Morgunblaðið - 26.11.1974, Qupperneq 12

12
MORGUNBLAÐIÐ, ÞRIÐJUDAGUR 26. NÖVEMBER 1974
Stefna frjálshyggju
og valddreifingar

A flokksráðs- og formannaráðstefnu
Sjálfstæðisflokksins, sem haldin var um
sl. helgi, var samþykkt eftirfarandi
stjórnmálaályktun:
„Urslit síðustu Alþingiskosninga sýndu
ótvírætt, að sjálfstæðisstefnan, stefna
frjálshyggju og valddreifingar í þjóðfélag-
inu, á vaxandi fylgi að fagna hjá íslenzku
þjóðinni.
Flokksráðs- og formannafundur Sjálf-
stæðisflokksins lýsir yfir fullum stuðningi
við ríkisstjórn Geirs Hallgrímssonar og
þær ráðstafanir, sem stjórnin hefur þurft
að grípa til vegna viðskilnaðar vinstri
stjórnarinnar. Fundurinn telur sérstak-
lega jákvæðar þær ráðstafanir, sem ríkis-
stjórnin hefur beitt sér fyrir í samráði við
aðila vinnumarkaðarins til að rétta hlut
láglaunafólks og elli- og örorkulífeyris-
þega.
Fundurinn lýsir yfir ánægju sinni með
þá stefnubreytingu i varnar- og öryggis-
málum, sem ríkisstjórnin hefur markað.
Jafnvægi í
þjóðarbúskapnum
Flokksráðs- og formannafundurinn
styður það meginmarkmið efnahagsstefnu
ríkisstjórnarinnar að draga úr verðbólg-
unni, tryggja jöfnuð í viðskiptum við önn-
ur lönd, auka fjölbreytni í atvinnulífinu
og tryggja atvinnuvegum þjóðarinnar skil-
yrði til að eflast og dafna.
íslenzkt efnahags- og atvinnulíf hefur
alla tíð átt við öryggisleysi og óvissu að
stríða vegna sveiflna í aflabrögðum og
markaðsvrrði útflutningsafurða og sakir
óstöðug.s veðurfars. Nauðsynlegt er að
vinna aó jainvægi í efnahagsmálum, og
koma þannig á heilbrigðu efnahags- og
atvinnulífi, þar sem einstaklingar og
fyrirtæki geta starfað á grundvelli einka-
framtaks og athafnafrelsis. Þessu mark-
miði verður m.a. náð með traustum gjald-
eyrisvarasjóði, sveiganlegri gengisskrán-
ingu, verðjöfnunarsjóðum, nýjum at-
vinnugreinum og eflingu varasjóða fyrir-
tækja.
Við hagræðingu og umbætur innan
efnahagskerfisins telur fundurinn rétt að
hafa til hliðsjónar eftirfarandi sjónarmið:
1. Ríkisvaldið beiti virkri hagstjórn ekki
sízt við fjárlagagerð í því skyni að stuðla
að efnahagslegu jafnvægi og atvinnu-
öryggi. Opinberum framkvæmdum skal
hagað þannig, að þær dragi ekki til sln
fjármagn og mannafla frá undirstöðuat-
vinnugreindum þjóðarinnar.
2. Tekjuöflunarkerfi ríkissjóðs verði
einfaldað. Beinir skattar verði. lækkáðir
verulega, tekið upp staðgreiðslukerfi
skatta og virðisaukaskattur komi I stað
söluskatts svo fljótt sem verða má.
3. Stefnt verði að frjálsri verðmyndun,
þar sem eftirlit neytenda og heilbrigð
samkeppni leysi af hólmi núverandi verð-
lagseftirlit, sem löngu er orðið úrelt.
4. Hamla verður gegn óhóflegri þenslu
og vernda hag sparifjáreigenda. í þvi
skyni sé beitt sveigjanlegri vaxtastefnu og
leitað nýrra leiða til að örva frjálsan
sparnað. I þvl sambandi sé unnið að því að
koma á fót frjálsum verðbréfamarkaði.
