Morgunblaðið - 03.07.1963, Blaðsíða 22

22
M O R G V N B L Á t> 1 Ð
Miðvikudagur 3. Júlí 1963
Danir gersigruðu Íslendinga 135-77
Þeir unnu aftur 8 greinar af 10 og
tvöfaldan sigur í 6 þeirra
ÍSLAND beið sinn langstærsta ósigur í frjálsíþróttalands-
keppni í gær, er Danmörk sigraði í 6. landskeppni þjóðanna
með 135 stigum gegn 77. Danirnir unnu síðari daginn með
34 stiga mun og höfðu því 58 stig í heild umfram ísl. liðið.
í 5 fyrri landskeppnum þjóðanna — þar sem ísland hefur
alltaf unnið — höfðu íslendingar samtals 69 stig umfram
Dani. í einni keppni nú vinna Danir því nær upp allt það
forskot — og státa að vonum mjög af því.
Danirnir unnu aftur í gær 8 sigra af 10 mögulegum. Og
þar af voru 6 sigrar þeirra tvöfaldir. ísland vinnur í það
heila aðeins 4 sigra af 20 mögulegum og engan tvöfaldan.
Danska liðið ber svo af í
þessari keppni að samanburð
Næstum
of mikið
— ÞETTA er næstum of mik-
ill sigur, sagði Arne Halvor-
sen ritari danska íþróttasam-
bandsins eftir keppnina.
En þessi sigur verður okkur
til góðs. Ég veit að hann vekur
mikla athygli í Danmörku og
það er einmitt orðið tímabært
að danskir frjálsíþróttamenn
veki á sér athygli.
Dönunum fannst kalt og
stormasamt á Laugardalsvell-
inum í gær og voru undrandi
er þeim var sagt að þetta væri
með beztu góðviðrisdögunum
sem ísl. frjálsíþróttamenn
hefðu haft til keppni um langt
skeið.
Danimir létu mjög vel yfir
leikvanginum og öllum aðbún-
aði þar. Sögðu sumir að svona
völlur væri enn ekki til í Dan-
mörku.
/ „ r
Thyge Thögersen á fullri ferð
ur kemur ekki til greina við
ísl. Aðeins Jón Þ. Ólafsson,
Kristleifur Guðbjömsson, Val-
bjöm Þorláksson og Úlfar
Teitsson gnæfa upp úr og eru
reyndar í sérflokki meðal isl.
liðsmannanna og skipa sér á
bekk með mestu afreksmönn-
um Dana.
Tvöfaldir sigrar Dana
Keppnin í gær var sem sagt
nær óslitin sigurganga Dana. í
þrem greinum, 200 m hlaupi, 800
m hlaupi og spjótkasti vinna þeir
tvöfaldan sigur. 200 m hlaupið
var engin kepþni nema milli Dan-
anna og tíminn var mjög slakur
enda mótvindur nokkur alla leið.
Valbjörn, sem meiddist fyrri dag-
inn og var ófær til keppni var
fjarri góða gamni.
í 800 m hlaupinu veitti Krist-
ján Mikaelsson Dönunum harða
eftirför 700 metra en varð þá
að gefa eftir. Kristján á mikinn
heiður skilið, því hann var með 39
stiga hita á mánudag en hitalaus
í gær og vildi ólmur keppa. Hann
náði sínum langbezta tíma og lik-
legur til meiri afreka. Danirnir
háðu hart stríð á endasprettinum
og listamálarinn Dam bar sigur
úr býtum.
í spjótkastinu náðu Danirnir
strax forystu en afrekin eru held -
ur slök hjá öllum kösturunum,
en þó svipuð og búizt var við og
þeir hafa áður náð.
Þá kom annar af tveim Ijósu
punktunum fyrir fsland, er Krist
leifur sigraði í hindrunarhlaupi
sem sagt er frá á öðrum stað.
Sentimetrastríð
Þrístökkið var framan af mjög
tvísýnt, og mikið sentimetrastríð.
Bödtger tók strax forystu og var
allan tímann öruggur' sigurveg-
ari. En framan af skiidu 5 senti-
metrar hina keppinautana þrjá
og allt fram í 5. umferð hafði fs-
land 2. og 4. sætið. En þá tókst
Petersen að tryggja sér annað
sætið. ísl. piltarnir náðu lakari
stökkum en þeir hafa báðir ný-
lega gert. Þessi grein varð því
nokkur vonbrigði fyrir okkar lið.
í sleggjukastinu var sömu sögu
að segja. Danir tóku forystu strax
og voru hinir öruggu sigurvegar-
ar og afrek hjá öllum voru lak-
ari en þeir hafa áður náð.
Frá hástökkinu segir annars-
staðar en það yljaði áhorfendum
örlítið um hjartaræturnar.
