Skessuhorn - 31.07.2013, Blaðsíða 19

19MIÐVIKUDAGUR 31. JÚLÍ 2013
Í nýjasta tölublaði Framkvæmda-
frétta Vegagerðarinnar birtust
þessar fróðlegu myndir af Búlands-
höfða á Snæfellsnesi. Eldri myndin
er frá árinu 1944 en sú yngri tekin á
þessu ári. Á lýðveldisárinu var ein-
ungis hestaslóð fyrir Búlandshöfða
sem eins og sjá má lá í miklum
bratta og var mjög vandfarin. Bíl-
vegur var fyrst lagður fyrir höfðann
árið 1962 en núverandi vegur var
gerður árið 1999. Klettarnir efst til
hægri á báðum myndum eru greini-
lega hinir sömu en skriðan sem sjá
má á eldri myndinni er horfin þar
sem henni var ýtt niður fyrir þegar
vegagerð hófst um höfðann.
hlh
Feðgarnir Þór Magnússon og Ægir
Þór Þórsson hafa farið í skipulagð-
ar hópferðir niður í Vatnshelli á ut-
anverðu Snæfellsnesi um nokkurra
ára skeið fyrir Þjóðgarðinn Snæ-
fellsjökul. Í sumar, og að minnsta
kosti fram að áramótum, sinna þeir
leiðsögn um hellinn í verktöku.
Blaðamaður Skessuhorns fór í ferð
í Vatnshelli og kynnti sér hvernig
gengið hefur í sumar. „Þetta hefur
gengið eins og við vonuðumst til,
fór hæfilega af stað og hefur gengið
frábærlega í sumar, enda höfum við
á að skipa frábæru og samheldnu
starfsfólki“ segir Þór í samtali við
Skessuhorn.
Farnar eru átta til níu ferðir á
dag og yfirleitt eru þrír leiðsögu-
menn á svæðinu sem skipta ferðun-
um með sér. „Við reynum að sinna
öllum, bið á milli ferða er ekki löng
og örfáir sem hafa þurft að bíða til
næstu ferðar. Sumarið hefur geng-
ið mjög vel og við finnum fyrir því
að full þörf er á góðri leiðsögn um
íslenska náttúru. Eldgosin á síð-
ustu árum eru fólki ofarlega í huga
og bæði íslenskir og erlendir ferða-
menn vilja fræðast um og upplifa
undur hellanna.
Með leyfi frá Bárði
Snæfellsás
Um 15 manns, bæði erlendir og
innlendir fóru í hellinn þegar blaða-
maður var með í för og var ferðin
mjög skemmtileg og er margt að
sjá í Vatnshelli. Ferðin gekk mjög
vel og voru allir gestir ánægðir.
„Við leggjum mikinn metnað í að
vera fagmannleg, að vera með góð-
an útbúnað og að kunna góð skil á
fyrstu hjálp. Nýlega héldum við æf-
ingu með viðbragðsaðilum á svæð-
inu sem fólst í að flytja þurfti slas-
aðan einstakling upp á yfirborðið.
Þó slysahætta sé lítil ef farið er eftir
leiðbeiningum þá þarf viðbúnaður
að vera í lagi og við höldum reglu-
lega æfingar,“ segir Þór. Leiðsögu-
mennirnir hvetja gesti til að ganga
vel um landið, þjóðgarðinn og hell-
ana og segjast vera með leyfi frá
tröllunum og Bárði Snæfellsás til
að kíkja í Vatnshelli, svo framarlega
sem loforð um góða umgengni séu
haldin.
sko
Nafn: Þórdís Björgvinsdóttir
Starfsheiti/fyrirtæki? Starfsmað-
ur Átthagastofu,Upplýsingamið-
stöðvar Snæfellsbæjar og Pakk-
hússins.
Fjölskylduhagir/búseta? Gift
og á 3 börn, Soffíu Rós 20 ára,
Kristfríði Rós 18 ára og Stein-
þór 16 ára.
Áhugamál? Ferðalög, skriftir,
ljósmyndun og margt fleira.
Vinnudagurinn: Miðvikudagur-
inn 24. Júlí.
Mætt til vinnu klukkan og það
fyrsta sem þú gerðir eftir mæt-
ingu? Vinnudagurinn minn byrj-
aði kl. 9 og það fyrsta sem ég
gerði var að koma við í Ólafsvík-
urkirkju og opna hana og taka svo
á móti hópi ferðamanna sem að
beið mín fyrir utan Átthagastofu.
Klukkan 10 var ég að? Svara
tölvupóstum varðandi fyrirspurn-
ir um tjaldsvæði og afþreyingu
fyrir erlenda ferðamenn.
Hádegið? Var að senda myndir
og lesa yfir umfjöllun sem verð-
ur í Atlantica og Iceland Review
varðandi Snæfellsnesið í sam-
vinnu við Öldu Hlín Karlsdóttir
sem er menningar- og markaðs-
fulltrúi Grundarfjarðarbæjar.
Klukkan 14 var ég að? Af-
greiða ferðamenn í Pakkhúsinu
sem voru að kaupa sér lopapeys-
ur. Pakkhúsið er byggðasafn Snæ-
fellsbæjar og þar er einnig hand-
verkssala heimafólks.
Hvenær hætt og það síðasta
sem þú gerðir í vinnunni? Ég
var að vinna til kl. 18 og það síð-
asta sem ég gerði var að loka
Ólafsvíkurkirkju.
Fastir liðir alla daga? Að upp-
lýsa ferðamenn um áhugaverða
staði á Snæfellsnesi.
Hvað stendur upp úr eft-
ir vinnudaginn? Ánægðir ferða-
menn sem eiga ekki til orð yfir
landinu okkar. Þjóðarstoltið mitt
er á köflum yfir meðallagi eftir
vinnudaginn!
Var hann hefðbundinn? Eng-
inn dagur í Átthagastofunni er
hefðbundinn, hingað kemur fólk
hvaðanæva úr heiminum með
ólíkar áherslur og númer eitt, tvö
og þrjú er að mæta því.
Hvenær byrjaðir þú í þessu
starfi? Í maí.
Er þetta framtíðarstarfið þitt?
Nei, einungis sumarvinna, er
samt að sannfæra ferðamenn
núna um hásumar um dásemd
Snæfellsness að vetrarlagi, norð-
urljósin, stjörnurnar og það sem
fylgir.
Hlakkar þú til að mæta í vinn-
una?Já, alltaf.
Eitthvað að lokum? Velkomin í
Snæfellsbæ!
Dag ur í lífi...
Starfsmanns Átthagastofu í Ólafsvík
Búlandshöfði þá og nú
Ferðir í Vatnshelli í sumar hafa gengið vel
Þar sem neðst er farið í hellinn er
komið á 35 metra dýpi.
Auk þeirra feðga Þórs og Ægis starfa þær Arndís Dögg, Guðbjörg Soffía og Tinna Björk sem leiðsögumenn.
Ferðamenn frá meðal annars Danmörku og Frakklandi fóru í hellinn, auk Ís-
lendinga. Þór kynnir hér öryggisatriðin fyrir öllum.
Vel er hægt að sjá hvar hraunið hefur runnið um hellinn.