Morgunblaðið - 06.08.1975, Blaðsíða 3

MORGUNBLAÐIÐ, MIÐVIKUDAGUR 6. AGÚST 1975
3
Ljósm. Jón Gunnar Stefánsson.
Minnisvarðinn um Brynjólf biskup Sveinsson afhjúpaður. Lengst til
vinstri stendur sr. Auður Eir Vilhjálmsdóttir, þá hr. Sigurbjörn
Einarsson biskup, sfðan sr. Lárus Þ. Guðmundsson og loks dóttir sr.
Lárusar, Ragnheiðuf sem afhjúpaði minnisvarðann.
Afhjúpaður minn-
isvarði um Brynjólf
biskup Sveinsson
A SUNNUDAGINN var 300.
ártfðar Brynjólfs biskups Sveins-
sonar minnst að Holti f
önundarfirði, en þar fæddist
hann og ólst upp. Hátfðin hófst
klukkan 2 eftir hádegi með messu
f Holtskirkju. Predikaði biskup-
inn yfir Islandi, hr. Sigurbjörn
Einarsson, en sóknarprestarnir
Auður Eir Vilhjálmsdóttir og
Lárus Þ. Guðmundsson þjónuðu
fyrir altari.
Að messu lokinni hófst athöfn á
Presthól, skammt frá kirkjunni.
Flutti þar ávarp Hjörtur
Hjálmarsson fyrrverandi skóla-
stjóri og núverandi formaður
Lionsklúbbs önundarfjarðar. Kór
söng og afhjúpaður var minnis-
varði um Brynjólf biskup Sveins-
son. Minnisvarðann afhjúpaði
Ragnheiður dóttir presthjónanna
í Holti. önfirðingafélagið og
Lionsklúbbur önundarfjarðar
gáfu minnisvarðann og komu
honum upp.
Eftir athöfnina á Presthól, sem
þykir hér eftir réttnefndur
biskupshóll, var boðið til kaffi-
drykkju í Holtsskóla. önnuðust
kvenfélögin f Mosvallahreppi og á
Flateyri kaffiveitingar. Meðan
setið var að veitingum flutti
Guðmundur Ingi Kristjánsson
skáld frá Kirkjubóli erindi um
Brynjólf biskup Sveinsson.
Má áætla að hátíðina hafi sótt á
þriðja hundrað manns, þar á
meðal fjöldi Önfirðinga úr
Reykjavík og víðar að. Nutu menn
ágætrar hátfðar í góðu veðri.
Sameinaður kór Holts- og Flat-
eyrarkirkna annaðist söng undir
messu og við athöfnina á eftir
undir stjórn Brynjólfs Árnasonar
frá Vöðlum.
— Frá fréttaritara Mbl á Flateyri.
Utanríkisráðherra Svía:
Styðjum Islendinga
í nefndum en ekki op
inberlega
ÞANN 31. ágúst n.k. verður flutt-
ur þáttur f sænska ríkisútvarpinu
um landhelgisbaráttu Islendinga
og þar á meðal útfærslu fiskveiði-
lögsögunnar úr 50 í 200 mílur.
Þáttur þessi nefnist „Krig om
fisk“ og hafa þeir dr. Nils Dahl-
beck og Sigmar B. Hauksson séð
um undirbúning þáttarins. I þætt-
inum er m.a. rætt við Sven Ander-
son, utanrfkisráðherra Svfþjóðar
og hann spurður um afstöðu Svía
til útfærslu íslenzku landhelg-
innar.
Að sögn Sigmars B. Haukssonar
lætur Anderson þau orð fafla, að
Svfar muni ekki styðja Islendinga
opinberlega, en muni hins vegar
styðja Islendinga f öllum þeim
nefndum, sem Svíþjóð eigi
fulltrúa f og fjalli um fiskveiði- og
hafréttarmál.
Þeir félagar, Sigmar og dr.
Dahlbeck, fóru meðal annars til
Djúpuvfkur á Ströndum, Siglu-
fjarðar og Grindavíkur er þeir
unnu að gerð þessa þáttar.
Þoka hamlaði Færeyjaílugi
ÞOKA i Færeyjum hamlaði flug-
samgöngum milli Færeyja og
annarra Ianda f nokkra daga og
þannig féllu ferðir Flugfélags Is-
lands niður bæði á laugardag og
sunnudag. Var því ekkert flogið
milli Færeyja og tsfands frá
fimmtudegi og fram á þriðjudag,
að vélar Ffugfélags Islands gátu
lent f Færeyjum. Voru þá sendar
þrjár ffugvélar til Færeyja til að
flytja alla þá, sem beðið höfðu
eftir fari, en þeir voru rúmlega 80
f Reykjavík og um 100 f Fær-
eyjum, að sögn Sveins Sæmunds-
sonar, blaðafulltrúa Flugleiða.
33 sjómenn fór-
ust á síðasta ári
1 skýrslu rannsóknarncfndar sjó-
slysa fyrir árið 1974, sem er ný-
komin út, kemur fram, að á árinu
1974 áttu sér stað 266 slys um
borð f fslenzkum skipum, smáum
og stórum. Af þessum slysum
reyndust dauðaslys vera 33. 21
maður beið bana á ýmsan hátt um
borð f skipunum, en 12 drukkn-
uðu, þegar skip voru á siglingu á
veiðum eða f höfn.
