumerki sem flest-
allir þekkja og sá tölvunotandi sem
ekki hefur notað eitthvað af vörum
tölvurisans er vandfundinn. Heim-
ir Fannar Gunnlaugsson Akurnes-
ingur hefur nú verið ráðinn fram-
kvæmdarstjóri Microsoft á Íslandi,
en hann tekur til starfa 19. ágúst.
Heimir er Skagamaður í húð og
hár, fæddur árið 1972. Hann býr
í Jörundarholti ásamt konu sinni,
Halldóru Andreu Árnadóttur,
kennara í Grundaskóla, og börnum
þeirra tveimur, þeim Aldísi Ylfu, 17
ára, og Árna Salvari, 10 ára.
„Ég hef búið á Akranesi mest alla
mína hunds- og kattartíð. Ég sprikl-
aði mikið í íþróttum sem strákur,
var bæði í fótbolta og körfubolta.
Gekk í Brekkubæjar- og Grund-
arskóla og síðan í Fjölbrautarskól-
ann. Var þar á fullu í félagsmálum
og eftir stúdentinn langaði mig að
breyta til og fara ekki alveg hina
gullnu meðalleið. Ég hélt því til
Svíþjóðar í nám í tölvunarfræði.“
Fjölmargir Skagamenn hafa risið
til metorða í tæknigeiranum und-
anfarin ár og þeir eru ófáir sem
gegna mikilvægum stöðum í síma-
eða tæknifyrirtækjum. Heimir tek-
ur undir þetta, en segist þó ekki
vita hverju það sæti. „Það er ekki
eins og við séum hópur sem reis
upp héðan af Skaganum. Þetta er
bara skemmtileg tilviljun.“
Heimir var formaður Golf-
klúbbsins Leynis til nokkurra
ára. „Já, mér fannst frábært að fá
smá tækifæri til að stimpla mig
inn í íþrótta- og félagsstarf hér á
Akranesi. Ég hef annars starfað í
Reykjavík síðan 1996 og mér finnst
stundum ég missa svolítið tengsl-
in við Skagann, en það er kannski
bara ímyndun.“
Menntaði mig til
áhugans
Segja má að tilviljun hafi ráðið
því að Heimir Fannar hefur starf-
að í tölvubransanum öll þessi ár,
eða síðan árið 1996. „Að vissu leyti
stjórnast lífið svolítið af tilviljun-
um og það má segja að ég hafi af
tilviljun farið í tölvunarfræði. Mig
langaði til Svíþjóðar, en ekki endi-
lega í tölvunarfræði. Ég hafði eng-
an rosalegan áhuga á tölvum, spil-
aði ekki mikið af tölvuleikjum sem
barn, var bara enginn sérstakur
áhugamaður um tölvur. Ég ákvað
samt að láta slag standa og þegar
leið á námið kom keppnismaður-
inn upp í mér og ég ákvað að klára
það. Þannig kom áhuginn. Það má
eiginlega segja að ég hafi menntað
mig til áhuga á tölvum.
Síðan byrjaði ég að vinna hjá
Tæknival 1996 og þá var Micro-
soft frekar kúl og skemmtilegt. Ég
byrjaði fljótlega að vinna með hug-
búnaðarlausnir í Microsoft og hef
í gegnum tíðina unnið með fjöl-
mörgum viðskiptavinum að marg-
víslegum hugbúnaðarlausnum og
að mjög stóru leyti í Microsoft hug-
búnaði. Þetta er mjög spennandi og
skemmtilegt umhverfi, þess vegna
finnst mér þetta tækifæri núna sér-
staklega skemmtilegt.“
Heimir segir að það sé gríðarlega
mikilvægt að koma sér upp góðu
tengslaneti. Það hafi fleytt honum
langt. „Ég hef bæði unnið í eigin
rekstri sem og fyrir stærri félög á
Íslandi og allt hefur þetta sína kosti
og galla en það sem ég myndi segja
að hafi skilað mér mestu eru fjöl-
breytt verkefni á Íslandi og Norð-
urlöndunum þar sem ég hef t.d.
