Morgunblaðið - 26.11.1974, Blaðsíða 24

24
MORGUNBLAÐIÐ, ÞRIÐJUDAGUR 26. NÓVEMBER 1974
Flestir veðja á FH og Val
Þjálfararnir gera ráð
fyrir tvísýnu Islandsmóti
Islandsmótið í hand-
knattleik 1974 er þegar
hafið. Þegar þetta er ritað,
hafa sex leikir farið fram í
1. deild karla. Úrslit þess-
ara leikja benda til, að
mótið í vetur verði mjög
jafnt, og barátta liðanna
mikil. í þessum leikjum
hefir komið fram að undir-
búningur liðanna virðist
mismikill. Þó er það mat
undirritaðs, að þau lið,
sem talin hafa verið í hópi
þeirra lakari, séu ívið
sterkari heldur en fyrri ár.
Einkum vakti sigur Ár-
manns yfir ÍR athygli,
ekki sízt þegar athugað er,
að aðeins nokkrum dögum
áður tapaði ÍR naumlega
fyrir Islandsmeisturum
FII. Þá hefir frammistaða
Víkinga vakið athygli; þeir
sigruðu Val í fyrsta leikn-
um, en töpuðu síðan með
einu marki fyrir FH.
Það er ýmislegt fleira
sem vakió hefir athygli í
þessu íslandsmóti. Þannig
viröast sumir dómaranna
vera lítt eóa ekki undir-
búnir, og er þaö mjög mið-
ur, vegna þess að í hand-
knattleik getur dómgæzla
iðulega ráðið úrslitum
leiks þar sem mjótt er á
mununum.
Annars eru margar blik-
ur á lofti i handknattleikn-
um, og ætíð erfitt að spá
fyrir um gengi einstakra
liða. Samt sem áður sneri
Morgunblaðið sér til þjálf-
ara 1. deildar-liðanna, bað
þá um stuttar umsagnir um
þeirra eigin lið, og einnig
að geta til um lokastöðuna í
mótinu.
Gunnar Kjartansson,
þjálfari Gróttu.
— Það verður okkar keppikefli
i vetur að halda sætinu i deild-
inni. Ég sé ekki annað en við
adtum að hafa fulla möguleika á
þvi. Ymsir hafa rætt um að
breiddin i Jiðinu sé ekki nægjan-
leg. Það er alrangt. Innan vé-
handa Gróttu er mikill efniviður i
góða handknattleiksmenn. Hitt er
aftur á móti rótt, að leikmennirn-
ir hafa alls ekki yfir sömu reynslu
að búa og þcir sem eru búnir að
spila i deildinni um árabil, og það
hefir sitt að segja. Annars er spá
min þessi:
1. Valur
2. FH.
3. Víkingur
4. Fram
5. Grótta
6. IR
7. Ármann
8. Haukar
Birgir Björnsson,
þjálfari FII.
— Eðlilega stefnum við að sigri
í mótinu, eins og við FH-ingar
höfum alltaf gert. Það er þó ekki
þar með sagt að sigurinn verði
okkar. Hvort tveggja er, að þau lið
sem standa í Evrópukeppni eiga
oftast fremur erfitt uppdráttar í
deildakeppninni heima fyrir. Hitt
er það, að ég hygg að Islandsmótið
verði með jafnasta móti í ár. Liðið
er nokkuð breytt frá í fyrra. Við
Auðunn erum ekki lengur með,
en í staðinn hefur Geir komið
aftur í hópínn, og er það auðvitað
mikill styrkur. Ég treysti mér
ekki til að kóma með neina spá,
en þó sýnist mér að baráttan á
toppinum komi til með að standa
milli FH. Vals, Fram og Víkíngs.
Um hver verður I botnsætinu þori
ég ekkert að segja, og vil heldur
engum svo illt, að lenda I því.
Guðjón Jónsson,
þjálfari F'ram.
— Þetta verður hörkumót. Ur-
slitin í leikjunum sem þegar eru
afstaðnir benda að minnsta kosti
ótvírætt til þess. Oft hefir mér
fundizt, að sum lið hefðu ein-
hverskonar tangarhald á öðrum,
t.d. hefir Val oftast gengið vel
gegn Víkingi, en þetta afsannað-
ist rækilega I leik þessara aðila
um daginn,
Eg held, að lið okkar Framara
hafi aldrei verið eins jafnsterkt
og nú. Að vísu urðum við fyrir
miklum missi þegar Axel fór, en
hið fornkveðna mun sannast, að
maður kemur I manns stað. Ég
spái að úrslitin verði á þessa leið:
1. Fram
2. FH.
3. Víkingur
4. Valur
5. IR.
6. Haukar
7. Ármann
8. Grótta
Þórarinn Eyþórsson,
þjálfari ÍR.
— Ég reikna með, að mótið i
vetur verði það jafnasta sem fram
hefir farið sl. 4—5 ár. Auðvitað
verðum við með í baráttunni um
toppsætið, en óneitanlega rýrði
það möguleika okkar að tapa fyrir
Ármanni. Það var mikið áfall. En
vió erum opnir I báða enda, eins
og sagt er. Við getum sigrað hvaða
lið sem er. Það er alltaf erfitt að
spá, en þó gæti ég trúað að loka-
staðan yrði eitthvað á þessa leið.