I skýrslunni segir ennfremur að
algengustu slysin eigi sér stað
með þvf móti, að menn verði á
milli hurða hlera og veiðarfæra,
en það kom 63 sinnum fyrir á
árinu. Þá kom það 30 sinnum
fyrir að menn fengu skurð eða
stungust. Þá kom það 57 sinnum
fyrir að menn meiddust við það að
renna til ofanþilja og detta.
______V erzlunarmannahelgin:_
Umferðin minni og
dreifðari en áður
„UMFERÐIN var f minna lagi
ef við tökum mið af fyrri
verzlunarmannahelgum,“
sagði Arni Þór Eymundsson
fulltrúi hjá umferðarráði er
Morgunblaðið ræddi við hann f
gær um liðna helgi. Sagði
Arni, að umferðin hefði verið
minni og dreifðari en áður
enda hefði enginn „segull“
dregið til sfn mannskapinn
eins og t.d. Húsafell á sfnum
tfma. Arni kvað þá hjá um-
ferðarráði hafa reiknað það út,
að um 15 þúsund manns hefðu
sótt skipulagðar samkomur á
meginlandinu um þessa helgi,
en fyrir nokkrum árum kom
þessi sami fjöldi f Húsafell.
Umferðin gekk að þessu sinni
stórslysalaust, umferðaróhöpp
voru fjölmörg en aðeins f
tveimur þeirra var um að ræða
meiðsli á fólki.
Árni Þór Eymundsson sagði
að mestur bílastraumur hefði
legið um Suðurlandið og hefðu
flestir á þeirri leið farið í
Galtalækjarskóg. Þar var
haldin fjölmennasta útihátíðin
en þangað komu tæplega 7000
manns. Þá var einnig töluverð
umferð á Norðurlandsvegi og í
nágrenni Egilsstaða. Veðurvar
breytilegt um helgina en allir
fengu sinn skammt af rigningu
og þurrviðri. I bezta falli var
úrkomulaust (nema sól að
hluta á Austurlandi) en alveg
sólarlaust, en þegar líða tók á
helgina fór viða að rigna og tók
fólk af þeim sökum fyrr upp
tjöld sín á mörgum stöðum en
það hefði annars gert.
Eins og fyrr segir urðu
fjöldamörg umferðaróhöpp,
árekstrar og bflveltur. I aðeins
tveimur tilfellum svo vitað sé
urðu meiðsli, í árekstrum við
Geitháls og Hlégarð í Mos-
fellsveit. Nokkuð var um ölvun
við akstur og voru 30—40 öku-
menn teknir vegna gruns um
slíkt. Vegaþjónusta FlB var
mikið notuð að sögn Árna
Þórs, einkum þó á mánudag-
inn þegar fólkið var á heim-
leið.
Morgunblaðið hafði f gær
samband við nokkra staði úti á
Iandsbyggðinni þar sem fólk
safnaðist saman um helgina.
Fara svör manna hér á eftir:
7 þúsund manns í
Galtalækjarskógi
I GALTALÆKJASKÖG komu
tæplega 7000 manns um helg-
ina og er það mesti fjöldi sem
sótt hefur þar útisamkomu.
Sagði Hreggviður Jónsson,
einn þeirra ungtemplara sem
stóðu að mótinu, að miklu
fleiri unglingar hefðu sótt
mótið nú en áður. Eitthvað bar
þar meiri á ölvun að þessu
sinni, en slfkt hefur verið
fátítt. Varð að taka 10—20
manns úr umferð vegna ölv-
unar og einnig var áfengi tekið
af mótsgestum við innganginn
á mótssvæðið. Annars tókst
mótshaldið vel að mati Hregg-
viðs og allt fór fram án
óhappa.
Veður var misjafnt, yfirleitt
var þurrt en skúraleiðingar)
einstöku sinnum sást til sólar.
Vegna veðursins varð þátttaka
f útiskemmtunum ekki eins
mikil og ætla mætti að annars
hefði orðið. Hreggviður bjóst
fastlega við því að mótið hefði
staðið undir sér fjárhagslega,
enda var öll vinna unnin án
endurgjalds. „En það er segin
saga með mót eins og þetta,
það græðir enginn á þeim
nema ríkið sem hirðir strax
20% f söluskatt og svo einnfg
hluta þess sem eftir er í formi
margs konar skattheimtu,“
sagði Hreggviður að lokum.
Rólegt í Húnaveri
FÆRRI sóttu skemmtanir i
Húnaveri um þessa helgi en
undanfarnar verzlunarmanna-
helgar, að sögn Hjálmars
Eyþórssonar lögreglumanns á
Blönduósi. Sóttu 300 manns
dansleiki þar þegar flest var á
laugardagskvöld. Sagði
Hjálmar, að allt hefði farið
þar skfnandi vel fram og
bragurinn allur annar en oft
áður I Húnaveri. Umferð um
Húnavatnssýslu var mikii og
gekk hún óhappalftið. Þó urðu
þrfr árekstrar á laugardag, þar
af einn mjög harður, en bfl-
belti komu f veg fyrir slys.
