Ægir - 01.07.2004, Blaðsíða 23

23
fækkar ár frá ári. Margir spyrja okkur hvers vegna í
ósköpunum standi á því að við séum að brasa í þessu.
En það er bara þannig að ég hef unnið í þessu alla
mína ævi og þetta er það eina sem ég kann, ef ég
kann það þá. Bjarni hefur verið á sjó síðan hann var
unglingur og verið skipstjóri á þriðja áratug. Þar
áður var hann afleysingaskipstjóri á Súlunni á móti
Baldvin heitnum Þorsteinssyni.“
Enginn sægreifi
„Ástæðan fyrir því að við Bjarni ákváðum á sínum
tíma að taka höndum saman um kaup á Súlunni var
sú að við höfðum báðir unnið lengi hjá fyrirtækinu
og þekktum vel til rekstursins, ég í landi og hann
úti á sjó. Við urðum fyrir miklum vonbrigðum þegar
við fréttum að búið væri að selja Krossanesi Súluna
og því var ekkert annað að gera fyrir okkur en að
henda okkur út í djúpu laugina og kaupa skipið í
snarhasti. Ég get vel viðurkennt það að þessi kaup
voru gríðarlegt átak fyrir okkur. Við áttum enga pen-
inga til þess að fara út í kaupin, en þetta bjargaðist
þó allt saman. Fyrstu árin var mjög erfitt að komast
fram úr þessu, en síðan fór aðeins að rofa til,“ segir
Sverrir og játar því að útgerð Súlunnar gangi vel í
dag. „Nei, blessaður vertu, ég lít ekki á mig sem
neinn sægreifa. Ég er fyrst og fremst vinnumaður við
þessa útgerð og ég hef ennþá mjög gaman af því sem
ég er að fást við. Þegar manni líður vel í vinnunni,
þá er ekki hægt að kvarta. En ég neita því ekki að
það hafa komið stundir þegar maður spyr sjálfan sig
hvern andskotann maður sé að standa í þessu, gáfu-
legra væri að sækja um vinnu hjá hinu opinbera þar
sem hægt væri að sleikja frímerki í fjóra tíma á dag!
En þessi hugsun bráir yfirleitt fljótt af manni. Þessi
vinna hefur mikla kosti. Til dæmis er maður sinn
eigin húsbóndi, þetta er ekki níu-til fimm vinna í
þeim skilningi. Maður ræður þannig sínum vinnu-
tíma nokkuð sjálfur. Í mínum verkahring er að sjá
um allt sem lýtur að útgerðinni í landi - þ.m.t.
reikningshald, launaútreikninga, innkaup á veiðar-
færum fyrir skipið o.fl. Við höfum til margra ára
flutt allt efni í loðnunæturnar beint inn frá Taiwan,
það er enginn vafi að það eru lang hagstæðustu kaup-
in. Eini gallinn við þau viðskipti er að það er fjög-
urra mánaða afgreiðslufrestur á þessu. En verðið er
svo miklu hagstæðara og gæðin ekki síðri en til
dæmis á efnum frá Noregi að þegar upp er staðið
borgar sig margfaldlega að flytja þetta beint inn frá
Taiwan.
Í stórum dráttum má segja að mitt starf felist í því
að reyna að hámarka tekjur fyrirtækisins og lágmarka
gjöldin.“
Ekki fengið tilboð í Súluna
Sverrir neitar því að þeir Bjarni hafi fengið tilboð í
útgerð Súlunnar. „Nei, við höfum ekki fengið tilboð
í útgerðina. Og staðreyndin er sú að það hefur ekki
hvarflað að okkur að selja. Hins vegar er það svo að
Sverrir Leósson: Það getur vel verið að forráðamenn útvegsmanna séu stífir á sinni meiningu, en ég er sannfærður um að það vigtar í báðar áttir. Samningar
byggjast á samvinnu og samstarfi. Ef menn eru stífir á sínu og vilja ekki hrófla við einu eða neinu, þá gerist ekki neitt.
aegiragust2004-7tbl 30.8.2004 14:20 Page 23