Morgunblaðið - 21.07.1974, Blaðsíða 32

Fékkst þú þér
TRDPICANA
■ i morgun ?
TilEfNA
^ frá Florida
SUNNUDAGUR 21. JULl 1974
Ég er sjálfur dauðhræddur”
sagði Taylor
skipstjóri, er
fyrsta skotið
hæfði Forester
Seyðisfirði, frá Ingva Hrafni
Jónssyni blaðamanni Mbl. —
ÞAÐ VAR heldur lágt risið
á skipverjum á Hull-
togaranum C.S. Forester,
er hann lagðist aö bryggju
á Seyðisfirði klukkan rúm-
lega 9 í gærmorgun undir
stjórn varðskipsmanna af
varðskipinu Þór. Það var
kannski ekki furða, þegar
á það er litið, að er Þór stóð
togarann að meintum ólög-
legum veiðum 1,5—1,6 sjó-
mflur innan 12 mflna fisk-
veiðitakmarkanna út af
Hvalbak, var togarinn
kominn með fullfermi og
var að leggja af stað til
Bretlands með það fyrir
augum að selja á fisk-
markaðinum f Hull á
mánudag eða þriðjudag.
í samtölum við skipverja kom
fram, að mikil skelfing greip um
sig meðal þeirra, þegar kúlur
varðskipsmanna tættust inn í siðu
togarans, en þó einkum er ein
kúlan sprakk upp um mitt að-
gerðarþilfarið nokkra metra frá
þeim stað, þar sem þeir höfðu
leitað skjóls.
Blaóamaður og ljósmyndari
Mbl. flugu í gærmorgun austur að
Dalatanga með flugvél frá leigu-
flugi Sverris Þóroddssonar og
komu að varðskipinu og togaran-
um um kl. 07.00 skammt suður af
Dalatanga. Togarinn sigldi þá
fulla ferð og var ekki að sjá, að
skothríðin f fyrradag hefði skert
neitt vélarorku hans. Varðskipið
Þór undir skipstjórn Höskulds
Skarphéðinssonar skipherra
sigldi nokkru utar.
Eins og fyrr segir lögðu skipin
að bryggju á Seyðisfirði rúmlega
níu og þá þegar gengu um borð í
það 3 lögregluþjónar frá Seyðis-
firði og tóku varðstöðu, en Frið-
geir Olgeirsson fyrsti stýrimaður
á Þór gaf skipun um, að engum
skyldi hleypt um borð. Fréttum
við síðar, að það hefði verið
beiðni Richard Taylors skipstjóra,
sem vildi ekki hitta fréttamenn að
máli nú, er hann var í 5. skipti
færður til hafnar af varðskipi
“ «1»
< 4

Föstu aðvörunarskoti skotið að Forester, en Taylor lét ekki segjast.
fyrir meint landhelgisbrot.
Taylor skipstjóri varaðist að láta
sjá sig í brú skipsins og tókst ekki
að ná mynd af þessum góðkunn-
ingja íslenzku landhelgisgæzlunn-
ar. Hins vegar hittum við á máli
nokkra skipverja og spjölluðum
við þá yfir lunninguna.
ALDREI EINS HRÆDDIR
Við spurðum fyrst, hvort þeir
hefðu verið hræddir, er skothríð-
in hófst og þeir svöruðu allir f
kór, að þeir hefðu aldrei orðið
eins hræddir á ævi sinni. Skip-
stjórinn skipaði öllum mann-
skapnum að standa í hnapp aftan
við og undir brúnni. Þar stóðu svo
skipverjar meðan hver sprengi-
kúlan á fætur annarri buldi á
skipinu. Er auðvelt að gera sér í
hugarlund sálarástand mann-
anna, sem þarna hímdu, og
kannski ekki síður mannsins á
fslenzka varðskipinu, sem hafði
það hlutverk að reyna að hæfa
skipið þannig að það stöðvaðist.
Þá höfðu varðskipsmenn, skip-
verjar á brezka eftirlitsskipinu
Hausa svo og eigendur útgerða-
fyrirtækisins Newington Trawl-
ers f Hull gert margítrekaðar, en
árangurslausar tilraunir til að fá
Taylor skipstjóra til að gefast
upp. Taylor lýsti því hins vegar
yfir frá fyrstu stundu, að hann
myndi aldrei gefast upp, hann
myndi ekki láta sig fyrr en skipið
yrði skotið í kaf. Verkefni varð-
skipsmanna lá því ljóst yfir. Við
fréttum, að í þvi er fyrsta skotið
hæfði skipið var léttadrengurinn
að koma inn í brú með te handa
Taylor skipstjóra. Varð drengn-
um skiljanlega illt við og missti
mest niður af teinu. Taylor skip-
stjóri sneri sér þá að honum og
spurði, hvort hann væri hræddur.