Sömu sögu er að segja úr
Borgarfirði, þar var mikil um-
ferð en engin slys. Engar úti-
samkomur voru f Borgarfirði
að þessu sinni en dansleikir
þrjú kvöld og bar þar nokkuð á
ölvun, að sögn Björns Þor-
björnssonar lögreglumanns f
Borgarnesi. Var ástandið þó
ekki verra en um venjulegar
helgar.
Sukksamt á
Laugavatni
MESTA bflaumferðin um
verzlunarmannahlegina virð-
ist hafa verið um umdæmi
Selfosslögreglunnar. Ekki
gekk hún óhappalaust að sögn
Sigurðar Jónssonar varð-
stjóra, þvf að lögreglan þurfti
að hafa afskipti af 21 árekstri
og 4 bflveltum en engin
teljandi meiðsli munu hafa
orðið. Um 1500 manns voru f
Þjórsárdal og annað eins á
Laugarvatni og auk þess munu
unglingar hafa tjaldað við
félagsheimilið Arnes og
eitthvað við Aratungu. A
þessum stöðum bar allmikið á
ölvun, einkum á Laugarvatni
og á dansleikjum f félags-
heimilunum. Atti lögreglan
mjög annrfkt vegna ölvaðra
manna.
Af þeim útivistarsvæðum
sem eru í umdæmi Selfosslög-
reglunnar voru einna fæstir á
Þingvöllum að sögn Sigurðar
Jónssonar. I Þjórsárdal var
áberandi mikið um fjölskyldur
og var þar nokkur ölvun, en þó
ekki nærri eins mikil Og á
Laugarvatni. Þar átti lögregl-
an annrfkt vegna ölvunar og
fylgdu henni töluverð ólæti.
Þá var eitthvað um að stolið
væri úr tjöldum á Laugarvatni.
I og við Félagsheimilið Árnes
var mest um 1000 manns og
700 manns í Aratungu og
var bragurinn líkur því sem er
venjulega á sveitaböllum. I Ár-
nessýslu var lengst af þurrt
um helgina að öðru leyti en
sólarlaust. Á sunnudagskvöld
fór að rigna og bjuggust þá
margir til brottfarar af tjald-
stæðum.
Mikið að gera hjá
Egilsstaðalögreglu
MJÖG mikil umferð var á
vegum á Héraði yfir verzlunar-
mannahelgina og annir hjá
lögregiunni á Egilsstöðum, að
sögn Björgvins Björgvinssonar
lögregluþjóns þar. Fjölmennt
fþróttamót var haldið á Eiðum
og f Valaskjálf voru haldin
þrjú böll og sóttu þau samtals
13—1400 manns. Veðurguð-
irnir léku við Austfirðinga
þessa helgi eins og flestar aðr-
ar helgar f sumar og komst
hitinn upp f 20 stig.
Töluvert mikið bar á ölvun á
Egilsstöðum enda leitaði fólk
þangað neðan af fjörðunum
þar sem engar skemmtanir
voru heima fyrir. Var þetta
mest ungt fólk og tjaldaði það
á tjaldstæði rétt utan við bae-
inn. Sagði Björgvin, að tjöldin
hefðu verið yfir 50 þegar þau
voru flest. Varð lögreglan að
hafa afskipti af allmörgum
vegna ölvunar og einnig voru
nokkrir ökumenn teknir vegna
gruns um ölvun við akstur.
Tvær bflveltur urðu á svæði
Egilsstaðalögreglunnar en
ekki teljandi meiðsli.
Björgvin tók það fram að
lokum, að enginn vegaþjón-
ustubfll frá FÍB hefði verið á
stórum hluta Austurlands og
sagði að mikil óánægja hefði
ríkt með það. „Það var mikið
spurt um FlB-
viðgerðarþjónustu en því
miður var enga slíka þjónustu
að fá og þótti okkur það alveg
ófært,“ sagði Björgvin.
Veðrið
spillti fyrir í
Vatnsfirðinum
UM 2000 manns komu á úti-
skemmtunina f Vatnsfirði um
helgina, að sögn Páls Ágústs-
sonar fréttaritara Mbl. á
Patreksfirði. Tókst hátfðin vel,
en veður spillti nokkuð fyrir
en það var hið margbreytileg-
asta, sól og rigning sama dag-
inn. Eitthvað bar á ölvun en
minna en efni stóðu til, þvf
lögreglan var grimm og tók
mikið af áfengi af fólki sem
var að fara inn á mótssvæðið.
Eins og vænta mátti voru
Vestfirðingar í meirihluta
mótsgesta í Vatnsfirðinum.
Þeir fyrstu komu á föstudag-
inn og var þá ansi kalt. A
laugardaginn rigndi en gott
veður var á sunnudag. Að
morgni mánudags var komin
lemjandi rigning en síðdegis
var glaðasól. Þannig var veðrið
i Vatnsfirðinum en hátíðin fór
nú samt óhappalaust fram.