Ægir - 01.07.2004, Blaðsíða 11
11
F I S K I DA G U R I N N M I K L I
Það er því ljóst að þessi glæsi-
lega fiskveisla, þar sem gestum
og gangandi er boðið upp á fjöl-
breytilega fiskrétti og drykki, er
lang fjölmennasta útihátíð á Ís-
landi.
Fiskidagurinn í ár var stór-
skemmtilegur að vanda, með afar
fjölbreytta skemmtidagskrá og
fiskisýning Skarphéðins Ás-
björnssonar á Blönduósi var sér-
lega glæsileg og yfirgripsmikil.
Vel að heiðrinum kominn
Að vanda var veitt viðurkenning
á Fiskideginum mikla og að þessu
sinni hlaut Gunnar Aðalbjörns-
son, rekstrarstjóri Samherja, hana.
Gunnar er vel að þessum heiðri
kominn, enda hefur hann stýrt
bolfiskvinnslunni á Dalvík í yfir
tuttugu ár. Í heiðursskjalinu sem
Gunnar veitti viðtöku að þessu
tilefni segir:
„Gunnar Aðalbjörnsson er í dag
heiðraður fyrir störf sín við sjávar-
útveg á Dalvík. Sérstaklega er
Gunnar heiðraður fyrir þá forustu
sem hann hefur haft við upp-
byggingu frystihússins á Dalvík
sem nú er í eigu Samherja hf.
Uppbygging þess og þróun á
undanförnum árum er ekki aðeins
merkt spor í atvinnusögu Dalvík-
ur heldur hefur sú vinna haft
áhrif á þróun fiskiðnaðar í land-
inu öllu.“
Metnaður og framsýni
Í ávarpi sem Svanfríður Jónas-
dóttir, fyrrverandi alþingiskona,
hélt af þessu tilefni kom fram að
frystihús Samherja hér á Dalvík sé
í dag fullkomnasta fiskiðjuver
landsins og enn séu uppi áform
um nýungar sem leiða muni til
aukinnar framleiðni. Svanfríður
rifjaði upp að á liðnum árum hafi
frystihúsið á Dalvík verið í farar-
broddi í tækniþróun. Árið 1990
var komið upp pökkunarlínu fyrir
smápakkningar, skurðarvél var
keypt árið 1993, húsið var síðan
endurbyggt og vinnslulínur end-
urnýjaðar árið 1997.
„Mikill metnaður og góður
starfsandi hefur einkennt starf-
semi frystihússins. Húsið tengd-
ist um árabil starfi fiskvinnslu-
skólans sem rekinn var hér á Dal-
vík. Fagþekking starfsfólks er
mikil og hefur það jákvæð áhrif á
allan vinnumarkaðinn á Dalvík,“
sagði Svanfríður m.a.
Áður en ráðist var í endurnýjun
vinnslulína árið 1997 voru afköst
á hvern starfsmann 14 kg á
klukkustund (manntíma), en nú
eru þau um 30 kg á manntíma.
Stefnt að auknum afköstum
Gunnar Aðalbjörnsson sagði í
samtali við Ægi að nú væri til
skoðunar að breyta vinnslukerfi
landvinnslunnar á Dalvík með
það fyrir augum að auka enn frek-
ar afköstin, upp í a.m.k. 40 kg á
manntíma, sem þýðir að í gegn-
um húsið fari á ári í það minnsta
tíu þúsund tonn, en á yfirstand-
andi ári stefnir í að unnið verði úr
um níu þúsund tonnum.
Verði ráðist í þessar breytingar,
sem nú eru alvarlega til skoðunar,
er líklegt að komi til stækkunar
húsnæðis landvinnslunnar á Dal-
vík, auk þess sem tækjabúnaður
verður endurnýjaður og nýjasta
tækni tekin inn, þ.á.m. beina-
tínsluvél frá Marel, sem hefur
verið keyrð til reynslu á Dalvík á
síðustu mánuðum með góðum ár-
angri.
Vinnsla á ferskum fiski hefur
aukist ár frá ári í landvinnslu
Samherja á Dalvík. Í ár stefnir í
að ferskfiskvinnslan nemi á bilinu
1000-1200 tonnum. Gunnar seg-
ir ekki annað sjáanlegt en að þessi
vinnsla muni aukast á næstu
árum til að mæta aukinni spurn
eftir ferskfiski.
Aðsóknarmetið slegið á Fiskideginum mikla á Dalvík:
Gunnar Aðalbjörnsson heiðraður
Á síðasta ári komu fleiri gestir á Fiskidaginn mikla á Dalvík en nokkru
sinni áður, eða um 23 þúsund manns. Ekki þótti líklegt að þetta að-
sóknarmet yrði slegið, en raunin varð önnur, talið er að um 27 þúsund
manns hafi tekið þátt í Fiskideginum mikla í ár.
Eins og sjá má var gríðarlegur mannfjöldi samankominn á hafnarsvæðinu á Dalvík á
Fiskideginum mikla.
Gunnar Aðalbjörnsson, rekstarstjóri
landvinnslu Samherja á Dalvík.
aegiragust2004-7tbl 30.8.2004 14:20 Page 11