Morgunblaðið - 27.05.1968, Blaðsíða 3
MORGUNBLAÐIÐ, MÁNUDAGUR 27. MAÍ 1968
3
Strætisvagnarnir
héldu ekki áætlun
— en farþegarnir tóku því með jafnaðargeði
i I>AÐ KOM sér vel að vera
búinn að læra bo'ðorðið „Bros_
um í umferðinni“, því að ann-
ars hefðu áreiðanlega margir
verið búnir að auka hættuna
á því að gista í neðri byggð-
um eftir daginn í gær, a.m.k.
þeir sem fóru með S.V.R. Við
ætluðum eins og venjulega að
taka strætisvagninn niður í
bæ og fórum á vanalegum
tíma út á stoppistöðina.
í>ar bi’ðum við. Hver mínút
an leið eftif aðra og ekki kom
vagninn. Loks var liðinn hálf-
tími og þá áttu að vera komn-
ir þrír vagnar, en enginn kom.
Þá sáum við vagn koma, og
við eins og örskot út á stöð,
fórum að vísu vitlausu megin,
en það gerði ekkert til, —
þetta var Austurhverfi, og við
urðum að bíða áfram.
Að lokum kom kunningi
okkar á bíl, og við fengum áð
fljóta með niður á torg. Þar
var enginn strætisvagn, en
fjöldi fólks beið. Klukkan var
, þá farin að ganga eitt og einn
strætisvangsstjóri sagði okkur,
að hann væri nú búinn að bíða
I klukkutíma eftir sínum
vagni, hann hefði átt að vera
kominn fimm mínútur yfir
ellefu, en væri enn ókominn.
Það var í raun og veru ekki
annað hægt en að vorkenna
umferðarvörðunum, sem voru
á Lækjartorgi. Flestir vissu,
a’ð þeir áttu að vera til leið-
beiningar og við urðum varir
við, að fólk kom til þeirra til
að spyrja hvar vagnarnir
stönzuðu, því að nokkrar
breytingar hafa orðið á enda-
stöðvunum. Gömul kona varð
svo hneyksluð, þegar hún fékk
ekki skýr.svör, að hún sagði
með þrjósku og sigldi burt:
,,Þú ættir nú bara að fara og
leggja þig, gó'ða mín.
Og loksins kom Kleppsvagn
inn. Við vorum næstum hálf-
tíma upp að gatnamótunum
við Nóatún og mest varð bið-
in við Snorrabraut. Frá Nóa-
túni var umferðin nokkuð
greið og skoplegt var að sjá
fólkið hlaupa yfir götuna,
þegar vagninn kom, — það
beið allt á vinstra kanti.
Þegar komið var niður á
Laugaveg vorum við búnir
að vera klukkutíma í ferð-
inni, og þá gripum við tæki-
færið þegar umferðin hægð-
ist og ræddum við vagn-
stjórann, Benedikt Kristjáns-
son. Hann sagðist vera búinn
Benedikt Kristjánsson
að aka hjá Strætisvögnunum
í tíu ár, og hefði hann aldrei
séð jafnmikla umferð.
„Ég er búinn að missa eina
ferð úr. Kom of seint í aðra
ferðina og missti algjörlega
þá þriðju. En ég býst við að
ég'nái þeirri fjórðu á réttum
tíma, en auðvitað fer hún
strax úr skorðum. Hverfisgat-
an er svo slæm“.
„Hvernig taka farþegarnir
þessum töfurn?"
„Þeir taka þessu rólega og
mesta furða, hvað þeir eru ró-
legir. Það eru raunar allir, og
mér finnst það mjög athyglis-
vert, að ég hef ekki heyrt eitt
einasta flaut í dag, og ekki
heldur séð nokkurn bíl fara
upp fyrir hámarkshraðann".
„Nú, það er eins og dagur
hjá nótt, hvað nýju vagnarnir
eru meðfærilegri á allan hátt,
og aðstaðan hefur á margan
hátt stórbatnað fyrir okkur.
Skiptir það miklu, að rýmk-
azt hefur um vagnana á
Torginu, — þar hafa ekki
nema fimm vagnar endastöð
núna, en áður var varla pláss
fyrir vagnana".
Fyrstur af stað og
kvaðst fagna H-umf.
Neskaupstað, sunnudag.
HÉR rann H-dagurinn upp,
bjartur og fagur, svo segja má,
að náttúran tjaldi í dag sínu feg
ursta skarti hér í Neskaupstað.
Yfirleitt tóku bæjarbúar dag-
inn snemma, því nokkur eftir-
vænting var og er. Ég hitti Sig-
urjón Jónsson ,yfirlögregluþjón,
á götu, skömmu fyrir hádegið
og sagði hann, að framkvæmd
hægri umferðarinnar hefði far-
ið fram án þess að til tíðinda
drægi. Fyrsti bíllinn, sem Sigur-
jón sá á götunni, var kominn
niður í bæ klukkan rúmlega 7.
Hafði Sigurjón tal af ökumanni,
en þar var kominn gamalkunnur
bæjarbúi, Björn Ingvarsson, sem
er kominn á áttræðisaldur.
