Morgunblaðið - 17.09.1975, Blaðsíða 2
2
MORGUNBLAÐIÐ MIÐVIKUDAGUR 17. SEPTEMBER 1975
Beitartilraunum að
ljúka í sex hólfum
BEITARTILRAUNUM til að
kanna heppilegastan beitarþunga
með tilliti til landnýtingar og
gróðurverndar er að Ijúka eftir
fyrsta sumarið. Voru kálfar og
kindur tekin úr tilraunahólfinu f
Sölvholti f Flóa f fyrradag. En
beitarhólfin eru sex taJsins. Hafa
tilraunirnar gengið eftir áætlun,
með eðlilegum byrjunarörðug-
Hafnfírðingar til
Reykjavíkur ef
þeir hrufla sig
AF gefnu tilefni hafði Morgun-
blaðið samband við Kristin Ö.
Guðmundsson bæjarstjóra í
Hafnarfirði og spurði hann hvort
slysavarðstofa yrði sett á laggirn-
ar í Hafnarfirði á næstunni.
Kristinn sagði, að ekkert hefði
verið rætt um að koma upp slysa-
varðstofu í bænum og slík stofn-
un kostaði milljónir króna. Samn-
ingar væru um að Hafnfirðingar
gætu leitað á slysavarðstofuna í
Reykjavík og myndi svo verða
áfram.
leikum, að því er dr. Ölafur
Guðmundsson, fóðurfræðingur í
Rannsóknastöð landbúnaðarins,
tjáði Mbl. Beitartilraunir þessar
eru hluti af Landfræðsluáætlun-
inni og gerðar fyrir hluta af
þjóðargjöfinni svonefndu, með
styrk frá Sameinuðu þjóðunum.
Tilraunirnar eru gerðar í því
skyni að kanna heppilegastan
beitarþunga á mismunandi landi,
til að geta ákvarðað hve mikið má
beita landið, þannig að gróður
aukist fremur en minnki og með
hvaða hætti fáist beztar afurðir
bæði af sauðfé og gróðri. Hólfin
eru sex á mismunandi stöðum,
þ.e. á Auðkúluheiði, f Sölvholti í
Flóa, í Kálfholti við Þjórsá,
Álftaveri, á Hvanneyri og á Hesti
í Borgarfirði. I sumar var beitt
bæði kálfum og sauðfé í hólfin á
Hvanneyri, í Söivholti og Kálf-
holti, en á hinum stöðunum þrem-
ur aðeins sauðfé.
Otkoman verður nú sett til úr-
vinnslu í reikniheila, þannig að
niðurstöður um beitarþol frá
fyrsta árinu ættu að liggja fyrir i
vetur. Áformað er að halda
þessum tilraunum áfram í fimm
ár.
*■
Á þessari mynd sést vel, hve litlu hefur munað að vélin slyppi yfir
jökulinn.
Fyrsta sölt-
unarskipið
ijjuMn. ivioi.. örynjoiiur.
Fyrsta söltunarskipið — Asberg RE er fyrsta íslenzka hringnótaskipið
sem hélt til veiða hér við land, eftir þriggja ára hlé á síldveiðum.
Sfldina á að salta um borð í Asberg, en sfld hefur ekki verið söltuð að
ráði um borð f fslenzkum veiðiskipum sfðan 1969 og 1970 og þá f
Norðursjónum. Myndin sýnir þegar verið var að setja tómar tunnur
um borð í Asberg f Reykjavfkurhöfn.
Ullarverð hefur hækk-
að um 45,5% á einu ári
Verðlagsgrundvöllur landbún-
aðarvara, sem tók gildi 1. septem-
ber s.I., gerir ráð fyrir, að bændur
fái 174,50 krónur fyrir hvert kfló
af ull en f fyrra fengu bændur 120
krónur fyrir hvert kíló og er þetta
þvf 45,4% hækkun milli ára. Sam-
tök bænda hafa talið nauðsynlegt
að hækka ullarverð og þannig
tryggja betri nýtingu ullar en
verið hefur.
