Morgunblaðið - 09.07.1974, Blaðsíða 10

MORGUNBLAÐIÐ, ÞRIÐJUDAGUR 9. JULl 1974
Sunnan jökla
og hálendið
Ur Kerlingafjöllum.
Frá Ferðafélapi
jr
Islands
EINS og áður verður nú haldið
áfram að geta um sumarleyfis-
ferðir Ferðafélags Islands, sem
hófust um sl. mánaðamót og lýkur
ekki fyrr en í lok næsta mánaðar.
11. júlí hefst 11 daga ferð um
Suðursveit, Hornafjörð og Lóns-
öræfi. Samgöngur við þennar
landshluta hafa verið ýmsum erf-
iðleikum háðar fram til þessa og
því lítt kunnur ferðamönnum. Að
vestan voru stórvötnin sá farar-
tálmi, sem bægði ferfamönnum
frá, en landleiðin að norðan og
austan svo löng, að margir kusu
heldur að leita á aðrar slóðir. En
með opnun hringvegarins hefur
þessum hindrunum verið rutt úr
vegi og eftir ummælum manna að
dæma, munu margir hafa hug á
að kynnast suð-austur hluta
landsins þegar í sumar. Þeir
munu heldur ekki verða fyrir
vonbrigðum. Fegurð og sérkenni
landslagsins í þessum sveitum er
viðbrugðið. Hvel Vatnajökuls á
aðra hlið, hafið á hina. En mitt á
milli er belti gróðurs og sanda,
sundur slitið af beljandi jökul-
vötnum, sem til skamms tíma
voru hinir verstu farartálmar, en
við höfum nú sigrað með tækni
og kunnáttu.
Nú stefnir Ferðafélagið á þess-
ar slóðir. Ekið verður sunnan
jökla og yfir Skeiðarársand. 1 leið-
inni gefst að sjá þar hin stóru og
miklu mannvirki, sem við blasa.
Sfðan liggur leiðin um öræfa-
sveit, Suðursveit og að Höfn í
Hornafirði. Á leiðinni gefst færi á
að skoða ýmsa merka staði, en
viðstaðan verður stutt. Megintím-
anum verður varið til dvalar f
Lónsöræfum, hinu hrikalega fjall-
lendi austur af norð-austurhorni
Vatnajökuls. Gist verður þar í
tjöldum, en farnar göngu- og
könnunarferðir til ýmissa fagurra
staða og sérkennilegra, t.d.
Tröllakróka, hinna hrikalegu
klettariða innst í Kollumúla við
Jökulsá. Hér eru sumarheim-
kynni hreindýranna, sem una sér
þar vel í góðum beitilöndum. I
Lónsöræfum er Víðidalur. Hann
er 15—18 km langur og mjög
gróðursæll. Á síðari hluta 19 ald-
ar freistuðust nokkrir til að hefja
þar búskap, en vegna einangrun-
ar og annarra erfiðleika hrökkl-
uðust þeir þaðan eftir skamma
dvöl. Þó sjást merki eftir þá í
rústunum að Grund, en svo
nefndist býlið. Sama leið verður
farin heim.
Eins og ég hef drepið á áður í
þessum pistlum, virðast Islend-
ingar kveinka sér við löngum
ferðum fótgangandi. 1 augum
margra virðist það stórkostlegt
afrek að ganga nokkrar
dagleiðir á öræfum með tjald
og annan útbúnað á bakinu.
Sannleikurinn er sá, að með
útbúnað við hæfi, er þetta
leikur einn hverjum manni, sem
ekki þarf að dvelja á sjúkrahúsi
eða vera undir læknishendi. Dag-
leiðum geta menn ráðið sjálfir og
allri ferðatilhögun, og aldrei
kynnast menn betur landinu í
„blíðu og stírðu“ en einmitt þá.
Þetta stangast á við ferðamáta
almennings nú á tímum, sem virð-
ist eingöngu vilja fara um landið
á sem þægilegastan hátt, t.d.
með húsvagna og tjaldvagna aft-
an í dúnmjúkum bflum,
sem taka við öllu erfiðinu á ferð
um landið á ekki að eyða öllum
tfmanum, sem taka við öllu erfið-
inu og áreynslunni ferðalaginu
samfara. Ungt og hraust fólk á
ferð um landið á ekki að eyða
öllum tímanum á þennan hátt.
Fáið ykkur tjald og annan ferða-
útbúnað. Leggið svo bílnum í
nándviðeinherja tilvaldagöngu-
leið og ferðist síðan fótgangandi í
tvo-þrjá daga um nágrennið og
lifið útilegulífi. Þið munuð koma
hress og endurnærð aftur að bíln-
um til að halda ferðinni áfram.