unnið með hléum í þrjú ár í Dan-
mörku, byggt upp starfsemi í ráð-
gjafaþjónustu og hugbúnaði í Sví-
þjóð og síðar búið í Stokkhólmi í
tvö ár, frá 2009 til 2011. Í tengslum
við þetta hef ég ferðast mikið og
kynnst frábæru fólki sem er kjarn-
inn í því sem ég skilgreini sem mitt
tengslanet í dag. Þetta er gríðar-
lega verðmætt.“
Eigin rekstur
undanfarin ár
Árið 2010 ákvað Heimir að söðla
um og fara út í eigin rekstur, en
hann fékk ásamt félögum sínum
umboð fyrir sænska hugbúnað sem
heitir QlikView. Þá nýttist tengsl-
anetið vel. „Ég fann hve mikilvægt
heilbrigt og gott tengslanet er og
fyrirtækið hefur byggst að stóru
leyti upp á því. Mér leið mjög vel
með þessa uppbyggingu og fann
hvað það skiptir gríðarlega miklu
máli að geta gengið til fólks, tekið í
höndina á því og finna að því líður
jafn vel með það og þér. Það hef-
ur fleytt mér ansi langt í lífinu að
koma fram af heilindum.“
QlikView er hugbúnaður sem
nýtist fyrirtækjum af öllum stærð-
um og gerðum og gerir starfs-
mönnum kleift að greina upplýs-
ingar sem leynast í upplýsingakerf-
um þess á einfaldan hátt. „Fyrir-
tæki eru með mikinn fjölda af ólík-
um hugbúnaðarlausnum, hvort
sem það er frá Microsoft eða öðr-
um aðilum. QlikView sækir þessi
gögn, splæsir þeim saman og set-
ur upp í alls konar myndir á mjög
fljótvirkan og einfaldan hátt,“ seg-
ir Heimir.
Fyrirtækið hefur gengið vel og
er með stóra viðskiptavini á sínum
snærum, svo sem Reykjavíkurborg,
Nova og Bláa Lónið. Nú er Heim-
ir hins vegar á förum frá því á mið
Microsoft, en hann segist eiga von
á því að farsæl lausn finnist á því
hvað verði um það.
Gjörbreytt umhverfi
Heimir Fannar er þriðji forstjóri
Microsoft á Íslandi og hann segir
að forverar sínir hafi unnið braut-
ryðjendastarf. Hann segir Micro-
soft hafa gert mikið fyrir íslensk-
an markað á síðustu árum, skýrasta
dæmið um það sé íslenskun á Of-
fice-pakkanum og Windows stýri-
kerfinu. Hann taki því við keflinu
í góðu búi og haldi áfram, þó með
nýjum áherslum. „Tölvuheimurinn
hefur breyst mikið á undanförnum
árum, og það gríðarlega hratt, og á
eftir að breytast enn hraðar á næstu
fimm árum. Það hefur orðið gríð-
arleg framþróun í hugbúnaði og
einnig því hvernig við notum tölv-
ur og upplýsingatækni. Það sem
áður var geymt á diskettum þegar
ég var að byrja í skóla er nú geymt
á internetinu. Það skiptir þig sem
notenda orðið engu máli hvort
fjölskyldumyndirnar þínar eru í al-
búmi í stofunni eða liggja út á int-
ernetinu þar sem þú kemst með
öruggum hætti til að skoða þær.
Hvort þessar myndir séu geymd-
ar á Íslandi eða í útlöndum veist þú
sjaldnast mikið um.
Allt það sem er að gerast í kring-
um spjaldtölvur er frábært dæmi.
Þú ert að vinna með mikið af upp-
lýsingum sem þú síðan geymir í
skýinu – sem er bara internetið í
rauninni. Þetta býður upp á gríð-
arleg tækifæri á ýmsum sviðum svo
sem í skólastarfi, eða rekstri fyrir-
tækja og sveitarfélaga, og síðast en
ekki síst býður þetta upp á fjölmörg
tækifæri í nýsköpun í atvinnulífinu.