400 m grindahlaupið varð
spennandi mjög. Helgi Hólm
var mjög ákveðinn og hljóp
mjög vel. Hann fylgdi Hans
Sand fast eftir og er Sand var
nærri dottinn eftir rúma 100
m, fékk Helgi forskot sem
nægði til annars sætis. Með
Valbirni í þessari grein hefði
enn meira unnizt. En það
sýndi sig á endasprettinum að
það var slysni Sand, sem frek-
ar orsakaði að annað sætið
féll til Helga en geta hans,
sem þó var meiri en reiknað
var með og Helgi er líklegur
til að ná mun lengra í þessari
grein og það þegar í sumar.
k Mistök í 10 km hlaupinu
10 km hlaupið var vel útfært
Framhald á bls. 23
Bjarne Petersen hefur enn forystu en Kristleifur og Tofte-
gaard f> lgja fast á eftir.
Kristleifur vann með yfir-
burðum eina hlaupasigurinn
KRISTLEIFUR vann hug og
hjörtu 1500 áhorfenda er hann
sigraði glæsilega og með yfir-
burðum í 3000 m hindrunar-
hlaupinu Þetta er eini sigur ís-
lands í 12 hlaupagreinum lands-
keppninnar og sannarlega var
Kristleifur vel að sigri kominn.

Jón Þ. Ólafsson yfir ránni. — Ljósm. Sv. Þ.
Jón Þ. fór a\\t í I. st'ókki
-vann nœstbezta afrekið
JÓN Þ. Ólafsson var örugg-
ur sigurvegari í hástökkinu
og hann náði bezta afreki,
sem íslendingur vann í keppn
inni og næst bezta árangri í
heild. Hann skorti 1 sm upp
á að jafna bezta afrek keppn-
innar, kúluvarp Aksel Thor-
sager.
Jón hóf keppnina á 1.85 m
og fór hátt og fallega yíir.
Hann fór síðan hverja hæð í
1. tilraun lika 2.02 sem enginn
annar réði við.
Jón hóf ekki keppnina fyrr
en Sig. Ingólfsson hafði lokið
henni. Sigurður fór 1.80 í 1.
tilraun en réði ekki við 1.85.
Ole Papsöe danski methaf-
inn fór 1.85 í 2. tilraun og
sömuleiðis 1.90 en réði ekki
við meira þetta kvöld.
Keppnin stóð því milli Jóns
og Sven Breum. Breum fór
1.90 í 1. tilraun en 2 metra
í annari tilraun og með þvi
hafði Jón náð forystunni.
Breum fór fallega yfir 2
metrana og í fyrstu tilraun
við 2.02 var hann yfir en
felldi á niðurleið. Hinar til-
raunirnar tvær voru lakar
og Jón hafði unnið öruggan
sigur. Hann reyndi þrívegis
við 2.06 nýtt isl. met en tókst
ekki. Honum fannst upp-
stökkspunkturinn laus og hef-
ur reyndar alltaf kvartað yf-
ir því á Laugardalsvellinum.
Danirnir tveir komu óþreyttir til
leiks, en flestum fannst hinir
erfiðu 5000 m sitja í Kristleifi
framan af.
Danirnir reyndu að halda byrj
unarhraða niðri og lét Kristleifur
það gott heita fyrstu hringina.
En svo leiddist honum þófið og
setti upp hraðann. Danir fylgdu
þó fast og tóku aftur forystu.
Þegar um 300 m voru eftir hóf
Kristleifur mikinn endasprett,
geystist fram úr Petersen sem gat
ekkert svar veitt og var hrein-
lega skilinn eftir. Toftegaard
veitti hins vegar harða keppni,
en varð að láta £ minni pokann
því svo mikið átti Kristleifur
eftir að á síðustu 150 metrunum
vann hann 25—30 m forskot og
sigraði glæsilega við gífurleg
fagnaðarlæti. Þetta var ágætur
tími og sannarlega verðskuldaður
sigur.
ÍR mótífrjálsum
íþróttum
FRJÁLSÍÞRÓTTAMÓT ÍR fer
fram miðvikudaginn 10. júlí næst
komandi á Laugardalsvellinum
og hefst kl. 8,15.
Keppt verður í eftirtöldum
greinum karla: 100 m, 400 m, 800
m, 3000 m, 1000 m boðhlaupi, há-
stökki, stangarstökki, kringlu-
kasti, sleggjukasti, spjótkasti. —
Konur: 80 m grindahl., kringlu-
kasti, langstökki og 4x100 m boð-
hlaupi. — Sveinar: 100 m hlaup
og kúluvarpi.
Þátttökutilkynningar sendist
til skrifstofu vallarstjóra á Mela-
vellinum í síðasta lagi 7. júlú