Morgunblaðið - 31.07.1975, Blaðsíða 31

MORGUNBLAÐIÐ, FIMMTUDAGUR 31. JÚLI1975
31
TVÖ MÖRK af ódýrustu tegund færðu Sovétmönnum sigurinn í landsleik
þeirra vi8 fslendinga í knattspyrnu á Laugardalsveltinum í gærkvöldi. Fyrra
markið var hreint sjálfsmark hjá fslendingum og þegar Sovétmenn skoruðu
seinna mark sitt nutu þeir góðrar aðstoðar íslendinga. Með þessum úrslitum
er von fslendinga um að komast i lokakeppni Olympiuleikanna að engu
orðin, og telja verður nær öruggt að það verði Sovétmenn sem þangað halda,
en þeir eiga bronsverðlaun frá leikunum i Múnchen 1972 að verja.
Óhætt er að fullyrða að lið Sovétmanna er bezta „áhugamannalið" sem
leikið hefur hérlendis. Þar var valinn maður í hverju rúmi, — menn sem
kunnu flest það fyrir sér sem góða knattspyrnumenn má prýða. Hins vegar
verður manni nú ef til vill Ijósara en áður sú ólga sem er innan knattspyrnu-
hreyfingarinnar vegna liðsskipanar austantjaldslandanna i keppni Olympiu-
leikanna. sem eiga að vera fyrir áhugamenn. Það þarf engan speking til þess
að sjá að þessir leikmenn eru hreinir atvinnumenn i íþrótt sinni, og á þeim
vettvangi ber þeim að keppa. A.m.k. hlýtur það að vera hart aðgöngu fyrir
beztu knattspyrnuþjóðir heims, eins og t.d. Hollendinga, Vestur-Þjóðverja og
Englendinga að vera útilokaðir frá þvi að mæta þessum þjóðum á jafnréttis-
grundvelli.
Leikurinn i gærkvöldi bauð upp á
skemmtilega knattspyrnu og góð tilþrif
ekki siður af hálfu íslenzka liðsins en
þess sovézka. Það eina sem setti
verulegan skugga á leikinn voru
mörkin tvö og hefði betur mátt við
þessi útslit una, hefðu Sovétmenn
skorað þau sjálfir. En slys geta alltaf
komið fyrir í knattspyrnunni, og það er
ekki hægt að kveða upp þungan dóm
yfir islenzku varnarmönnunum eða
þeim sem áttu sök á mörkunum, til
markið. Nokkrum sinnum siðar í
leiknum áttu (slendingar góð færi, sér-
staklega eftir aukaspyrnur, horn-
spyrnur og við innköst, en jafnan
„dekkuðu" Sovétmennirnir það vel
upp, að herzlumuninn skorti til þess að
koma knettinum i mark þeirra
Ódýr mörk
Sem fyrr greinir voru mörkin tvö
sem Sovétmenn fengu ákaflega ódýr.
Hið fyrra kom á 8 mínútu seinni
hálfleiks og bar það þannig að, að
Aleksandr Minaev, bezti maður svo-
Árni Stefánsson bjargar glæsilega í leiknum í
gærkvöldi.
Falleg knattspyrna
- ófögur mörk
þess stóðu þeir sig of vel þegar á
leikinn er litið í heild.
Heppni Sovétmanna
Sovétmenn voru heppnir að halda
marki sinu hreinu i þessum leik, þar
sem færi þau sem íslendingar fengu
við mark þeirra voru nokkur það góð,
að þau áttu að gefa mörk. Sérstaklega
var það á fyrstu 1 5 mínútum leiksins
sem íslendingar voru ágengir við mark
þeirra og á 4. minútu leiksins var það
markstöngin sem bjargaði þeim. Guð
geir Leifsson hafði þá átt eitt af sínum
löngu innköstum, sem Sovétmennirnir
þekktu greinilega og bjuggust til
varnar Mikil þvaga myndaðist í mark-
teignum þar sem knötturinn gekk
manna á milli og fór svo að lokum að
einum sovézka varnarmanninum tókst
að pota knettinum frá og i stöng en
þaðan hrökk hann svo aftur fyrir
ézka liðsins var með knöttinn úti á
hægri kanti og sendi hann fyrir markið.