1. Valur
2. FH.
3—4. IR.
3—4. Víkingur
5. Fram
6. Ármann
7. Haukar
8. Grótta
Hilmar Björnsson,
þjálfari Vals.
— Valsliðið hefir verið
seinna I gang en oflast áður.
Auk þess hafa liðsmenn átt við
mikil meiðsl að striða. I eina
leiknum sem við höfum leikið til
þessa, vantaði t.d. margra leik-
menn. Meðal þeirra voru, Ölafur
Benediktsson, Gunnsteinn Skúla-
son, Gisli Blöndal og Guðjón
Magnússon, allt þrautreyndir
landsliðsmenn. Ég er sannfærður
um, að þegar við náum að stilla
upp okkar sterkasta liði, verðum
við ekki auðunnir.
Annars er það trú min að mótið
verði mjög jafnt. Það verður
úrslitaleikur á milli Vals og FH
og þann leik vinnum við 16—15,
sagði Hilmar glottandi að lokum.
Spá Hilmars er þessi:
1. Valur
2. FH.
3. Fram
4. Víkingur
5. Ármann
6. IR.
7. Haukar
8. Grótta
Pétur Bjarnason,
þjálfari Ármanns.
— Þetta verður hörkumót. Við
Ármenningar höfum mun sterk-
ara liði á að skípa en í fyrra. Vörn
okkar og markvörður er með því
albezta sem gerist i íslenzkum
handknattleik, og sóknarleikur-
inn, sem hefir verið okkar höfuð-
verkur, er I mikilli framför. Það
sýnir bezt sigurinn yfir ÍR á
dögunum. Það er að mestu sami
mannskapurinn sem við höfum og
I fyrra. Þó höfum við misst tvo
leikmenn, þá Vilberg Sigtryggs-
son og Þorstein Ingólfsson, en
ungir og efnilegir menn hafa
bætzt í hópinn í staðinn.
1. FH.
2. Valur
3. Fram
4. Ármann
5. Víkingur
6. ÍR.
7. Haukar
8. Grótta
Viðar Símonarson,
þjálfari Hauka.
— Undanfarin ár hafa lið FH
og Vals verið afgerandi bezt i
handknattleiknum. Ég hefi þá
trú, að svo verði ekki nú, liðin
verði jafnari. Þess vegna treysti
ég mér alls ekki til að láta hafa
eftir mér neina spá.
Hvað Haukaliðinu við kemur,
er það að segja, að ég hefi keyrt
strákana mjög hart á æfingunum
nú í haust. Ef til vill situr einhver
þreyta I þeim, en innan skamms
er ég sannfærður um að þetta
smellur allt saman hjá okkur.
Okkur hafa bætzt efnilegir leik-
menn, sem ekki voru með í fyrra.
1 markvörzlu Haukanna felst
mikill styrkur, og það atriði á
eftir að gera út um marga leiki I
vetur.
Karl Benediktsson,
þjálfari Víkings.
— Ég reikna með að sömu liðin
verði i baráttunni um toppinn og
undanfarin ár. Það er að segja,
FH, Fram, Valur og Víkingur.
Margir hafa verið með hrakspár í
garð Gróttu og Ármanns. Ég er
ekki einn þeirra. Ég hef trú á, að
þessi lið séu ekki öll þar sem þau
eru séð.
Hvað okkur Víkinga áhrærir,
tel ég að liðið sé mun jafnara en
undanfarin ár. Einnig er andinn
innan liðsins mjög góður, og er
það ekki svo veigalítið atriði. Við
erum þegar búnir með tvo erfiða
leiki. Unnum Val, en töpuðum
naumt fyrir FH. 1 þessum leikjum
kom berlega fram, að ýmsir þætt-
ir leiks okkar þarfnast meiri
æfingar. Það er ósköp eðlilegt,
enda höfum við misst sex af átta
æfingum í Höllinni vegna leikja
þar, og hinn æfingastaðurinn okk-
ar, íþróttahús Réttarholtsskólans
hefir nýlega verið opnað. Við
munum verða hverju félagi
hættulegur andstæðingur. Ég
treysti mér ekki til að spá frekar
um lokastöðuna í mótinu, enda
slíkt ætið erfitt. Þó er ég viss um,
að í þessu móti verða miklar
sviptingar.
Morgunblaóið þakkar þjálfur-
unum viðtölin, og þegar orð
þeirra eru saman tekin, virðast
þeir allir sammála um, að lslands-
mótið I handknattleik 1974 verði
mót mikilla átaka og baráttu.
Sigb. G.
Leik-
dagar
LEIKIR í 1. deildarkcppn-
inni í fyrri umferð verða
sem hér segir:
30/11 Haukar — lR
30/11 Grótta — FH
1/12 Ármann — Víkingur
1/12 Fram — Valur
4/12 Valur — Grótta
4/12 Ármann — FH
8/12 Víkingur — Haukar
8/12ÍR — Fram
14/12 FH — Valur
14/12 Grótta Ármann
15/12 Fram — Haukar
15/12 Víkingur — ÍR