5. Koma þarf á nýskipan kjaramála með
endurbótum á visitölukerfinu og bættum
vinnuaðferðum við gerð kjarasamninga.
Jafnframt verður að setja rammalöggjöf
um starfshætti lífeyrissjóða.
200 sjómílna
fiskveiö ilögsaga
1975
Flokksráðs- og formannafundur Sjálf-
stæðisflokksins styður eindregið þá
um jafnvægi I byggð landsins og telur
eftirfarandi verkefni I byggðamálum
brýn:
1. Gerðar verði sérstakar ráðstafanir I
húsnæðis-, félags-, mennta-, heilbrigðis- og
umhverfismálum strjálbýlisins.
2. Lánasjóður sveitarfélaga verði efldur
þannig að hann geti gegnt hlutverki sínu
betur en verið hefur.
Stjórnmálaályktun flokksráðs- og
formannafundar Sjálfstæðisflokksins
Þessi mynd er tekin á flokksráds- og formannaráðstefnu
Sjálfstæðisflokksins, sem haldin var í Glæsibæ um sl.
helgi.
ákvörðun i stefnuyfirlýsingu rikis-
stjórnarinnar að færa fiskveiðilögsöguna
út I 200 sjómilur á næsta ári og þakkar
þingflokknum einarða forystu i þvi máli.
Minnkandi afli nytjafiska veldur því, að
brýn nauðsyn er á að slík útfærsla dragist
ekki lengur og leggur fundurinn þunga
áherzlu á, að Islendingar nýti einir hina
nýju fiskveiðilögsögu eins fljótt og kostur
er.
Hins vegar viðurkennir fundurinn
nauðsyn þess að ná sem beztri samvinnu
við nágrannaþjóðir okkar á þessu sviði
sem öðrum, en jafnframt sé enn betur
brýnt fyrir þeim sú sérstaða okkar að
þjóðin á tilveru sína undir fiskveiðum
komna.
Sérstök áherzla er lögð á aukna verndun
fiskstofna. Einskis verði látið ófreistað til
að hindra hverskonar rányrkju.
Fundurinn skorar á forystumenn
flokksins I rikisstjórn og á Alþingi að
vinna að eflingu landhelgisgæzlunnar og
hvetur til þess, að verndarsvæða verði
stranglega gætt.
Byggðamálefni
Flokksráðs- og formannafundur Sjálf-
stæðisflokksins fagnar hinni stórfelldu
eflingu Byggðasjóðs en telur nauðsynlegt,
að endurskoðun á hlutverki hans verði
lokið hið fyrsta. Fundurinn lýsir ánægju
sinni með fyrirætlanir ríkisstjórnarinnar
3. Varanlegt slitlag verði lagt á þjóðvegi
landsins og hugað betur að gerð og við-
haldi tengibrauta milli héraða og lands-
hluta.
4. Áherzla verði lögð á að treysta stöðu
sjávarútvegs, landbúnaðar og verzlunar
samfara uppbyggingu framleiðsluiðnaðar
til tryggingar atvinnuöryggi.
Fundurinn fagnar samþykkt Alþingis
frá 28. júlí um landgræðslu- og gróður-
verndaráætlun og hvetur til gætni í nýt-
ingu gróðurlendis og umgengni við
náttúru landsins.