Með þessari einföldun í aðgengi að
upplýsingum og upplýsingakerfum
má segja að staðsetning notandans
sé algjörlega óháð því hvar gögnin
eru staðsett. Fyrirtæki eru þannig
orðin mjög hreyfanleg, mín skrif-
stofa undanfarin 3 ár hafa að hluta
til verið kaffihús út um borg og bý,
sem mér finnst alls ekki leiðinlegt.
Mér finnst þessi framtíð gríð-
arlega spennandi og ég held að
Microsoft með sinni nærveru á ís-
lenskum markaði eigi eftir að vera í
farabroddi og jafnvel leiðandi aðili,
ég vona það allavega.“
Styðja við
samstarfsaðila
Rúmlega tíu manns starfa hjá
Microsoft á Íslandi, en höfuðstöðv-
ar þess eru í Borgartúni í Reykja-
vík. Það er rekið af Microsoft Int-
ernational, en er sjálfstæð ein-
ing undir danska útibúi Microsoft.
Starfið felst fyrst og fremst í því að
bera uppi merki Microsoft á Íslandi
gagnvart viðskiptavinum af öll-
um stærðum og gerðum og styðja
þannig við fjölmarga samstarfsaðila
sem bjóða upp á hugbúnaðarlausn-
ir Microsoft. „Það eru fjölmargir
samstarfsaðilar, til að mynda hér á
Vesturlandi, eins og Omnis og Sec-
urStore. Við setjum saman teymi
og skoðum hvað megi betur fara til
að gera það besta úr vörum Micro-
soft. Við hjálpum fyrirtækjum til
að nýta fjárfestingu sína eins vel og
hægt er og einnig að horfa til þarfa
þeirra til framtíðar. Ég verð í því að
halda utan um þetta starf.“
Heimir Fannar segir að á næstu
árum megi búast við meiri áherslu
hjá Microsoft á ýmsan búnað eins
og sjá megi á spjaldtölvu mark-
aðnum og snjallsíma markaðnum.
„Þetta er frábær tími til að fá að
vera þáttakandi í þessu ferli og mik-
il tækifæri framundan. Við sjáum
það til að mynda hjá samkeppnis-
aðilum að þar er áherslan meiri á
búnaðinn sjálfan, en ekki hugbún-
aðinn sem hann hýsir. Ég hef trú á
því að Microsoft muni fara meira
inn á þessa braut.
Við ólumst flest öll upp við
Microsoft hugbúnað. Stundum er
síðan skipt yfir í önnur kerfi og
við það glatast uppsöfnuð þekking
og reynsla. Við þurfum að tryggja
áhuga notenda á að nota Microsoft
búnað áfram og ég held að þangað
séum við að stefna, en við skulum
bíða og sjá.“
Heimir Fannar segir að það sé
mjög mikilvægt að styðja vel við
bakið á samstarfsaðilum Microsoft.
Vörumerkið sé sterkt frá grunni og
bjóði upp á gríðarlega mörg tæki-
færi. „Hugbúnaður Microsoft hef-
ur gengið mjög vel og það er fullt af
einstaklingum og fyrirtækjum sem
byggja tilvist sína á því að Micro-
soft standi undir merkjum og af-
hendi framúrskarandi lausnir. Við
þurfum ekki annað en að horfa til
hugbúnaðar eins og Navision, sem
er viðskiptahugbúnaður, eða Excel.
Síðarnefndi búnaðurinn er notað-
ur í alls kyns reikninga og heilu
forritin hafa verið skrifuð í Excel.
Það er mikilvægt að styðja við sam-
starfsaðila Microsoft og vinna sem
best að framþróun með þeim. Það
má í raun segja að ég sé að fara að
taka við starfi sem nokkurs fánaberi
Microsoft á Íslandi og ég hlakka
mikið til.“ kóp
Skagamaðurinn Heimir Fannar Gunnlaugsson hefur verið ráðinn forstjóri Microsoft á Íslandi. Hann segir gríðarlega spennandi tíma framundan í tölvunotkun ein-
staklinga og fyrirtækja.
Skagamaður boðberi Microsoft
Rætt við Heimi Fannar Gunnlaugsson á Akranesi