Á aðalfundi Stéttarsambands
bænda fyrir nokkru kom fram að
fleira stendur í veginum fyrir
betri nýtingu ullarinnar en lágt
verð á henni. Mannfæð í sveitum
gerir smalamennsku æ erfiðari og
bændur telja að í ýmsum tilvikum
valdi vorsmölun tjóni, ær geldist
og dilkar verði af þeim sökum
rýrari, tvílembingar villist undan
og er þá fljótt að muna í kjöt-
þunga ef þannig vill til.
Á síðustu árum hefur mjög
farið í vöxt að rýja fé meðan það
er á húsi og fer rúning þá yfirleitt
fram í marz eða aprílmánuði. Þeir
sem tekið hafa upp þessa aðferð
láta vel af henni en þá þurfa þeir
ekki að fást víð smalamennsku á
vorin. Sé fé rúið seinni hluta vetr-
ar verður að hýsa féð í köldum
vorum.
Hefur viðurkennt árásina
Flugslysið:
RANNSÓKNARLÖGREGLAN í
Hafnarfirði handtók f gær 19 ára
pilt vegna árásarmálsins sem sagt
var frá f bftðinu f gær, er 19 ára
piltur var rotaður um miðja nótt
á götu í Hafnarfirði og skilinn
eftir liggjandi f blóði sfnu. Játaði
pilturinn á sig árásina.
Málavextir reyndust vera þeir,
að tveir bræður voru saman á
Selvogsgötu í Hafnarfirði. Bar
þar að bíl með krökkum og
stöðvaði bfllinn hjá bræðrunum.
Gáfu krakkarnir sig á tal við
bræðurna, þar á meðal stúlka ein.
Piltur, sem var í bílnum, kom
einnig út og tók lauslega í hönd-
ina á öðrum bræðranna og hafði í
frammi tilburði til að ráðast á
hann, en mun þarna hafa verið að
gera að gamni sínu. Hinn bróðir-
inn tók þetta óstinnt upp og réðst
á piltinn og hætti ekki fyrr en
hann lá meðvitundarlaus og
skaddaður á andliti. Bræðurnir
hlupu síðan af vettvangi en
krakkarnir á bílnum gerðu Iög-
reglunni aðvart.
Svanur Sigurðsson.
Svanur Sigurðsson látinn
Heimildin veitt samkvæmt
útreikningum flugmannsins
BANDARtSKU hjónin, sem létu
lífið í flugslysinu á Eyjafjaila-
jökli, hétu Robert og Kathareen
Smith frá Alabama. Robert Smith
var, 35 ára gamall, en kona hans
var nokkru yngri.
yngri.
Morgunblaðið ræddi í gær við
Valdimar Ölafsson flugumferðar-
stjóra og innti hann eftir því
hvers vegna Robert Smith flug-
manni á litlu vélinni hefði verið
veitt heimild til að lækka flugið
niður í 5000 feta hæð. Valdimar
sagði, að Flugstjórnarmiðstöðin í
Reykjavík hefði veitt heimildina
samkvæmt útreikningum flug-
mannsins, sem taldi sig vera yfir
Vestmannaeyjum. Sagði Valdi-
mar, að flugleiðin frá Vestmanna-
eyjum til Reykjavíkur væri mjög
fjölfarin og mjög oft veittar
heimildir til lækkunar flugs. I
þessu tilfelli hefði flugmaðurinn
sjálfur óskað eftir heimildinni og
Flugumferðarstjórnin hefði
treyst því að útreikningar hans
væru réttir, enda flugmaðurinn
þjálfaður i að gera staðar-
ákvarðanir. Radarmiðanirnar frá
Stokksnesi, sem sagt var frá í
fréttinni í gær, hefðu ekki komið í
Ijós fyrr en eftir að rannsókn
t slyssins hófst og óskað var upplýs-
ingá þaðan.