Kerlingarfjöllin eru tilvalinn
staður til slíkra gönguferða. Kem-
ur þar margt til: Ýmsar furður
náttúrunnar t.d. bullandi leir-
hverir, íshellar, fjölbreytt fegurð
landsins í formi og litum og sfðast
en ekki síst, lega þeirra nálægt
einum fjölfarnasta fjallavegi
landsins að sumarlagi.
Þann 12. júlí hefst 17 daga ferð
um þetta svæði, með aðalbækistöð
í húsi Ferðafélagsins í Árskarði.
Verða farnar þaðan langar og
stuttar gönguferðir á þessum
tíma. Verða þær misjafnlega lang-
ar, en sú lengsta mun taka um
vikutíma, en henni er heitið í
Arnarfell hið mikla, sem er suð-
austan undir Hofsjökli. Flestir Is-
lendingar kannast við Arnarfell,
en fáir hafa stigið þar fæti. Er hér
um kjörið tækifæri fyrir þá, sem
vilja kanna landið fótgangandi, að
slást í hópinn og reyna þol sitt og
úthald.
Allir Iandsmenn kannast við
Mývatn, flestir hafa komið þar,
margir staldrað þar við dagstund
eða svo en sennilega hafa fáir
leitt hugann að því, að í nágrenni
þess eru margir merkir og
skoðunarverðir staðir, sem feng-
ur væri í að kynna sér. Ég á hér
við Mývatnsöræfin, en svo nefn-
ast einu nafni öræfin norðan,
austan og sunnan Mývatnssveitar.
S.l. sumar var félagið með ferð á
þessar slóðir á áætlun sinni, en
hún féll niður vegna þátttöku-
leysis. Nú í sumar á að gera aðra
tilraun og kanna hvort hún tekst.
Fyrirhugað er að leggja af stað 17.
júlí, aka rakleitt norður og eyða
næstu 7 dögum í skoðunarferðir
um öræfin. Farið verður á hinar
miklu og formfögru gosdyngjur f
Ódáðahrauni, Kollóttudyngju og
Ketildyngju, en f toppi þeirra eru
gígarnir, bæði víðir og djúpir. 1
Ketildyngju eru Fremri-námur,
sem eru auðugar af brennisteini
og voru fyrrum nýttar og brenni-
steinninn fluttur til Danmerkur.
Undir Bláfjalli, hæsta fjallinu um
þessar slóðir, er Heilagsdalur, sér-
kennilegt gróðurlendi á þessum
auðnarslóðum. Þar var fyrrum
ár.ingarstaður þeirra, sem fluttu
brennisteininn til Húsavíkur frá
Fremri-námum. I öræfunum
norðan Mývatns eru margar og
merkar eldstöðvar. Frá Kröflu
kom eldhraun, sem ógnaði Mý-
vatnsbyggð fyrir 250 árum. Þar er
allt sundurskorið af jarðhita og
þykk brennisteinslög má sjá víða.
Nú er á dagskrá hjá valdamönn-
um þjóðarinnar að virkja hið
mikla gufuafl, sem er að finna f
Kröflu, og breyta því í raforku. I
þessari ferð verður einnig komið
að Þeistareykjum og á
Þeistareykjabungu og skoðuð
verða hin sérkennilegu og merku
hrafntinnulög í Hrafntinnuhrygg,
sem er suður af Kröflu og mun
óvíða á landinu finnast jafn fögur
hrafntinna og þar. Á þessu flakki
um öræfin verður að sjálfsögðu
gist í tjöldum, en byggðin er
nærri, ef eitthvað ber út af.
Þótt Mývetningar geti með
sanni státað af furðum sinnar
sveitar er þær einnig að finna
annars staðar á landinu, ekki síst
í Skaftafellssýslum. Laki og Eld-
gjá eru nöfn, sem flestir íslend-
ingar kannast við og vildu gjarn-
an líta með eigin augum. Arleg
ferð Ferðafélags Islands á þær
slóðir hefst 27. júlí og verður
sfðasta sumarleyfisferðin í júll.
Ekið verður austur f Varmárdal
og Lakagígar skoðaðir. Heim
verður ekin Fjallabaksleið syðri
um Mælifellssand, Hvannagil og
Rangárbotna. A heimleiðinni
verður komið í Eldgjá, hina 40 km
löngu eldsprunu norðaustur af
Mýrdalsjökli. Þar getur að lfta
fossinn fræga í Nyrðri-Ofæru,
auk annara furðulegra náttúru-
smíða, sem alls staðar ber fyrir
augu. 1 þessari ferð hafast menn
að sjálfsögðu við í tjöldum, þar
sem gist verður.
T.E.
bU'UIKI NAK melka |
Herrahúsið Aðalstræti 4, Herrabúðin við Lækjartorg