Jóhannes Eðvaldsson virtist eiga góð
tök á að hreinsa frá og eins átti Árni
Stefánsson markvörður möguleika á að
ná til knattarins. En Jóhannesi brást
þarna illa bogalistin og i stað þess að
spyrna frá hrökk knötturinn af honum í
markhornið, án þess að Árni ætti
minnstu möguleika á að verja.
Seinna mark Sovétmanna kom svo
um miðjan seinni hálfleikinn Marteinn
Geirsson var þá að ..dúlla" með knött-
inn út við hliðarlinu, vinstra megin, og
náði einn sovézku leikmannanna að
krækja knettinum frá honum og senda
fyrir markið, þar sem þrir islenzkir,
varnarleikmenn voru á móti Aleksandr
Mineav. Eigi að siður tókst honum að
komast að knettinum og senda hann i'
markið.
Fleiri færi
Sovétmenn áttu nokkur allgóð mark-
tækifæri í þessum leik, en leikaðferð
þeirra virtist vera sú að leika alveg upp
í mark íslendinganna, og var það sára-
sjaldan sem þeir reyndu skot af löngu
færi. En einmitt tvö slík skot verða að
teljast þau hættulegustu sem þeir áttu
í leiknum og komu þau bæði í fyrri
hálfleik. Á 20. minútu átti Nikolay
Osianin hörkuskot af löngu færi sem
Árni bjargaði með þvi að slá yfir og á
37 mínútu varði Árni stórglæsilega
skot Aleksandr Minaev. Rétt fyrir lok
hálfleiksins skall svo hurð nærri hæl-
um við islenzka markið, er þar mynd-
aðist mikil þvaga, en Marteinn Geirs-
son átti mestan heiðurinn af þvi að
bjarga markinu — settist á knöttin og
sat sem fastast þrátt fyrir mikla orra-
hríð. Þegar öldurnar lægði kom svo i
Ijós að dómarinn hafði dæmt auka-
spyrnu á Sovétmenn fyrir ólöglegar
aðfarir að Árna markverði
Góð barátta
Góð barátta var i islenzka liðinu frá
upphafi til enda i leik þessum. Greini-
lega átti að beita sömu leikaðferð gegn
Sovétmönnunum og reynst hefur vel
t d, i leikjunum gegn A-Þjóðverjum og
Frökkum. þ.e að gefa andstæðingnum
eftir hluta af vellinum og leyfa honum
að leika þar nokkuð lausum. hala en
reyna síðan að stöðva sóknirnar fyrir
utan vitateig, og hefja upp úr þeim
skyndiupphlaup Segja má að þessi
leikaðferð hafi gengið nokkuð vel; Sov-
étmennirnir voru hins vegar til muna
liprari og léku betur saman en fyrri
andstæðingar okkar hafa gert, og
skiptingar þeirra rugluðu islenzku varn-
arleikmennina stundum i riminu. Sov-
étmennirnir þekktu mjög vel inn á
sóknarleik islenzka liðsins, enda haft
„njósnara" á leikjum islenzka landsliðs-
ins að undanförnu og þar hvergi til
sparað. Lögðu þeir mikla áherzlu á að
stöðva sóknartilburði Islendinga i fæð-
ingu, og ef 15 fyrstu mínúturnar eru
undanskildar tókst þeim það vel. Oft
urðu þeir þó að beita ýmsum brögðum
til þess að stöðva fslendingana, en
hinn frábæri skozki dómari leiksins,
J.R.P Gordon, var mjög nákvæmur í
dómum sinum, og fljótur að gripa til
flautunnar, þegar brotið var
Bezti leikmaður íslenzka liðsins I
þessum leik var Marteinn Geirsson
sem átti þarna einn sinn bezta leik fyrr
og siðar. Bæði var að hann stöðvaði
ófáar sóknartilraunir Sovétmanna og
sýndi við það mikið öryggi og lika hitt
að Marteinn reyndi allan tlmann að
byggja upp fyrir félaga sina og tók þátt
i sóknaraðgerðunum þegar slíkt var
mögulegt. Árni Stefánsson átti einnig
mjög góðan leik að þessu sinni i mark-
inu og sýndi nokkrum sinnum stór-
glæsileg tilþrif.
