Ægir - 01.07.2004, Blaðsíða 21

21
G Ö M L U F RY S T I H Ú S I N
tvö; Norðurtanginn og Íshúsfélag
Ísfirðinga. Í dag er í fyrrnefnda
húsinu beituverksmiðja og
nokkrum hluta þess hefur verið
breytt í íbúðir. Á tímabili voru
einnig umræður um að breyta
þessum húsum í grunnskóla sem
varð mjög umdeilt í bæjarpólitík-
inni þar vestra. Ofar á eyrinni er
hið gamla frystihús Íshúsfélags
Ísfirðinga, þar sem í dag er fisk-
móttaka Hraðfrystihússins Gunn-
varar og á efstu hæð er Fræðslu-
miðstöð Vestfjarða með starfsemi
sína.
Miklar breytingar hafa orðið á
atvinnuháttum í Ólafsfirði og
mörg þeirra fiskvinnslufyrirtækja
sem þar voru áður eru ekki lengur
starfandi. Annað hefur komið í
staðinn svo sem skóverksmiðja
sem hefur á síðustu mánuðum
verið í hluta þess húsnæðis þar
sem áður var Hraðfrystihús
Magnúsar Gamalíelssonar. Í það
sama hús hafa MT-bílar, fyrirtæk-
is sem smíðar slökkvibíla, flutt
starfsemi sína. Á Dalvík hefur
gömlum fiskvinnsluhúsum verið
breytt í verslunarmiðstöð. Fleiri
dæmi af þessum toga á Norður-
landi mætti sjálfsagt nefna.
Tónminjasetur og púttvöllur
Í Vestmannaeyjum standa mörg
vinnsluhús auð eftir þær miklu
vendingar sem þar hafa orðið í
sjávarútveginum. Minnstum
hluta þessara húsa hefur verið
fundið nýtt hlutverk. Hin gömlu
hús Fiskiðjunnar og Ísfélagsins
við austurhöfnina standa að veru-
legu leyti auð, utan hvað pútt-
völlur fyrir eldri borgara er í
vinnslusal eins þeirra. Þá hafa
verið uppi hugmyndir um að
breyta gömlu salthúsi Ísfélagsins
í menningarmiðstöð, en engar
ákvarðanir þar um hafa verið
teknar.
Hraðfrystihús Stokkseyrar var
lengi stærsti vinnuveitandinn í
því byggðarlagi, en frystihús þess
brann árið 1979. Það var endur-
byggt í kjölfarið og stækkað. Fyr-
irtækið sameinaðist Glettingi árið
1991 svo úr varð Árnes sem aftur
rann inn í Þormóð ramma fyrir
nokkrum árum síðan og er starf-
semi ÞR sunnan heiða nú öll í
Þorlákshöfn. Heimamenn starf-
rækja í dag fiskvinnslu í hluta
hússins á Stokkseyri, það er á
jarðhæð, en á efri hæðum eru
vinnustofur listamanna og hand-
verksfólks, Tónminjasetur Íslands
og draugasetur, sem hefur vakið
mikla athygli og dregið fjölda
fólks að.
Póstarnir eru fleiri
„Sjávarútvegurinn er meginupp-
spretta allrar verðmætasköpunar í
landinu,“ sagði Þorsteinn Pálsson
1994, þegar hann mælti fyrir lög-
um um stofnun Þróunarsjóðs
sjávarútvegsins. Þessi orð hans
eru enn í fullu gildi, en tekju-
póstar þjóðarbúsins eru hins veg-
ar orðnir fleiri en fyrir tiltölulega
fáum árum. Sú staðreynd varpar
meðal annars ljósi á hið nýja hlut-
verk sem mörgum eldri fisk-
vinnsluhúsum landsins hefur nú
verið fengið, þó skýringar séu
einnig takmarkaðari aflaheimildir
en áður, breyttar vinnsluaðferðir
og flutningsmöguleikar á afurð-
um, svo nokkrar séu nefndar.
Frystihúsið á Stokkseyri er stórhýsi, endurreist í kjölfarið eldsvoða árið 1979. Starfsemi var þó aldrei nema í
hluta þess og sumir hlutar þess stóðu hálfkaraðir lengi. Nú hefur margvísleg menningarstarfsemi fengið þarna
inni.
aegiragust2004-7tbl 30.8.2004 14:20 Page 21