Þá skal það tekið fram, að þegar
haft var eftir Sigurjóni Einars-
syni flugmanni í gær, að flugvélin
hefði verið á réttri stefnu á
Reykjavík, kom ekki nægilega
skýrt fram, að vélin var um 40
kílómetrum norðar og austar en
flugmaðurinn gaf sjálfur upp.
SVANUR Sigurðsson, útgerðar-
maður á Breiðdalsvík, varð bráð-
kvaddur á heimili sfnu þann 11.
september s.l. Svanur hefði orðið
46 ára í dag, 17. september. Hann
var kvæntur Hjördfsi Stefánsdótt-
ur frá Stöðvarfirði og eiga þau 3
börn.
Svanur var fæddur á Ósi í
Breiðdal, sonur hjónanna
Jóhönnu Þorbjargar Sigurðar-
dóttur og Sigurðar Jónssonar
bónda og útvegsmanns. Hann hóf
snemma sjósókn og varð for-
maður á báti 18 ára gamáll.
Svanur lauk vélstjóranámskeiði
og síðar fiskimanna- og farmanna-
prófi frá Stýrimannaskólanum.
Um nokkurra ára skeið stundaði
hann siglingar og var orðinn skip-
stjóri á Sambandsskipunum, er
hann ákvað að flytjast á ný til
Breiðdalsvíkur. Þar stofnaði hann
eigið útgerðarfyrirtæki, Braga
h.f., árið 1959 og um tíma var
hann skipstjóri á Hafnarey og
fleiri bátum. Svanur var um ára-
bil stjórnarformaður í Hraðfrysti-
húsi Breiðdælinga h.f. og einnig I
Hvalbaki h.f., sem gerir út skut-
togarann Hvalbak. Ennfremur
var hann formaður í Otvegs-
mannafélagi Austurlands. Þá var
hann um hríð formaður í samtök-
um sjálfstæðismanna á suður-
hluta Austfjarða Þá gegndi hann
um skeið fréttaritarastörfum fyr-
ir Morgunblaðið.
Svanur verður jarðsettur frá
Heydalakirkju n.k. föstudag 19.
september.
Opinber háskóla-
fyrirlestur
Magnús Ulleland prófessor við
Oslóarháskóla flytur opinberan
fyrirlestur í boði heimspeki-
deildar H.í. fimmtudaginn 18.
september n.k. kl. 20.30 I stofu
201 Árnagarði. Fyrirlesturinn
verður fluttur á norsku og
nefnist: „Giovanni Boccacio sex-
hundruð árum siðar". öllum er
heimill aðgangur að fyrirlestrin-
um.
(Frétt frá Háskóla íslands.)
Em bezta sumarver-
tíðin á Vestfjörðum
SUMARVERTlÐIN á Vestfjörð-
um hefur verið ein sú bezta um
árabil, segir f frétt sem Mbl. hef-
ur borizt frá Jóni Páli Halldórs-
syni trúnaðarmanni Fiskifélags
tslands á Isafirði. Er hún okkru
betri cn sumarvertíðin 1970, sem
var bezta vertfðin áður, en þá
fékkst ágætur grálúðuafli hjá
línubátum.
Heildaraflinn f ágúst mánuði
var 5.508 lestir, en var 5.145 lestir
í fyrra. Er heildaraflinn á sumar-
vertíðinni þá orðinn 17.298 lestir
til ágústloka en var 15.076 lestir á
sama tíma f fyrra. Af heildar-
aflanum á suniarvertíðinni er afli
skuttogaranna 8.953 lestir eða
52% heildaraflans, en það er
sama aflahlutfall og á sfðustu
vetrarvertíð.
Gæftir voru góðar og afli yfir-
leitt mjög góður. Sérstaklega var
góður afli í dragnótina og hand-
færaafli var víða með bezta móti.
Hagstætt tíðarfar átti að sjálf-
sögðu sinn þátt í góðum afla
minni bátanna. Afli togaranna
var einkanlega góður fyrri hluta
mánaðarins, en tregaðist verulega
seinustu vikuna. Hafa togararnir
minna getað notað flottrollið nú
en í fyrra sumar.
Framhald á bls. 23