I heild má segja að aftasta vörn
íslenzka liðsins hafi staðið sig mjög
vel, ef frá eru skilin tvö mistök hennar
sem voru dýrkeypt Jóhannes Eðvalds-
son barðist mjög vel allan leikinn og er
greinilega í góðri æfingu um þessar
mundir Sjálfsagt verður bæði honum
og ýmsum öðrum minnisstætt hið
klaufalega sjálfsmark, en er ekki eins
vert að muna eftir hinu glæsilega
marki sem Jóhannes skoraði í sama
mark á móti Austur-Þjóðverjum fyrr I
sumar
Framlinumenn íslenzka liðsins urðu
að berjast mikið upp á eigin spýtur í
þessum leik, og fengu sjalndast mikið
svigrúm Af og til náðu þeir þó að ógna
vel og var Teitur þar einna fremstur I
flokki.
Ein breyting var gerð á liðinu I
leiknum: Ólafur Júliusson kom inná
fyrir Matthias Hallgrimsson, en mikið
má vera ef það hefði ekki verið betra að
setja Björn Lárusson inná i bakvarðar-
stöðu og færa Jóhannes Eðvaldsson
framar á völlinn.
Sovézka liðið er skipað mjög jöfnum
leikmönnum og greinilega svo vel sam-
æft að leikmennirnir þekktu nákvæm-
lega staðsetningar og hreyfingar hver
annars á vellinum Liðið lék oft frábær-
lega vel saman með knöttinn, og þegar
bezt lét tókst þvl einnig að leika á
íslendinga. Er augljóst að sú ákvörðun
Sovétmanna að breyta leikaðferðum
sínum og leikskipulagi, sem ákveðin
var eftir OL—1972 og eftir siðustu
heimsmeistarakeppni, er likleg til að
bera árangur, en fram til þess tima var
sovézka landsliðið einkum orðað fyrir
að leika þunglamalega og litt áferðar-
fallega knattspyrnu
í stuttu máli:
Laugardalsvöllur 30 júlí
(SLAND — SOVÉTRÍKIN 0—2
(0—0)
Mörk Sovétrikjanna: sjálfsmark 49.
min og Aleksandr Minaev á 67 min
Áhorfendur 9666
Dómari: Gordon frá Skotlandi, og er
fátitt að sjá svo frábæra dómgæzlu
sem hann og félagar hans sýndu. Þar
sáust aldrei mistök.
Svipmyndir frá leiknum í gærkvöldi. Á myndinni til vinstri tekst Sovétmönnum að skalla frá eftir sókn
ísienzka liðsins, en á myndínni til hægri sækja Islendingar. Þeirri sókn lauk með þvf að knötturinn hrökk
í stöngina og út.
„Þurfum
ekki að
skammast
okkar”
— Það er langt frá þvi að við
þurfum að skammast okkar fyrir
að tapa 2:0 fyrir liði eins og því
sovézka, sagði Guðgeir Leifsson
að leiknum loknum. — Ég held
bara að ég hafi aldrei séð eins
marga snjalla knattspyrnumenn
samankomna i einu liði, hélt Guð
geir áfram en hann heldur aftur
utan til Belgiu á sunnudaginn til
liðs við belgiska 1. deildarliðið
Charlesroi. Strax að leiknum
loknum i gærkvöldi gekk Guðgeir
frá samningum sínum við félagið
og lögfræðingur þess, sem hing-
að kom i gær gagngert til að fá
undirskrift Guðgeirs heldur utan
aftur með pappirana í dag.
