Morgunblaðið - 21.11.1959, Blaðsíða 24

VEÐRID
Allhvass NA. Skýjað með köflum.
Hiti 3—5 stig.
BOKAÞÁTTUR
Sjá bls. 13.
260. tbl. — Laugardagur 21. nóvember 1959
Efnahagsástandið miklu ískyggilegra en
menn grunaði

r 0" r _*>■
Ur ræou Olafs Thors forsætisráð-
herra á fjölmennum Varöarfundi
i gærkvöldi
í GÆRKVÖLDI var haldinn
fundur í landsmálafélaginu
Verði. Frummælandi var
Ólafur Thors, forsætisráð-
herra, er ræddi um stjórn-
arskiptin og ný viðhorf í
þjóðnfiálum. Fundurinn var
mjög vel sóttur.
Þorvaldur Garðar Kristjáns-
Bon setti fund laust fyrir kl. níu.
Kvað hann tilefni þessa fundar
það, að Ólafur Thors hefði
myndað ríkisstjórn. Árnaði for
maður Varðar hinni nýju ríkis-
stjórn heilla og gaf því næst for-
sætisráðherra orðið.
Ólafur Thors, forsætisráðherra,
hóf mál sitt með því að skýra
aðdraganda stjórnarmyndunar-
innar og færði ýms rök að því,
að hann væri eðlileg afleiðing af
rás viðburðanna á s.l. ári. Næst
vék hann að kosningaúrslitunum
og bar saman styrkleika flokk-
anna allt frá 1946 og fram yfir
haustkosningarnar. Sagðist hann
viðurkenna, að Sjálfstæðismenn
hefðu haft réttmætar ástæður til
að vænta enn betri úrslita á ein-
stökum stöðum. Kjarni málsins
væri þó sá, að styrkur Sjálfstæð-
isflokksins hefði aldrei verið jafn
mikill og nú frá 1946 að vorkosn-
ingunum einum undanskildum.
Höfuðbaráttan hefði að sjálf-
sögðu verið við Framsóknarflokk
inn, er haldið hefði dauðahaldi í
rangfengið vald sitt. Með það fyr-
ir augum væri sigur Sjálfstæðis-
flokksins mikill og ótviræður.
Á sumarþinginu voru þingm.
Framsóknarflokksins 19, en þing
menn Sjálfstæðisflokksins 20,
sagði forsætisráðherra. Nú eru
Framsóknarþingmenn 17, en við
24. Nú getum við myndað stjórn
með hverjum einum flokki sem
er og nú höfum við í fyrsta skipti
þingvald í samræmi við kjósenda
stuðning okkar.
Þá vék Ólafur Thors að stjórn-
armynduninni og samningunum
við Alþýðuflokkinn. Sagði hann
að umboðsmenn Sjálfstæðis-
flokksins hefðu að undanförnu
verið að kynna sér efnahags-
ástand þjóðarinnar. Hermann
Jónasson hefði við myndun V-
stjórnarinnar lofað úttekt á þjóð
arbúinu, en vanrækt það. Emil
Jónsson hefði ekkert slíkt loforð
gefið, en þó látið framkvæma út-
tektina.
Kvaðst Ólafur Thors ekki geta
gefið ítarlega skýrslu á þessu
stigi málsins, en ástandið væri
miklu ískyggilegra en menn hefði
grunað. Það væri ekki arfur þess
árs sem Alþýðuflokkurinn hefði
farið með stjórn heldur arfur ár-
anna og þá fyrst og fremst
V-st j órnarár anna.
Þá rakti forsætisráðherra að-
stöðuna út á við og brá upp
nokkrum óhugnanlegum mynd-
um. En því næst skýrði hann af-
komuhorfur ríkissjóðs og Út-
flutningssjóðs á næsta ári og i
komst að þeirri niðurstöðu, að
vanta mundi 250 millj. kr. á að
rekstur þeirra, að óbreyttum
tekjustofnum, yrði hallalaus. Þar
við bættist svo að allir sjóðir
atvinnulífsins væru tómir og al-
ger skortur á fé til húsbygginga.
Sýndí forsætisráðherra fram á,
að þjóðin hefði lifað ima efni
fram og væri tæplega ofmælt, að
hún riðaði nú á gjaldbrotsbarmi.
Hvað átti Sjálfstæðisflokkur-
inn að gera? spurði Ólafur Thors.
Mátti hopa á hæl? Nei. Því
dekkra sem er í álinn, því í-
skyggilegra sem viðhorfið er,
því þyngri er skylda stærsta
flokks þjóðarinnar að axla sína
byrði.
Næst rakti Ólafur Thors
stefnuyfirlýsingu stj órnarinnar
og skýrði hana í einstökum
atriðum. Kvaðst hann telja lík-
legt ,að þjóðin yrði að fórna
einhverju í bili til að tryggja
framtíð sína. Sagðist hann
hyggja, að engin þau úrræði, sem
til greina gætu komið, yrði al-
menningi þungbærari en 250
millj. kr. nýjar álögur, sem þó
væru óhjákvæmilegar ef ekki
yrði leitað annarra úrræða. For-
sætisráðherra kvað ekki tíma-
bært að ræða slík úrræði fyrr en
lokið væri þeirri rannsókn á
efnahagsástandinu, sem nú væri
komin langt áleiðis.
Án efa verður reynt að sverta
sérhverja þá leið, er farin verð-
ur. Gerum okkur það ljóst, sagði
Ólafur Thors. En gerum okkur
líka Ijóst, að nú kann að hefjast
ein örlagarískasta höfuðorrustin
í sögu þjóðarinnar. Sú orrusta
þarf ekki að tapast fyrir þá, sem
hafa skynsemina sín megin, löng-
un til að þjóna þjóðinni, djörf-
ung til að segja sannleikann og
þor til að standa á sannfæring-
unni.
Ræðu Ólafs Thors forsætisráð-
herra var ákaft fagnað og fóru
fundarmenn vafalaust fróðari af
fundi.
Grindadrápið mikla á Dalvík í fyrradag. Þessi mynd var tekin þegar Dalvíkingar drápu í fjör-
unni í kauptúninu 350 grindarhvali. — Maðurinn hefur ráðizt að einum hvalanna, lyftir bægsl-
inu og er í þann mund að reka sveðjuna á kaf! — Utar má sjá mergð hvala, sem brjótast um,
eins og sjá má af sporðakast'"-