Því játaði drengurinn og sagði þá
skipstjóri. „Það er ekkert ein-
kennilegt, ég er sjálfur dauð-
hræddur."
SONUR TAYLORS
Meðal þeirra skipverja, sem við
spjölluðum við yfir lunninguna,
var kornungur sonur Taylors
skipstjóra og var hann óneitan-
lega daufur í dálkinn og miður
sfn. Þetta var fyrsta ferð hans
með föðurnum. Skipverjar
hörmuðu mest, að velheppnuð
veiðiferð var að engu orðin og
hýran engin. Þeir höfðu fyllt
skipið af fallegum fiski á 12
dögum og voru á heimleið. Ein-
kennileg tilviljun, að þegar
Taylor var síðast tekinn var hann
einnig komin með fullfermi, gat
bætt tveimur tonnum í lestar-
lúguna. Skipverjar sýndu okkur
verksummerkin eftir kúlurnar og
þeim var greinilega mest brugðið,
er þeir sýndu okkur hvar ein
kúlan hafði komið upp í miðju
aðgerðarþilfarinu. En þeir kunnu
líka að gera að gamni sínu og
höfðu orð á því að líklega þyrfti
að endurnýja salernispappírs-
birgðir skipsins áður en haldið
yrði úr höfn á ný. Annar sagðist
hafa beðið svo heitt að hann hefði
vængi, að engu hefði munað, að
hann tækist á loft.
Um borð í varðskipinu Þór hitt-
um við Höskuld Skarphéðinsson
skipherra og hann skýrði okkur f
stuttu máli frá atburðarásinni.
KLIPPT A TOGVÍRANA
— Það var um 6 leytið á föstu-
dagsmorgun, að við komum að
togaranum, þar sem hann var að
veiðum ASA af Hvalbak 1,5—1,6
sjómílur innan tólf mflna mark-
anna skv. okkar mælingum.
Togarinn var að toga, er við
Framhald á bls. 30
Telpa lést
af lyfjatöku
Lftil stúlka, hálfs annars árs,
lézt árdegis á fimmtudag f Barna-
spftala Hringsins af völdum lyfs,
sem hún tók inn kvöldið áður.
Telpan komst f lyfið, sem ætlað
var fullorðnum, átt nokkrar töfl-
ur og sofnaði. Komst hún ekki
aftur til meðvitundar. Þegar þess
varð vart að telpan hafi tekið inn
lyfið, sem var með áletrun „geym-
ist þar sem börn ná ekki til“, var
hún flutt f slysadeild Borgar-
spftalans, en þaðan á Barna-
spftala Hringsins.
Tildrög slyssins voru þau, að
telpan var að leika sér og náði f
tösku móður sinnar, sem var að
útbúa kvöldverð. Strax og ^runur
kom upp um, að telpan hefði
gleypt lyfið var haft samband við
vaktlækninn f Hafnarfirði, þar
sem foreldrar telpunnar búa.
Hann ráðlagði að telpan yrði um-
svifalaust flutt f slysadeildina,
þar sem hún var tekin til með-
ferðar, en síðan flutt í barnadeild-
ina. Þar lézt litla stúlkan hálfum
sólarhring eftir að hún neytti
lyfsins.
Þetta hörmulega slys sýnir, að
aldrei er nógsamlega brýnt fyrir
fólki að geyma lyf, þar sen börn
ná ekki til. öll lyf eru hættuleg
litlum börnum, jafnvel s kleysis-
leg lyf eins og magnyl, geta orðið
börnum að f jörtjóni.
5 slasast alvarlega
Nokkrir skipverja á Forester. Drengurinn lengst til hægri er sonur Taylors skipstjóra.
MJÖG alvarlegt umferðarslys
varð um hádegisbil f gær f Kolla-
firði f Austur-Barðastrandar
sýslu. Fimm manns slösuðust
alvarlega og er Morgunblaðið fór
f prentun í gærdag var Slysa-
varnafélag Islands að senda þyrlu
Landhelgisgæzlunnar, TF-GNA,
til þess að sækja fólkið.
Nánari fréttir af slysinu höfðu
ekki borizt f gær, en um
fimmleytið var þyrlan væntanleg
til Reykjavíkur. Með þyrlunni fór
vestur læknir frá slysadeild
Borgarsðftalans, Brynjólfur
Mogensen.