— Ellert Schram, formaður
Knattspyrnusambands Islands,
tók í sama streng og Guðgeir og
sagði að það væri ekki skömm að
tapa fyrir svo sterku liði með
tveggja marka mun. — Við get-
um verið stolt af frammistöðu
okkar manna i þessum leik, eins
og öðrurn leikjum sumarsins,
sagði Ellert. — Ég viðurkenni
það að visu að ég gerði mér vonir
um sigur fslands i leikhléi þegar
ekkert mark hafði verið skorað
og islenzka liðið hafði vindinn í
bakið i siðari hálfleiknum, en tvö
ódýr mörk gerðu út um þær von-
ir. íslenzka landsliðið hefur að
vísu leikið betri landsleiki i sumar
en þennan, en þvi má ekki
gleyma að sovézku leikmennirnir
eru hreinir snillingar.
---Þeir voru stórkostlegir,
hrikalega voru þeir góðir, voru
fyrstu orð Marteins Geirssonar er
við spurðum hann hvað hann
vildi segja um leikinn. — Það er
gaman að leika á móti svona liði,
hvernig heldurðu að sé að mæta
þeim á rennisléttum velli eins og
þeir eru vanir?
Arni Stefánsson var að vonum
ánægður með frammistöðu sína i
leiknum enda hafði hann staðið
sig frábærlega vel. — Ég hef
aldrei séð svona gott lið, þeir eru
mun betri en Real Madrid var
þegar við Framarar lékum við þá í
fyrra á Spáni og hélt maður þó að
það væri toppurinn. Um mörkin
sagði Árni að það yrði ekki við
öllu séð og bæði mörkin hefðu
verið gefin, en bætti þvísvo við
að 2islenzka liðið hefði unnið
þennan leik ef þvi hefði tekist að
skora mark úr tækifærunim fyrst
í leiknum.
Landsliðsfyrirliðinn Jóhannes
Eðvaldsson sagði að sovézku leik-
mennirnir hefðu flestir mjög góða
knattmeðferð og það væri erfitt
að leika gegn svona liði. Það
hefði verið leikaðferð islenzka
liðsins að gefa þeim eftir svæði
upp að vitateig fyrir sinn netta
samleik en við teiginn hefði siðan
átt að stöðva þá. Hefði það gefist
nokkuð vel, en tvö slysamörk
hefðu gert út um leikinn. Um hið
slysalega sjálfsmark sitt sagði
Jóhannes: — Ég hitti boltann
bara svona herfilega illa.
John Gordon, mjög góður dóm-
ari leiksins, hafði eftirfarandi að
segja um leikinn og islenzka liðið:
— Þetta hlýtur að hafa verið
skemmtilegur leikur á að horfa
og fyrir mig sem dómara var hann
auðdæmdur. fþróttamannsleg
framkoma sat i fyrirrúmi og
ruddaskapur sást ekki i leiknum.
Frammistaða islenzku leikmann
anna og hraði þeirra i fyrri hálf-
laiknum hlýtur að hafa komið
fleirum en mér á óvart.
Meðal áhorfenda að leiknum i
gær var norski landsliðsþjálfarinn
Kjell Schou Andersson. Sagði
hann að ef islenzka liðið hefði
leikið af eins mikilli festu og
hörku og gegn Norðmönnum á
Laugardalsvellinum þá hefðu
Rússarnir komist oftar i vandræði
i leiknum en raun varð á. — Við
eigum möguleika gegn þeim á
heimavelli, en það verður verra
þegar við mætum þeim i Rúss-
landi, sagði Andersson.
— áij
— stjl.