IMýting innlendra
orkugjafa
Leggja þarf höfuðáherzlu á virkjun inn-
lendra orkugjafa til að spara erlendan
gjaldeyri, efla atvinnulífið, og bæta lifs-
kjörin. Koma þarf upp hitaveitum, þar
sem tök eru á, en gefa öðrum landsmönn-
um kost á rafhitun. Stórvirkjunum til
raforkuframleiðslu þarf að hraða, en huga
jafnframt að smærri virkjunum i hinum
ýmsu byggðarlögum. Til að tryggja hag-
kvæmni og öryggi i byggingu og rekstri
þessara mannvirkja verði undirbúnings-
rannsóknir efldar. Halda þarf áfram upp-
byggingu iðju og iðnaðar til að gera stór-
virkjanir mögulegar og renna fleiri stoð-
um undir íslenzkt atvinnulíf. Hafnar verði
rannsóknir á hafsbotninum til að ganga úr
skugga um, hvort þar er að finna orku-
gjafa t.d. olíu og jarðgas.
Húsnæðismál
Sjálfstæðismenn leggja megináherzlu á
þá stefnu í húsnæðismálum, að sem flestir
Islendingar búi í eigin húsnæði.
Sérstaklega þarf að auðvelda ungu fólki
að koma sér upp þaki yfir höfuðið. í því
skyni verður að bregðast skjótt við þeim
vanda, að vinstri stjórnin olli með verð-
bólgustefnu sinni og efla ibúðarlánakerf-
ið, svo að unnt verði að hækka húsnæðis-
lán. Leitað sé leiða til að draga úr bygg-
ingakostnaði.
Mennta- og
menningarmálefni
Meginstefna Sjálfstæðisflokksins í
fræðslu- og skólamálum er, að starf skól-
anna miði að því að koma hverjum nem-
anda, hvar sem hann er búsettur á land-
inu, til þess þroska, sem hann hefur hæfi-
leika og getu til.
Auka þarf námsbrautaval ungmenna og
samræma það betur þekkingarþörfum at-
vinnulífsins og skapa þannig verkmennt-
un í landinu verðskuldaðan sess i öllu
skólakerfinu.
Fundurinn lýsir áhyggjum sínum yfir
þeirri þróun, að menningarstarfsemi er í
auknum mæli að færast undir áhrif ríkis-
/aldsins. Þessari þróun þarf að snúa við
með því að örva frjálsa menningarstarf-
semi i landinu.
Almannatryggingar
Sjálfstæðisflokkurinn leggur áherzlu á,
að reglum um almannatryggingar sé hag-
að þannig, að þær dragi sem minnst úr
sjálfbjargarviðleitni þeirra bótaþega, sem
starfsgetu hafa.
Stefnt sé að heilsteyptu kerfi almanna-
trygginga og lífeyrissjóða með það fyrir
augum, að sem minnst röskun verði á
fjárhag manna við elli eða örorku.
Fundurinn fagnar fyrirhuguðum fram-
kvæmdum í heilbrigðismálum og leggur
áherzlu á, að leitað verði leiða til að nýta
heilbrigðisstofnanir sem bezt.
Sættir fjármagns
og vinnu
Sjálfstæðismenn munu enn sem fyrr
sýna, að þeir eru verðir þess trausts, sem
Islenzka þjóðin hefur sýnt þeim. 1 sam- |
ræmi við grundvallarstefnu Sjálfstæðis-
flokksins mun flokkurinn leitast við að j
efla og treysta lýðræðið með því að beita ]
sér fyrir, að lýðræðislegir stjórnarhættir,
almenn mannréttindi og traust stjórnar- I
far verði tryggt sem bezt. Við endur- j
skoðun stjórnarskrárinnar þarf sérstak-
lega að gæta þessara atriða. Stefnt verði I
að því, að þeirri endurskoðun verði lokið
sem fyrst og kosningalöggjöfin mótuð á I
þann hátt, að dregið verði úr flokksræði |
og stefnt að auknum jöfnuði.
Flokksraðs og formannafundur Sjálf-
stæðisflokksins heitir á islenzku þjóðina
að standa saman um lausn þeirra vanda-
mála, sem við er að etja og hafna stétta-
stríði, en stuðla þess í stað að sættum
fjármagns og vinnu og efia stéttasam-
vinnu til nýrrar framfarasóknar.“