Ægir - 01.07.2004, Blaðsíða 19
19
B RY G G J U S P J A L L I Ð
segir hann kíminn.
- Þú verður væntanlega að eiga
eitthvað í handraðanum til þess
að leggja út í slíka fjárfestingu?
„Við skulum orða það svo að
þetta gangi ágætlega. En vissu-
lega á ég góðan banka að. Lands-
bankinn er besti bankinn! En án
gríns, þá er vissulega erfitt fyrir
menn að fara út í slíka fjárfest-
ingu með því sem næst tvær
hendur tómar. En þá verður mað-
ur sjálfur að hafa mikla trú á því
sem maður er að gera og sannfæra
aðra um að maður sé að gera
rétt.“
Hagstætt leigukvótaverð
Viggó segist fyrst og fremst hafa
byggt útgerðina á því að leigja til
sín kvóta, en hann segist nota
hverja krónu sem hann eigi af-
lögu til þess að kaupa varanlegar
aflaheimildir. „Ég hef ekki tekið
lánsfjármagn í þessa útgerð sem
neinu nemur, hún er því sem
næst skuldlaus. Landsbankinn
hjálpaði mér í upphafi og hann á
allar þakkir skildar fyrir það, en í
dag er þessi útgerð nær skuldlaus.
Lykillinn að þessu er að horfa í
hverja krónu og vinna sem mest
sjálfur. Það er ógjörningur að
byggja upp slíka útgerð með því
að skulda mikið. Það gengur
aldrei upp að kaupa kvóta fyrir
tugi milljóna og skulda hann all-
an, það er útilokað að það dæmi
gangi upp.“
Viggó segir að alltaf komi
toppar og lægðir í kvótaleiguna,
en á undanförnum árum hafi ver-
ið „góðæri“ fyrir þá sem veiða
leigukvóta. „Verð á leigukvóta í
bæði ýsu og steinbít fór um tíma
niður úr öllu valdi og ég hef veitt
mikið af þessum tegundum og
selt á nokkuð góðu verði. Það hef-
ur verið mjög auðvelt að fá leigð-
an kvóta, ég reyni að leigja til
mín eins miklar aflaheimildir og
ég get og hef fjármagn til þegar
verð á þeim er lágt. Á síðustu sex
mánuðum hef ég leigt til mín um
120 tonna kvóta og ég veiði þetta
allt sjálfur. Ég er búinn að leigja
það mikinn kvóta að ég mun
sækja stíft alveg fram að kvóta-
áramótunum.“
Aukin fiskgengd á grunnsævi
fyrir Norðurlandi
Viggó segist vera í trilluútgerð-
inni allt árið. Á vorin stundar
hann grásleppuveiðar, sem hann
segir að hafi verið sér nokkuð
drjúgar. Viggó segist róa víða til
þess að ná í bolfiskinn. „Ég hef
þvælst mikið um. Ýsan, sem ég
hef verið að eltast mest við, er
brellið kvikindi. Ég hef farið um
allan Skagafjörð, norður fyrir
Skaga, út á Fljótagrunn og víðar,“
segir Viggó. „Mér finnst fisk-
gengd alltaf vera að aukast á
grunnsævi fyrir Norðurlandi. Ég
er ekki í vafa um að hækkandi
hitastig í sjónum gerir það að
verkum að hér er vaxandi ýsu- og
steinbítsgengd. Sömuleiðis er
maður farinn að sjá hér bæði smá-
og stórlúðu.“
- Hvað finnst þér um þá
ákvörðun Hafró að auka ekki
þorskkvótann á næsta fiskveiði-
ári?
„Það eru svo margir sérfræðing-
ar á þessu sviði að ég treysti mér
ekki til þess að fara inn í þessa
umræðu. En ég get sagt það að ég
hefði viljað sjá annað fiskveiði-
stjórnunarkerfi en við búum við í
dag. Að vissu marki er núverandi
kerfi ágætt, en það er líka mein-
gallað. Að mínu mati þyrfti kerf-
ið að vera blanda af sóknarstýr-
ingu og aflamarki. Ég tel að það
hafi verið röng ákvörðun að
leggja dagakerfi smábáta af. Mér
þætti gaman að vita hverjir ætli
að veiða þann fisk sem handfæra-
bátar á sóknarmarki hafa verið að
veiða. Ég get ekki séð að sá fiskur
verði yfirleitt veiddur.“
Vil styrkja útgerðina í sessi
Í sumar var Viggó eingöngu á
línu. Hann segir að línuívilnunin
svokallaða nýtist sér mjög vel.
„Ég er með einvala beitningarlið
á mínum snærum í landi. Þetta er
því að skapa vinnu í landi, sem
betur fer. Ekki veitir af á þessu
svæði. Mín stefna er að auka við
þetta í framtíðinni og styrkja út-
gerðina betur í sessi.“
Viggó leggur þorskinn upp hjá
Fiskiðjunni-Skagfirðingi á Sauð-
árkróki, en ýsan og annar meðafli
fer á fiskmarkaðina. „Þetta kemur
ágætlega út. Það er gulls ígildi að
geta átt gott samstarf við fyrir-
tæki hér heima, það eru miklir
höfðingjar við stjórn hjá Fiskiðj-
unni-Skagfirðingi. Ég hef þann
háttinn á að hafa samband við
fiskmarkaðina á heimstíminu og
sel aukaaflann. Þessi fiskur sem
ég er að landa hér í dag er seldur í
gegnum Íslandsmarkað og hann
fer beint á bíl í dag og í fisk-
vinnsluhús á suðvesturhorninu.
Þessi viðskipti ganga mjög fljótt
og vel fyrir sig.“
Á þessu ári stefnir í að veltan
hjá Viggó verði um þrjátíu millj-
ónir króna, sem hann segir vel
ásættanlegt. „Ég er ánægður á
meðan ég hef vinnu, maður fer
ekki fram á meira. Ég hef ekki
sérstakan áhuga á því að stækka
útgerðina frekar, miklu frekar vil
ég styrkja hana í sessi og það geri
ég með því að fjárfesta í varanleg-
um aflaheimildum,“ segir Viggó
Jón Einarsson.
„Það hefur verið mjög auðvelt að fá leigðan kvóta, ég reyni að
leigja til mín eins miklar aflaheimildir og ég get og hef fjármagn
til þegar verð á þeim er lágt. Á síðustu sex mánuðum hef ég leigt
til mín um 120 tonna kvóta og ég veiði þetta allt sjálfur.“
aegiragust2004-7tbl 30.8.2004 14:20 Page 19