Kvaðst Björn vera mjög ánægð-
ur með þessa umferðárráðstöf-
un; hann hefði alla tíð verið
fylgjandi hægri umferð hér á
Islandi og væri þessi dagur því
sannkallaður gleðiáfangi fyrir
sig, og með það ók gamli mað-
urinn leiðar sinnar. Hér hefur
verið gífurleg umferð bíla, reið-
hjóla og gangandi, enda veðrið
eins dásamlegt og hugsast get-
ur hér um slóðir. Mesta breyt-
ingin er í því fólgin að tekinn
hefur verið upp aðalbrautarrétt-
ur á götum sem mynda hring-
braut kringum bæinn. Nú er
kominn einstefnuakstur eftir að-
algötunni hér, sem heitir Hafnar
braut. Ég hef séð ýmsa bæjar-
búa fremja smá yfirsjónir í um-
ferðinni og bregður þeim sýni-
lega nokkuð er þeir verða þess
áskynja, en engin hafa þó óhöpp
in orðið og allt gengið eins og í
sögu. — Ásgeir.
SUNNUFERDjR 1968
Því er slegið föstu: Hvergi meira fyrir ferðapeningana
Þrátt fyrir gengisfellingu gefst yður kostur á ótrúlega ódýrum
utanlandsferðum, vegna hagkvæmra samninga og mikilla við-
skipta SUNNU við hótel og flugfélög.
Við getum á þessu ári í mörgum tilfellum boðið upp á utan-
landsferðir á svipuðu verði og fyrir gengisfellingu.
Nokkrar af okkar vinsæla og vönduðu utanlandsferðum, sem enn verða
ódýrar á þessu ári:
14 dagar Mallorka, 2 dagar í London. Verð frá kr. 8900,—
Hálfsmánaðarlega frá 10. apríl.
Flogið með íslenzkri flugvél allar leiðir og búið á góðum hótelum.
Eigin skrifstofa SUNNU í Palma tryggir farþegum fullkomna þjónustu á vin-
sælasta sumarleyfis-skemmtistað álfunnar.
72 dagar London, Amsterdam og Kaupmhöfn. Kr. 14.400.—
Hálfsmánaðarlega frá 7. júlí til 15. september.
í þessum vinsælu ferðum gefst fólki kostur á að kynnast þremur af helztu
stórborgum Norður-Evrópu. Eigin skrifstofa SUNNU í Kaupmannahöfn,
Vesterbrogade 31 tryggir farþegum okkar fullkomna þjónustu og fyrirgreiðslu
í „Borginni við sundið“, sem í aldirhefir verið höfuðborg fslendinga í út-
landinu.
Auk hinna vinsælu Mallorkaferða og London — Amsterdam — Kaupmanna-
hafnarferða hefir SUNNA á boðstólum fjölbreytt úrval annarra ferða með
íslenzkum fararstjórum, svo sem:
18 dagar. Paris — Rinarlönd — Sviss,
23. ágúst.
7 dagar. Edinborgarhátíð, 24. ágúst.
21 dagur. ítalía í septembersól,
1. september.
21 dagur. New York og fslendinga-
byggðir í Ameríku 29. júlí.
21 dagur. Skemmtisigling á Miðjarðar-
og Portúgal og Ítalía 11.
október.
1C dagar. Jónsmessuferð til Norður-
landa, 21. júní.
21 dagur. Grikkland — Líbanon —
Egyptaland — Landið helga,
6. október.
Ferðir séra Franks M. Halldórssonar
til helgistaða í Austurlöndum og
Evrópu í júní og júlí.
/Eskulýðsferðir séra Ólafs Skúlasonar
í júni og júlímánuði.
Biðjið um ferðaáætlun. Verðið er ótrúlega lágt á þessum ferðum, því okkur
hefir gengið vel að eyða áhrifum geng isfellingarinnar á ferðalög.
Kynnið ykkur fjölbreytt ferðaúrval. Sumaráœtlun komin út
Veljið snemma réttu utanlandsferðina, þar sem þér fáið mest fyrir peningana.
Þrátt fyrir mikinn fjölda SUNNUFERÐA á síðasta ári, urðu ferðirnar fljótt
fullskipaðar.
Áratugs reynsla og ótvíræðar vinsældir SUNNUFERÐA hafa skipað þeim í
sérflokk hvað gæði snertir og þjónustu. SUNNUFERÐ er trygging fyrir á-
nægjulegri og snurðúlausri utanlandsf erð, undir leiðsögn reyndra fararstjóra,
sem mörg ár í röð hafa farið sömu ferðirnar, viðurkenndar og vinsælar af
þeim mörgu þúsundum sem reynt hafa og valið þær ár eftir ár í mörgum til—
fellum. — Og þar að auki fáið þér hvergi meira fyrir peningana.
Ferðaþjónusta fyrir einstaklinga og fyrirtæki
Jafnframt hinum fjölsóttu og vinsælu hópferðum SUNNU hefir skrifstofan í
vaxandi mæli annazt ferðaþjónustu fy rir einstaklinga og fyrirtæki. Við gef-
um út og seljum farseðla með flugvélum og skipum um allan heim á sama
verði og flutningafyrirtækin sjálf. Á sama hátt útvegum við hótel og fyrir-
greiðslu hvar sem er í heiminum, og höfum á skrifstofu okkar fjarritunar-
sambánd (TELEX) við hótel og flugfélög um allan heim. Reynið hina öruggu
og fljótu TELEX-ferðaþjónustu SUNNU fyrir einstaklinga og fyrirtæki. Og
þér munuð bætast í sívaxandi hóp ánæ gðra viðskiptavina okkar á þessu sviði.
Ferðaskrifstofan
Bankastræti 7. — Símar 16400 og 12070.
SUNIMA