Blóðbaðinu er lokið. í valnum liggja fleiri grindarhvalir en áður hafa verið reknir hér á land.
Svona sending getur orðið mikið búsílag fyrir Dalvíkinga, ef þeim tekst að hagnýta aflann.
Fundur í Hafnarfirði
um stjórnarskiptin
LANDSMÁLAFÉLAGIÐ Fram heldur fund í Sjálfstæðishúsinu í
Hafnarfirði á morgun kl. 4 e. h. Umræðuefni fundarins verða
stjórnarskiptin og ný viðhorf. Frummælandi verður formaður
Sjálfstæðisflokksins, Ólafur Thors, forsætisráðherra. Ennfremur
verður kosið í fulltrúaráð. Sjálfstæðisfólk í Reykjaneskjördæmi
er velkomið á fundinn, meðan húsrúm leyfir.
Sjá grein á bls. 23
Háskólafyrir-
lestiir
NÚ UM HELGINA er væntanleg-
ur hingað dr. Alexander King,
varaframkvæmdastjóri Fram-
leiðnistofnunar Evrópu (E.P.A.)
og forstöðumaður vísinda- og
tæknideildar Efnahagssamvinnu-
stofnunar Evrópu, og mun hann
ræða hér við íslenzka aðila.
Dr. King, sem er efnafræð-
ingur að menntun, rnun halda
fyrirlestur á vegum Verkfræði-
deildar háskólans mánudaginn
23. nóvember kl. 17,30 í I. kennslu
stofu háskólans, og fjallar fyrir-
lesturinn um vísindi, írarrueiðni
og iðnaðarþróun. Fyrirlssturinn
verður fluttur á ensku og er öll-
um heimill aðgangur.
VARÐARKAFFI
í Valhöll í dag
kl. 3—5 síðd.
Varðarfélagar
tieimdellingar
Oð insf élaga r
vmsamlegast gerið skil í Landshappdrætti Sjálf-
stæðisflokksins nú þegar.
Dregið verður 1. des.
LANDSHAPPDRÆTTI SJÁLFSTÆÐISFLOKKSINS